৪. সঙ্খাৰক্খন্ধো

৯২. তত্থ কতমো সঙ্খাৰক্খন্ধো? একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু, অত্থি ন হেতু.

তিৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো.

চতুব্বিধেন সঙ্খাৰক্খন্ধো – অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো.

পঞ্চৱিধেন সঙ্খাৰক্খন্ধো – অত্থি সুখিন্দ্ৰিযসম্পযুত্তো, অত্থি দুক্খিন্দ্ৰিযসম্পযুত্তো, অত্থি সোমনস্সিন্দ্ৰিযসম্পযুত্তো, অত্থি দোমনস্সিন্দ্ৰিযসম্পযুত্তো, অত্থি উপেক্খিন্দ্ৰিযসম্পযুত্তো. এৱং পঞ্চৱিধেন সঙ্খাৰক্খন্ধো.

ছব্বিধেন সঙ্খাৰক্খন্ধো – চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৱ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা. এৱং ছব্বিধেন সঙ্খাৰক্খন্ধো.

সত্তৱিধেন সঙ্খাৰক্খন্ধো – চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৱ্হাসম্ফস্সজা চেতনা, কাযসম্ফস্সজা চেতনা, মনোধাতুসম্ফস্সজা চেতনা, মনোৱিঞ্ঞাণধাতুসম্ফস্সজা চেতনা. এৱং সত্তৱিধেন সঙ্খাৰক্খন্ধো.

অট্ঠৱিধেন সঙ্খাৰক্খন্ধো – চক্খুসম্ফস্সজা চেতনা…পে… কাযসম্ফস্সজা চেতনা অত্থি সুখসহগতা, অত্থি দুক্খসহগতা, মনোধাতুসম্ফস্সজা চেতনা, মনোৱিঞ্ঞাণধাতুসম্ফস্সজা চেতনা. এৱং অট্ঠৱিধেন সঙ্খাৰক্খন্ধো.

নৱৱিধেন সঙ্খাৰক্খন্ধো – চক্খুসম্ফস্সজা চেতনা…পে… মনোধাতুসম্ফস্সজা চেতনা, মনোৱিঞ্ঞাণধাতুসম্ফস্সজা চেতনা অত্থি কুসলা, অত্থি অকুসলা, অত্থি অব্যাকতা. এৱং নৱৱিধেন সঙ্খাৰক্খন্ধো.

দসৱিধেন সঙ্খাৰক্খন্ধো – চক্খুসম্ফস্সজা চেতনা…পে… কাযসম্ফস্সজা চেতনা অত্থি সুখসহগতা, অত্থি দুক্খসহগতা, মনোধাতুসম্ফস্সজা চেতনা, মনোৱিঞ্ঞাণধাতুসম্ফস্সজা চেতনা অত্থি কুসলা, অত্থি অকুসলা, অত্থি অব্যাকতা. এৱং দসৱিধেন সঙ্খাৰক্খন্ধো.

৯৩. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু, অত্থি ন হেতু.

