৪. ৰাগপেয্যালং

২৩১. ৰাগস্স, ভিক্খৱে, অভিঞ্ঞাযাতি পঞ্চকামগুণিকৰাগস্স অভিজাননত্থং পচ্চক্খকৰণত্থং. পৰিঞ্ঞাযাতি পৰিজাননত্থং. পৰিক্খযাযাতি পৰিক্খযগমনত্থং. পহানাযাতি পজহনত্থং. খযায ৱযাযাতি খযৱযগমনত্থং. ৱিৰাগাযাতি ৱিৰজ্জনত্থং. নিৰোধাযাতি নিৰুজ্ঝনত্থং. চাগাযাতি চজনত্থং. পটিনিস্সগ্গাযাতি পটিনিস্সজ্জনত্থং.

২৩২-২৪৬. থম্ভস্সাতি কোধমানৱসেন থদ্ধভাৱস্স. সাৰব্ভস্সাতি কাৰণুত্তৰিযলক্খণস্স সাৰব্ভস্স. মানস্সাতি নৱৱিধমানস্স. অতিমানস্সাতি অতিক্কমিত্ৱা মঞ্ঞনমানস্স. মদস্সাতি মজ্জনাকাৰমদস্স. পমাদস্সাতি সতিৱিপ্পৱাসস্স, পঞ্চসু কামগুণেসু চিত্তৱোস্সগ্গস্স. সেসং সব্বত্থ উত্তানত্থমেৱাতি.

ৰাগপেয্যালং নিট্ঠিতং.