১০. অধিকৰণসমথসুত্তৱণ্ণনা

৮৪. দসমে অধিকৰণানি সমেন্তি ৱূপসমেন্তীতি অধিকৰণসমথা. উপ্পন্নুপ্পন্নানন্তি উপ্পন্নানং উপ্পন্নানং. অধিকৰণানন্তি ৱিৱাদাধিকৰণং অনুৱাদাধিকৰণং আপত্তাধিকৰণং কিচ্চাধিকৰণন্তি ইমেসং চতুন্নং. সমথায ৱূপসমাযাতি সমথত্থঞ্চেৱ ৱূপসমনত্থঞ্চ. সম্মুখাৱিনযো দাতব্বো…পে… তিণৱত্থাৰকোতি ইমে সত্ত সমথা দাতব্বা. তেসং ৱিনিচ্ছযো ৱিনযসংৱণ্ণনতো (চূড়ৱ. অট্ঠ. ১৮৬-১৮৭ আদযো) গহেতব্বো. অপিচ দীঘনিকাযে সঙ্গীতিসুত্তৱণ্ণনাযম্পি (দী. নি. অট্ঠ. ৩.৩৩১ অধিকৰণসমথসত্তকৱণ্ণনা) ৱিত্থাৰিতোযেৱ, তথা মজ্ঝিমনিকাযে সামগামসুত্তৱণ্ণনাযাতি (ম. নি. অট্ঠ. ৩.৪৬).

ৱিনযৱগ্গো অট্ঠমো.