তিৱিধেন সঙ্খাৰক্খন্ধো – অত্থি সুখায ৱেদনায সম্পযুত্তো, অত্থি দুক্খায ৱেদনায সম্পযুত্তো, অত্থি অদুক্খমসুখায ৱেদনায সম্পযুত্তো. অত্থি ৱিপাকো, অত্থি ৱিপাকধম্মধম্মো, অত্থি নেৱৱিপাকনৱিপাকধম্মধম্মো. অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো. অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো. অত্থি সৱিতক্কসৱিচাৰো, অত্থি অৱিতক্কৱিচাৰমত্তো, অত্থি অৱিতক্কঅৱিচাৰো. অত্থি পীতিসহগতো, অত্থি সুখসহগতো, অত্থি উপেক্খাসহগতো. অত্থি দস্সনেন পহাতব্বো, অত্থি ভাৱনায পহাতব্বো, অত্থি নেৱ দস্সনেন ন ভাৱনায পহাতব্বো. অত্থি দস্সনেন পহাতব্বহেতুকো, অত্থি ভাৱনায পহাতব্বহেতুকো, অত্থি নেৱ দস্সনেন ন ভাৱনায পহাতব্বহেতুকো. অত্থি আচযগামী, অত্থি অপচযগামী, অত্থি নেৱাচযগামিনাপচযগামী. অত্থি সেক্খো, অত্থি অসেক্খো, অত্থি নেৱসেক্খনাসেক্খো. অত্থি পৰিত্তো, অত্থি মহগ্গতো, অত্থি অপ্পমাণো. অত্থি পৰিত্তাৰম্মণো, অত্থি মহগ্গতাৰম্মণো, অত্থি অপ্পমাণাৰম্মণো. অত্থি হীনো, অত্থি মজ্ঝিমো, অত্থি পণীতো. অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো. অত্থি মগ্গাৰম্মণো, অত্থি মগ্গহেতুকো, অত্থি মগ্গাধিপতি. অত্থি উপ্পন্নো, অত্থি অনুপ্পন্নো, অত্থি উপ্পাদী. অত্থি অতীতো, অত্থি অনাগতো, অত্থি পচ্চুপ্পন্নো. অত্থি অতীতাৰম্মণো, অত্থি অনাগতাৰম্মণো, অত্থি পচ্চুপ্পন্নাৰম্মণো. অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো. অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো…পে…. এৱং দসৱিধেন সঙ্খাৰক্খন্ধো.

৯৪. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সহেতুকো, অত্থি অহেতুকো. অত্থি হেতুসম্পযুত্তো, অত্থি হেতুৱিপ্পযুত্তো. অত্থি হেতু চেৱ সহেতুকো চ, অত্থি সহেতুকো চেৱ ন চ হেতু. অত্থি হেতু চেৱ হেতুসম্পযুত্তো চ, অত্থি হেতুসম্পযুত্তো চেৱ ন চ হেতু. অত্থি ন হেতু সহেতুকো, অত্থি ন হেতু অহেতুকো. অত্থি লোকিযো, অত্থি লোকুত্তৰো. অত্থি কেনচি ৱিঞ্ঞেয্যো, অত্থি কেনচি ন ৱিঞ্ঞেয্যো. অত্থি আসৱো, অত্থি নো আসৱো. অত্থি সাসৱো, অত্থি অনাসৱো. অত্থি আসৱসম্পযুত্তো, অত্থি আসৱৱিপ্পযুত্তো. অত্থি আসৱো চেৱ সাসৱো চ, অত্থি সাসৱো চেৱ নো চ আসৱো. অত্থি আসৱো চেৱ আসৱসম্পযুত্তো চ, অত্থি আসৱসম্পযুত্তো চেৱ নো চ আসৱো. অত্থি আসৱৱিপ্পযুত্তসাসৱো, অত্থি আসৱৱিপ্পযুত্তঅনাসৱো. অত্থি সংযোজনং, অত্থি নো সংযোজনং. অত্থি সংযোজনিযো, অত্থি অসংযোজনিযো. অত্থি সংযোজনসম্পযুত্তো, অত্থি সংযোজনৱিপ্পযুত্তো. অত্থি সংযোজনঞ্চেৱ সংযোজনিযো চ, অত্থি সংযোজনিযো চেৱ নো চ সংযোজনং. অত্থি সংযোজনঞ্চেৱ সংযোজনসম্পযুত্তো চ, অত্থি সংযোজনসম্পযুত্তো চেৱ নো চ সংযোজনং. অত্থি সংযোজনৱিপ্পযুত্তসংযোজনিযো, অত্থি সংযোজনৱিপ্পযুত্তঅসংযোজনিযো.

