৯. দিট্ঠসুতাদিদস্সনৱাৰো

১০৩৬. পঞ্চন্নং খন্ধানং কতি দিট্ঠা, কতি সুতা, কতি মুতা, কতি ৱিঞ্ঞাতা, কতি ন দিট্ঠা ন সুতা ন মুতা ন ৱিঞ্ঞাতা…পে… সত্তন্নং চিত্তানং কতি দিট্ঠা, কতি সুতা, কতি মুতা, কতি ৱিঞ্ঞাতা, কতি ন দিট্ঠা ন সুতা ন মুতা ন ৱিঞ্ঞাতা?

১০৩৭. ৰূপক্খন্ধো সিযা দিট্ঠো, সিযা সুতো, সিযা মুতো, সিযা ৱিঞ্ঞাতো, সিযা ন দিট্ঠো ন সুতো ন মুতো, ৱিঞ্ঞাতো. চত্তাৰো খন্ধা ন দিট্ঠা ন সুতা ন মুতা, ৱিঞ্ঞাতা.

ৰূপাযতনং দিট্ঠং, ন সুতং ন মুতং, ৱিঞ্ঞাতং. সদ্দাযতনং ন দিট্ঠং, সুতং, ন মুতং, ৱিঞ্ঞাতং. গন্ধাযতনং… ৰসাযতনং… ফোট্ঠব্বাযতনং ন দিট্ঠং ন সুতং, মুতং, ৱিঞ্ঞাতং. সত্তাযতনা ন দিট্ঠা ন সুতা ন মুতা, ৱিঞ্ঞাতা.

ৰূপধাতু দিট্ঠা, ন সুতা ন মুতা, ৱিঞ্ঞাতা. সদ্দধাতু ন দিট্ঠা, সুতা, ন মুতা, ৱিঞ্ঞাতা. গন্ধধাতু… ৰসধাতু… ফোট্ঠব্বধাতু ন দিট্ঠা ন সুতা, মুতা, ৱিঞ্ঞাতা. তেৰস ধাতুযো ন দিট্ঠা ন সুতা ন মুতা, ৱিঞ্ঞাতা.

তীণি সচ্চানি ন দিট্ঠা ন সুতা ন মুতা, ৱিঞ্ঞাতা. দুক্খসচ্চং সিযা দিট্ঠং, সিযা সুতং, সিযা মুতং, সিযা ৱিঞ্ঞাতং, সিযা ন দিট্ঠং ন সুতং ন মুতং, ৱিঞ্ঞাতং.

বাৱীসতিন্দ্ৰিযা ন দিট্ঠা ন সুতা ন মুতা, ৱিঞ্ঞাতা. নৱ হেতূ ন দিট্ঠা ন সুতা ন মুতা, ৱিঞ্ঞাতা. চত্তাৰো আহাৰা ন দিট্ঠা ন সুতা ন মুতা, ৱিঞ্ঞাতা. সত্ত ফস্সা ন দিট্ঠা ন সুতা ন মুতা, ৱিঞ্ঞাতা. সত্ত ৱেদনা… সত্ত সঞ্ঞা… সত্ত চেতনা… সত্ত চিত্তা ন দিট্ঠা ন সুতা ন মুতা, ৱিঞ্ঞাতা.