৪. অঞ্ঞমঞ্ঞচতুক্কং

২৪৬. অৱিজ্জাপচ্চযা সঙ্খাৰো, সঙ্খাৰপচ্চযাপি অৱিজ্জা; সঙ্খাৰপচ্চযা ৱিঞ্ঞাণং, ৱিঞ্ঞাণপচ্চযাপি সঙ্খাৰো; ৱিঞ্ঞাণপচ্চযা নামং, নামপচ্চযাপি ৱিঞ্ঞাণং; নামপচ্চযা ছট্ঠাযতনং, ছট্ঠাযতনপচ্চযাপি নামং; ছট্ঠাযতনপচ্চযা ফস্সো, ফস্সপচ্চযাপি ছট্ঠাযতনং; ফস্সপচ্চযা ৱেদনা, ৱেদনাপচ্চযাপি ফস্সো; ৱেদনাপচ্চযা তণ্হা, তণ্হাপচ্চযাপি ৱেদনা; তণ্হাপচ্চযা উপাদানং, উপাদানপচ্চযাপি তণ্হা; উপাদানপচ্চযা ভৱো, ভৱপচ্চযা জাতি, জাতিপচ্চযা জৰামৰণং. এৱমেতস্স কেৱলস্স দুক্খক্খন্ধস্স সমুদযো হোতি.

অৱিজ্জাপচ্চযা সঙ্খাৰো, সঙ্খাৰপচ্চযাপি অৱিজ্জা; সঙ্খাৰপচ্চযা ৱিঞ্ঞাণং, ৱিঞ্ঞাণপচ্চযাপি সঙ্খাৰো; ৱিঞ্ঞাণপচ্চযা নামং, নামপচ্চযাপি ৱিঞ্ঞাণং; নামপচ্চযা ফস্সো, ফস্সপচ্চযাপি নামং; ফস্সপচ্চযা ৱেদনা, ৱেদনাপচ্চযাপি ফস্সো; ৱেদনাপচ্চযা তণ্হা, তণ্হাপচ্চযাপি ৱেদনা; তণ্হাপচ্চযা উপাদানং, উপাদানপচ্চযাপি তণ্হা; উপাদানপচ্চযা ভৱো, ভৱপচ্চযা জাতি, জাতিপচ্চযা জৰামৰণং. এৱমেতস্স কেৱলস্স দুক্খক্খন্ধস্স সমুদযো হোতি.

অৱিজ্জাপচ্চযা সঙ্খাৰো, সঙ্খাৰপচ্চযাপি অৱিজ্জা; সঙ্খাৰপচ্চযা ৱিঞ্ঞাণং, ৱিঞ্ঞাণপচ্চযাপি সঙ্খাৰো; ৱিঞ্ঞাণপচ্চযা নামৰূপং, নামৰূপপচ্চযাপি ৱিঞ্ঞাণং; নামৰূপপচ্চযা ছট্ঠাযতনং, ছট্ঠাযতনপচ্চযাপি নামৰূপং; ছট্ঠাযতনপচ্চযা ফস্সো, ফস্সপচ্চযাপি ছট্ঠাযতনং; ফস্সপচ্চযা ৱেদনা, ৱেদনাপচ্চযাপি ফস্সো; ৱেদনাপচ্চযা তণ্হা, তণ্হাপচ্চযাপি ৱেদনা; তণ্হাপচ্চযা উপাদানং, উপাদানপচ্চযাপি তণ্হা; উপাদানপচ্চযা ভৱো, ভৱপচ্চযা জাতি, জাতিপচ্চযা জৰামৰণং. এৱমেতস্স কেৱলস্স দুক্খক্খন্ধস্স সমুদযো হোতি.

অৱিজ্জাপচ্চযা সঙ্খাৰো, সঙ্খাৰপচ্চযাপি অৱিজ্জা; সঙ্খাৰপচ্চযা ৱিঞ্ঞাণং, ৱিঞ্ঞাণপচ্চযাপি সঙ্খাৰো; ৱিঞ্ঞাণপচ্চযা নামৰূপং, নামৰূপপচ্চযাপি ৱিঞ্ঞাণং; নামৰূপপচ্চযা সড়াযতনং, ছট্ঠাযতনপচ্চযাপি নামৰূপং; ছট্ঠাযতনপচ্চযা ফস্সো, ফস্সপচ্চযাপি ছট্ঠাযতনং; ফস্সপচ্চযা ৱেদনা, ৱেদনাপচ্চযাপি ফস্সো; ৱেদনাপচ্চযা তণ্হা, তণ্হাপচ্চযাপি ৱেদনা; তণ্হাপচ্চযা উপাদানং, উপাদানপচ্চযাপি তণ্হা; উপাদানপচ্চযা ভৱো, ভৱপচ্চযা জাতি, জাতিপচ্চযা জৰামৰণং. এৱমেতস্স কেৱলস্স দুক্খক্খন্ধস্স সমুদযো হোতি.

অঞ্ঞমঞ্ঞচতুক্কং.

মাতিকা

২৪৭. সঙ্খাৰপচ্চযা অৱিজ্জা…পে… ৱিঞ্ঞাণপচ্চযা অৱিজ্জা…পে… নামপচ্চযা অৱিজ্জা…পে… ছট্ঠাযতনপচ্চযা অৱিজ্জা…পে… ফস্সপচ্চযা অৱিজ্জা…পে… ৱেদনাপচ্চযা অৱিজ্জা…পে… তণ্হাপচ্চযা অৱিজ্জা…পে… উপাদানপচ্চযা অৱিজ্জা…পে… অৱিজ্জাপচ্চযা সঙ্খাৰো, সঙ্খাৰপচ্চযা ৱিঞ্ঞাণং, ৱিঞ্ঞাণপচ্চযা নামং, নামপচ্চযা ছট্ঠাযতনং, ছট্ঠাযতনপচ্চযা ফস্সো, ফস্সপচ্চযা ৱেদনা, ৱেদনাপচ্চযা তণ্হা, তণ্হাপচ্চযা উপাদানং, উপাদানপচ্চযা ভৱো, ভৱপচ্চযা জাতি, জাতিপচ্চযা জৰামৰণং. এৱমেতস্স কেৱলস্স দুক্খক্খন্ধস্স সমুদযো হোতি.

মাতিকা.