অত্থি গন্থো, অত্থি নো গন্থো. অত্থি গন্থনিযো, অত্থি অগন্থনিযো. অত্থি গন্থসম্পযুত্তো, অত্থি গন্থৱিপ্পযুত্তো. অত্থি গন্থো চেৱ গন্থনিযো চ, অত্থি গন্থনিযো চেৱ নো চ গন্থো. অত্থি গন্থো চেৱ গন্থসম্পযুত্তো চ, অত্থি গন্থসম্পযুত্তো চেৱ নো চ গন্থো. অত্থি গন্থৱিপ্পযুত্তগন্থনিযো, অত্থি গন্থৱিপ্পযুত্তঅগন্থনিযো. অত্থি ওঘো, অত্থি নো ওঘো. অত্থি ওঘনিযো, অত্থি অনোঘনিযো. অত্থি ওঘসম্পযুত্তো, অত্থি ওঘৱিপ্পযুত্তো. অত্থি ওঘো চেৱ ওঘনিযো চ, অত্থি ওঘনিযো চেৱ নো চ ওঘো. অত্থি ওঘো চেৱ ওঘসম্পযুত্তো চ, অত্থি ওঘসম্পযুত্তো চেৱ নো চ ওঘো. অত্থি ওঘৱিপ্পযুত্তওঘনিযো, অত্থি ওঘৱিপ্পযুত্তঅনোঘনিযো. অত্থি যোগো, অত্থি নো যোগো. অত্থি যোগনিযো, অত্থি অযোগনিযো. অত্থি যোগসম্পযুত্তো, অত্থি যোগৱিপ্পযুত্তো. অত্থি যোগো চেৱ যোগনিযো চ, অত্থি যোগনিযো চেৱ নো চ যোগো. অত্থি যোগো চেৱ যোগসম্পযুত্তো চ, অত্থি যোগসম্পযুত্তো চেৱ নো চ যোগো. অত্থি যোগৱিপ্পযুত্তযোগনিযো, অত্থি যোগৱিপ্পযুত্তঅযোগনিযো. অত্থি নীৱৰণং, অত্থি নো নীৱৰণং. অত্থি নীৱৰণিযো, অত্থি অনীৱৰণিযো. অত্থি নীৱৰণসম্পযুত্তো, অত্থি নীৱৰণৱিপ্পযুত্তো. অত্থি নীৱৰণঞ্চেৱ নীৱৰণিযো চ, অত্থি নীৱৰণিযো চেৱ নো চ নীৱৰণং. অত্থি নীৱৰণঞ্চেৱ নীৱৰণসম্পযুত্তো চ, অত্থি নীৱৰণসম্পযুত্তো চেৱ নো চ নীৱৰণং. অত্থি নীৱৰণৱিপ্পযুত্তনীৱৰণিযো, অত্থি নীৱৰণৱিপ্পযুত্তঅনীৱৰণিযো.

অত্থি পৰামাসো, অত্থি নো পৰামাসো. অত্থি পৰামট্ঠো, অত্থি অপৰামট্ঠো. অত্থি পৰামাসসম্পযুত্তো, অত্থি পৰামাসৱিপ্পযুত্তো. অত্থি পৰামাসো চেৱ পৰামট্ঠো চ, অত্থি পৰামট্ঠো চেৱ নো চ পৰামাসো. অত্থি পৰামাসৱিপ্পযুত্তপৰামট্ঠো, অত্থি পৰামাসৱিপ্পযুত্তঅপৰামট্ঠো. অত্থি উপাদিন্নো, অত্থি অনুপাদিন্নো. অত্থি উপাদানং, অত্থি নো উপাদানং. অত্থি উপাদানিযো, অত্থি অনুপাদানিযো. অত্থি উপাদানসম্পযুত্তো, অত্থি উপাদানৱিপ্পযুত্তো. অত্থি উপাদানঞ্চেৱ উপাদানিযো চ, অত্থি উপাদানিযো চেৱ নো চ উপাদানং. অত্থি উপাদানঞ্চেৱ উপাদানসম্পযুত্তো চ, অত্থি উপাদানসম্পযুত্তো চেৱ নো চ উপাদানং. অত্থি উপাদানৱিপ্পযুত্তউপাদানিযো, অত্থি উপাদানৱিপ্পযুত্তঅনুপাদানিযো.

