৮. সাৰম্মণানাৰম্মণৱাৰো

১০৩২. পঞ্চন্নং খন্ধানং কতি সাৰম্মণা, কতি অনাৰম্মণা…পে… সত্তন্নং চিত্তানং কতি সাৰম্মণা, কতি অনাৰম্মণা?

১০৩৩. ৰূপক্খন্ধো অনাৰম্মণো. চত্তাৰো খন্ধা সাৰম্মণা.

দসাযতনা অনাৰম্মণা. মনাযতনং সাৰম্মণং. ধম্মাযতনং সিযা সাৰম্মণং, সিযা অনাৰম্মণং.

দস ধাতুযো অনাৰম্মণা. সত্ত ধাতুযো সাৰম্মণা. ধম্মধাতু সিযা সাৰম্মণা, সিযা অনাৰম্মণা.

দ্ৱে সচ্চা সাৰম্মণা. নিৰোধসচ্চং অনাৰম্মণং. দুক্খসচ্চং সিযা সাৰম্মণং, সিযা অনাৰম্মণং.

সত্তিন্দ্ৰিযা অনাৰম্মণা. চুদ্দসিন্দ্ৰিযা সাৰম্মণা. জীৱিতিন্দ্ৰিযং সিযা সাৰম্মণং, সিযা অনাৰম্মণং. নৱ হেতূ সাৰম্মণা. কবড়ীকাৰো আহাৰো অনাৰম্মণো. তযো আহাৰা সাৰম্মণা. সত্ত ফস্সা… সত্ত ৱেদনা… সত্ত সঞ্ঞা… সত্ত চেতনা… সত্ত চিত্তা সাৰম্মণা.

১০৩৪. পঞ্চন্নং খন্ধানং কতি সাৰম্মণাৰম্মণা, কতি অনাৰম্মণাৰম্মণা…পে… সত্তন্নং চিত্তানং কতি সাৰম্মণাৰম্মণা, কতি অনাৰম্মণাৰম্মণা?

১০৩৫. ৰূপক্খন্ধো অনাৰম্মণো. চত্তাৰো খন্ধা সিযা সাৰম্মণাৰম্মণা, সিযা অনাৰম্মণাৰম্মণা.

দসাযতনা অনাৰম্মণা. মনাযতনং সিযা সাৰম্মণাৰম্মণং, সিযা অনাৰম্মণাৰম্মণং. ধম্মাযতনং সিযা সাৰম্মণাৰম্মণং, সিযা অনাৰম্মণাৰম্মণং, সিযা অনাৰম্মণং.

দস ধাতুযো অনাৰম্মণা. ছ ধাতুযো অনাৰম্মণাৰম্মণা. মনোৱিঞ্ঞাণধাতু সিযা সাৰম্মণাৰম্মণা, সিযা অনাৰম্মণাৰম্মণা. ধম্মধাতু সিযা সাৰম্মণাৰম্মণা, সিযা অনাৰম্মণাৰম্মণা, সিযা অনাৰম্মণা.

নিৰোধসচ্চং অনাৰম্মণং. মগ্গসচ্চং অনাৰম্মণাৰম্মণং. সমুদযসচ্চং সিযা সাৰম্মণাৰম্মণং, সিযা অনাৰম্মণাৰম্মণং. দুক্খসচ্চং সিযা সাৰম্মণাৰম্মণং, সিযা অনাৰম্মণাৰম্মণং, সিযা অনাৰম্মণং.

সত্তিন্দ্ৰিযা অনাৰম্মণা. পঞ্চিন্দ্ৰিযা অনাৰম্মণাৰম্মণা. নৱিন্দ্ৰিযা সিযা সাৰম্মণাৰম্মণা, সিযা অনাৰম্মণাৰম্মণা. জীৱিতিন্দ্ৰিযং সিযা সাৰম্মণাৰম্মণং, সিযা অনাৰম্মণাৰম্মণং, সিযা অনাৰম্মণং.

নৱ হেতূ সিযা সাৰম্মণাৰম্মণা, সিযা অনাৰম্মণাৰম্মণা. কবড়ীকাৰো আহাৰো অনাৰম্মণো. তযো আহাৰা সিযা সাৰম্মণাৰম্মণা, সিযা অনাৰম্মণাৰম্মণা. ছ ফস্সা অনাৰম্মণাৰম্মণা. মনোৱিঞ্ঞাণধাতুসম্ফস্সো সিযা সাৰম্মণাৰম্মণো সিযা অনাৰম্মণাৰম্মণো. ছ ৱেদনা… ছ সঞ্ঞা… ছ চেতনা… ছ চিত্তা অনাৰম্মণাৰম্মণা. মনোৱিঞ্ঞাণধাতু সিযা সাৰম্মণাৰম্মণা, সিযা অনাৰম্মণাৰম্মণা.