১০. মধুৰাসুত্তৱণ্ণনা

২২০. দসমে পঞ্চিমে, ভিক্খৱে, আদীনৱা মধুৰাযন্তি একং সমযং ভগৱা ভিক্খুসঙ্ঘপৰিৱুতো চাৰিকং চৰমানো মধুৰানগৰং সম্পাপুণিত্ৱা অন্তোনগৰং পৱিসিতুং আৰভি. অথেকা মিচ্ছাদিট্ঠিকা যক্খিনী অচেলা হুত্ৱা দ্ৱে হত্থে পসাৰেত্ৱা জিৱ্হং নিল্লালেত্ৱা দসবলস্স পুৰতো অট্ঠাসি. সত্থা অন্তোনগৰং অপ্পৱিসিত্ৱা ততোৱ নিক্খমিত্ৱা ৱিহাৰং অগমাসি. মহাজনো খাদনীযভোজনীযঞ্চেৱ সক্কাৰসম্মানঞ্চ আদায ৱিহাৰং গন্ত্ৱা বুদ্ধপ্পমুখস্স ভিক্খুসঙ্ঘস্স দানং অদাসি. সত্থা তস্স নগৰস্স নিগ্গণ্হনত্থায ইমং সুত্তং আৰভি. তত্থ ৱিসমাতি ন সমতলা. বহুৰজাতি ৱাতপহৰণকালে উদ্ধতেন ৰজক্খন্ধেন পৰিযোনদ্ধা ৱিয হোতি. সেসং সব্বত্থ উত্তানমেৱাতি.

অক্কোসকৱগ্গো দুতিযো.