অত্থি কিলেসো, অত্থি নো কিলেসো. অত্থি সংকিলেসিকো, অত্থি অসংকিলেসিকো. অত্থি সংকিলিট্ঠো, অত্থি অসংকিলিট্ঠো. অত্থি কিলেসসম্পযুত্তো, অত্থি কিলেসৱিপ্পযুত্তো. অত্থি কিলেসো চেৱ সংকিলেসিকো চ, অত্থি সংকিলেসিকো চেৱ নো চ কিলেসো. অত্থি কিলেসো চেৱ সংকিলিট্ঠো চ, অত্থি সংকিলিট্ঠো চেৱ নো চ কিলেসো. অত্থি কিলেসো চেৱ কিলেসসম্পযুত্তো চ, অত্থি কিলেসসম্পযুত্তো চেৱ নো চ কিলেসো. অত্থি কিলেসৱিপ্পযুত্তসংকিলেসিকো, অত্থি কিলেসৱিপ্পযুত্তঅসংকিলেসিকো. অত্থি দস্সনেন পহাতব্বো, অত্থি ন দস্সনেন পহাতব্বো. অত্থি ভাৱনায পহাতব্বো, অত্থি ন ভাৱনায পহাতব্বো. অত্থি দস্সনেন পহাতব্বহেতুকো, অত্থি ন দস্সনেন পহাতব্বহেতুকো. অত্থি ভাৱনায পহাতব্বহেতুকো, অত্থি ন ভাৱনায পহাতব্বহেতুকো.

অত্থি সৱিতক্কো, অত্থি অৱিতক্কো. অত্থি সৱিচাৰো, অত্থি অৱিচাৰো. অত্থি সপ্পীতিকো, অত্থি অপ্পীতিকো. অত্থি পীতিসহগতো, অত্থি ন পীতিসহগতো. অত্থি সুখসহগতো, অত্থি ন সুখসহগতো. অত্থি উপেক্খাসহগতো, অত্থি ন উপেক্খাসহগতো. অত্থি কামাৱচৰো, অত্থি ন কামাৱচৰো. অত্থি ৰূপাৱচৰো, অত্থি ন ৰূপাৱচৰো. অত্থি অৰূপাৱচৰো, অত্থি ন অৰূপাৱচৰো. অত্থি পৰিযাপন্নো, অত্থি অপৰিযাপন্নো. অত্থি নিয্যানিকো, অত্থি অনিয্যানিকো. অত্থি নিযতো, অত্থি অনিযতো. অত্থি সউত্তৰো, অত্থি অনুত্তৰো. অত্থি সৰণো, অত্থি অৰণো.

তিৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো…পে…. এৱং দসৱিধেন সঙ্খাৰক্খন্ধো.

৯৫. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সৰণো, অত্থি অৰণো.

তিৱিধেন সঙ্খাৰক্খন্ধো – অত্থি সুখায ৱেদনায সম্পযুত্তো…পে… অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো…পে…. এৱং দসৱিধেন সঙ্খাৰক্খন্ধো.

দুকমূলকং.

৯৬. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু, অত্থি ন হেতু.

তিৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো…পে…. এৱং দসৱিধেন সঙ্খাৰক্খন্ধো.

৯৭. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সৰণো, অত্থি অৰণো.

তিৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো…পে…. এৱং দসৱিধেন সঙ্খাৰক্খন্ধো.

৯৮. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু, অত্থি ন হেতু.

তিৱিধেন সঙ্খাৰক্খন্ধো – অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো…পে…. এৱং দসৱিধেন সঙ্খাৰক্খন্ধো.

৯৯. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সৰণো, অত্থি অৰণো.

তিৱিধেন সঙ্খাৰক্খন্ধো – অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো…পে…. এৱং দসৱিধেন সঙ্খাৰক্খন্ধো.

তিকমূলকং.

১০০. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু, অত্থি ন হেতু.

তিৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো…পে…. এৱং দসৱিধেন সঙ্খাৰক্খন্ধো.

১০১. একৱিধেন সঙ্খাৰক্খন্ধো চিত্তসম্পযুত্তো.

দুৱিধেন সঙ্খাৰক্খন্ধো অত্থি সহেতুকো, অত্থি অহেতুকো.

তিৱিধেন সঙ্খাৰক্খন্ধো – অত্থি সুখায ৱেদনায সম্পযুত্তো, অত্থি দুক্খায ৱেদনায সম্পযুত্তো, অত্থি অদুক্খমসুখায ৱেদনায সম্পযুত্তো…পে…. এৱং দসৱিধেন সঙ্খাৰক্খন্ধো.

১০২. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতুসম্পযুত্তো, অত্থি হেতুৱিপ্পযুত্তো.

