১০. চতুত্থঅনাগতভযসুত্তৱণ্ণনা

৮০. দসমে কল্যাণকামাতি সুন্দৰকামা. ৰসগ্গানীতি উত্তমৰসানি. সংসট্ঠা ৱিহৰিস্সন্তীতি পঞ্চৱিধেন সংসগ্গেন সংসট্ঠা ৱিহৰিস্সন্তি. সন্নিধিকাৰপৰিভোগন্তি সন্নিধিকতস্স পৰিভোগং. ওড়াৰিকম্পি নিমিত্তন্তি এত্থ পথৱিং খণন্তোপি খণাহীতি আণাপেন্তোপি পথৱিযং ওড়াৰিকং নিমিত্তং কৰোতি নাম. তিণকট্ঠসাখাপলাসং ছিন্দন্তোপি ছিন্দাতি আণাপেন্তোপি হৰিতগ্গে ওড়াৰিকং নিমিত্তং কৰোতি নাম. আজীৱত্থায পণ্ণনিৱাপআদীনি গাহাপেন্তো ফলানি ওচিনন্তে ৱা ওচিনাপেন্তেন ৱত্তব্বমেৱ নত্থি. ইমেসু চতূসু সুত্তেসু সত্থাৰা সাসনে ৱুদ্ধিপৰিহানি কথিতাতি.

যোধাজীৱৱগ্গো ততিযো.