৫. ঠপেত্ৱা অৰিযমগ্গন্তিকথাৱণ্ণনা

৭৮৯-৭৯০. ইদানি ঠপেত্ৱা অৰিযমগ্গন্তিকথা নাম হোতি. তত্থ ‘‘যস্মা অৰিযমগ্গো ‘দুক্খনিৰোধগামিনিপটিপদা’তি ৱুত্তো, তস্মা ঠপেত্ৱা অৰিযমগ্গং অৱসেসা সঙ্খাৰা দুক্খা’’তি যেসং লদ্ধি, সেয্যথাপি হেতুৱাদানং; তে সন্ধায পুচ্ছা সকৱাদিস্স, পটিঞ্ঞা ইতৰস্স. অথ নং ‘‘যদি এৱং সমুদযস্সাপি দুক্খভাৱো আপজ্জতী’’তি চোদেতুং দুক্খসমুদযোপীতি আহ. ইতৰো হেতুলক্খণং সন্ধায পটিক্খিপতি. পুন পুট্ঠো পৱত্তপৰিযাপন্নভাৱং সন্ধায পটিজানাতি. তীণেৱাতি পঞ্হেসু সুত্তৱিৰোধভযেন পটিক্খিপতি, লদ্ধিৱসেন পটিজানাতি. সেসমেত্থ উত্তানত্থমেৱাতি.

ঠপেত্ৱা অৰিযমগ্গন্তিকথাৱণ্ণনা.