তিৱিধেন সঙ্খাৰক্খন্ধো – অত্থি ৱিপাকো, অত্থি ৱিপাকধম্মধম্মো, অত্থি নেৱৱিপাকনৱিপাকধম্মধম্মো…পে…. এৱং দসৱিধেন সঙ্খাৰক্খন্ধো.

১০৩. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু চেৱ সহেতুকো চ, অত্থি সহেতুকো চেৱ ন চ হেতু.

তিৱিধেন সঙ্খাৰক্খন্ধো – অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো…পে…. এৱং দসৱিধেন সঙ্খাৰক্খন্ধো.

১০৪. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি হেতু চেৱ হেতুসম্পযুত্তো চ, অত্থি হেতুসম্পযুত্তো চেৱ ন চ হেতু.

তিৱিধেন সঙ্খাৰক্খন্ধো – অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো…পে…. এৱং দসৱিধেন সঙ্খাৰক্খন্ধো.

১০৫. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি ন হেতু সহেতুকো, অত্থি ন হেতু অহেতুকো.

তিৱিধেন সঙ্খাৰক্খন্ধো – অত্থি সৱিতক্কসৱিচাৰো, অত্থি অৱিতক্কৱিচাৰমত্তো, অত্থি অৱিতক্কঅৱিচাৰো…পে…. এৱং দসৱিধেন সঙ্খাৰক্খন্ধো.

১০৬. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি লোকিযো, অত্থি লোকুত্তৰো.

তিৱিধেন সঙ্খাৰক্খন্ধো – অত্থি পীতিসহগতো, অত্থি সুখসহগতো, অত্থি উপেক্খাসহগতো…পে…. এৱং দসৱিধেন সঙ্খাৰক্খন্ধো.

১০৭. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি কেনচি ৱিঞ্ঞেয্যো, অত্থি কেনচি ন ৱিঞ্ঞেয্যো.

তিৱিধেন সঙ্খাৰক্খন্ধো – অত্থি দস্সনেন পহাতব্বো, অত্থি ভাৱনায পহাতব্বো, অত্থি নেৱ দস্সনেন ন ভাৱনায পহাতব্বো…পে…. এৱং দসৱিধেন সঙ্খাৰক্খন্ধো.

১০৮. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি আসৱো, অত্থি নো আসৱো.

তিৱিধেন সঙ্খাৰক্খন্ধো – অত্থি দস্সনেন পহাতব্বহেতুকো, অত্থি ভাৱনায পহাতব্বহেতুকো, অত্থি নেৱ দস্সনেন ন ভাৱনায পহাতব্বহেতুকো…পে…. এৱং দসৱিধেন সঙ্খাৰক্খন্ধো.

১০৯. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সাসৱো, অত্থি অনাসৱো.

তিৱিধেন সঙ্খাৰক্খন্ধো – অত্থি আচযগামী, অত্থি অপচযগামী, অত্থি নেৱাচযগামিনাপচযগামী…পে…. এৱং দসৱিধেন সঙ্খাৰক্খন্ধো.

১১০. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি আসৱসম্পযুত্তো, অত্থি আসৱৱিপ্পযুত্তো.

তিৱিধেন সঙ্খাৰক্খন্ধো – অত্থি সেক্খো, অত্থি অসেক্খো, অত্থি নেৱসেক্খনাসেক্খো…পে…. এৱং দসৱিধেন সঙ্খাৰক্খন্ধো.

১১১. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি আসৱো চেৱ সাসৱো চ, অত্থি সাসৱো চেৱ নো চ আসৱো.

তিৱিধেন সঙ্খাৰক্খন্ধো – অত্থি পৰিত্তো, অত্থি মহগ্গতো, অত্থি অপ্পমাণো…পে…. এৱং দসৱিধেন সঙ্খাৰক্খন্ধো.

১১২. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি আসৱো চেৱ আসৱসম্পযুত্তো চ, অত্থি আসৱসম্পযুত্তো চেৱ নো চ আসৱো.

তিৱিধেন সঙ্খাৰক্খন্ধো – অত্থি পৰিত্তাৰম্মণো, অত্থি মহগ্গতাৰম্মণো, অত্থি অপ্পমাণাৰম্মণো…পে…. এৱং দসৱিধেন সঙ্খাৰক্খন্ধো.

১১৩. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি আসৱৱিপ্পযুত্তসাসৱো, অত্থি আসৱিপ্পযুত্তঅনাসৱো.

তিৱিধেন সঙ্খাৰক্খন্ধো – অত্থি হীনো, অত্থি মজ্ঝিমো, অত্থি পণীতো…পে…. এৱং দসৱিধেন সঙ্খাৰক্খন্ধো.

১১৪. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনং, অত্থি নো সংযোজনং.

তিৱিধেন সঙ্খাৰক্খন্ধো – অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো…পে…. এৱং দসৱিধেন সঙ্খাৰক্খন্ধো.

১১৫. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনিযো, অত্থি অসংযোজনিযো.

তিৱিধেন সঙ্খাৰক্খন্ধো – অত্থি মগ্গাৰম্মণো, অত্থি মগ্গহেতুকো, অত্থি মগ্গাধিপতি…পে…. এৱং দসৱিধেন সঙ্খাৰক্খন্ধো.

১১৬. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনসম্পযুত্তো, অত্থি সংযোজনৱিপ্পযুত্তো.

তিৱিধেন সঙ্খাৰক্খন্ধো – অত্থি উপ্পন্নো, অত্থি অনুপ্পন্নো, অত্থি উপ্পাদী…পে…. এৱং দসৱিধেন সঙ্খাৰক্খন্ধো.

১১৭. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনঞ্চেৱ সংযোজনিযো চ, অত্থি সংযোজনিযো চেৱ নো চ সংযোজনং.

তিৱিধেন সঙ্খাৰক্খন্ধো – অত্থি অতীতো, অত্থি অনাগতো, অত্থি পচ্চুপ্পন্নো…পে…. এৱং দসৱিধেন সঙ্খাৰক্খন্ধো.

১১৮. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনঞ্চেৱ সংযোজনসম্পযুত্তো চ, অত্থি সংযোজনসম্পযুত্তো চেৱ নো চ সংযোজনং.

তিৱিধেন সঙ্খাৰক্খন্ধো – অত্থি অতীতাৰম্মণো, অত্থি অনাগতাৰম্মণো, অত্থি পচ্চুপ্পন্নাৰম্মণো…পে…. এৱং দসৱিধেন সঙ্খাৰক্খন্ধো.

১১৯. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি সংযোজনৱিপ্পযুত্তসংযোজনিযো, অত্থি সংযোজনৱিপ্পযুত্তঅসংযোজনিযো.

তিৱিধেন সঙ্খাৰক্খন্ধো – অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো…পে…. এৱং দসৱিধেন সঙ্খাৰক্খন্ধো.

১২০. একৱিধেন সঙ্খাৰক্খন্ধো – চিত্তসম্পযুত্তো.

দুৱিধেন সঙ্খাৰক্খন্ধো – অত্থি গন্থো, অত্থি নো গন্থো.

তিৱিধেন সঙ্খাৰক্খন্ধো – অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো…পে…. এৱং দসৱিধেন সঙ্খাৰক্খন্ধো.

উভতোৱড্ঢকং.

সত্তৱিধেন সঙ্খাৰক্খন্ধো – অত্থি কুসলো, অত্থি অকুসলো, অত্থি অব্যাকতো; অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো. এৱং সত্তৱিধেন সঙ্খাৰক্খন্ধো.

অপৰোপি সত্তৱিধেন সঙ্খাৰক্খন্ধো – অত্থি সুখায ৱেদনায সম্পযুত্তো, অত্থি দুক্খায ৱেদনায সম্পযুত্তো, অত্থি অদুক্খমসুখায ৱেদনায সম্পযুত্তো; অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো…পে… অত্থি অজ্ঝত্তাৰম্মণো, অত্থি বহিদ্ধাৰম্মণো অত্থি অজ্ঝত্তবহিদ্ধাৰম্মণো; অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো. এৱং সত্তৱিধেন সঙ্খাৰক্খন্ধো.

চতুৱীসতিৱিধেন সঙ্খাৰক্খন্ধো – চক্খুসম্ফস্সপচ্চযা সঙ্খাৰক্খন্ধো অত্থি কুসলো, অত্থি অকুসলো, অত্থি অব্যাকতো; সোতসম্ফস্সপচ্চযা…পে… ঘানসম্ফস্সপচ্চযা…পে… জিৱ্হাসম্ফস্সপচ্চযা…পে… কাযসম্ফস্সপচ্চযা…পে… মনোসম্ফস্সপচ্চযা সঙ্খাৰক্খন্ধো অত্থি কুসলো, অত্থি অকুসলো, অত্থি অব্যাকতো; চক্খুসম্ফস্সজা চেতনা…পে… মনোসম্ফস্সজা চেতনা. এৱং চতুৱীসতিৱিধেন সঙ্খাৰক্খন্ধো.

অপৰোপি চতুৱীসতিৱিধেন সঙ্খাৰক্খন্ধো – চক্খুসম্ফস্সপচ্চযা সঙ্খাৰক্খন্ধো অত্থি সুখায ৱেদনায সম্পযুত্তো…পে… অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো; চক্খুসম্ফস্সজা চেতনা…পে… মনোসম্ফস্সজা চেতনা; সোতসম্ফস্সপচ্চযা…পে… ঘানসম্ফস্সপচ্চযা…পে… জিৱ্হাসম্ফস্সপচ্চযা…পে… কাযসম্ফস্সপচ্চযা…পে… মনোসম্ফস্সপচ্চযা সঙ্খাৰক্খন্ধো অত্থি সুখায ৱেদনায সম্পযুত্তো…পে… অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৱ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা. এৱং চতুৱীসতিৱিধেন সঙ্খাৰক্খন্ধো.

তিংসতিৱিধেন সঙ্খাৰক্খন্ধো – চক্খুসম্ফস্সপচ্চযা সঙ্খাৰক্খন্ধো অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; সোতসম্ফস্সপচ্চযা…পে… ঘানসম্ফস্সপচ্চযা …পে… জিৱ্হাসম্ফস্সপচ্চযা…পে… কাযসম্ফস্সপচ্চযা…পে… মনোসম্ফস্সপচ্চযা সঙ্খাৰক্খন্ধো অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; চক্খুসম্ফস্সজা চেতনা…পে… মনোসম্ফস্সজা চেতনা. এৱং তিংসতিৱিধেন সঙ্খাৰক্খন্ধো.

বহুৱিধেন সঙ্খাৰক্খন্ধো – চক্খুসম্ফস্সপচ্চযা সঙ্খাৰক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; সোতসম্ফস্সপচ্চযা…পে… ঘানসম্ফস্সপচ্চযা…পে… জিৱ্হাসম্ফস্সপচ্চযা…পে… কাযসম্ফস্সপচ্চযা…পে… মনোসম্ফস্সপচ্চযা সঙ্খাৰক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৱ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা. এৱং বহুৱিধেন সঙ্খাৰক্খন্ধো.

অপৰোপি বহুৱিধেন সঙ্খাৰক্খন্ধো – চক্খুসম্ফস্সপচ্চযা সঙ্খাৰক্খন্ধো অত্থি সুখায ৱেদনায সম্পযুত্তো, অত্থি দুক্খায ৱেদনায সম্পযুত্তো, অত্থি অদুক্খমসুখায ৱেদনায সম্পযুত্তো…পে… অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো, অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; সোতসম্ফস্সপচ্চযা…পে… ঘানসম্ফস্সপচ্চযা…পে… জিৱ্হাসম্ফস্সপচ্চযা…পে… কাযসম্ফস্সপচ্চযা…পে… মনোসম্ফস্সপচ্চযা সঙ্খাৰক্খন্ধো অত্থি সুখায ৱেদনায সম্পযুত্তো …পে… অত্থি অজ্ঝত্তাৰম্মণো, অত্থি বহিদ্ধাৰম্মণো, অত্থি অজ্ঝত্তবহিদ্ধাৰম্মণো, অত্থি কামাৱচৰো, অত্থি ৰূপাৱচৰো, অত্থি অৰূপাৱচৰো, অত্থি অপৰিযাপন্নো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৱ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা. এৱং বহুৱিধেন সঙ্খাৰক্খন্ধো.

অযং ৱুচ্চতি সঙ্খাৰক্খন্ধো.