১-৬. পটিচ্চৱাৰাদি

পচ্চযচতুক্কং

হেতুপচ্চযো

১৭. সহেতুকং অব্যাকতং ধম্মং পটিচ্চ সহেতুকো অব্যাকতো ধম্মো উপ্পজ্জতি হেতুপচ্চযা… তীণি.

অহেতুকং অব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা… তীণি.

সহেতুকং অব্যাকতঞ্চ অহেতুকং অব্যাকতঞ্চ ধম্মং পটিচ্চ সহেতুকো অব্যাকতো ধম্মো উপ্পজ্জতি হেতুপচ্চযা… তীণি.

১৮. হেতুযা নৱ, আৰম্মণে চত্তাৰি, অধিপতিযা পঞ্চ, অনন্তৰে চত্তাৰি, সমনন্তৰে চত্তাৰি, সহজাতে নৱ, অঞ্ঞমঞ্ঞে ছ…পে… পুৰেজাতে দ্ৱে, আসেৱনে দ্ৱে, কম্মে নৱ, ৱিপাকে নৱ…পে… ৱিপ্পযুত্তে নৱ…পে… অৱিগতে নৱ (সংখিত্তং).

নহেতু-নআৰম্মণপচ্চযা

১৯. অহেতুকং অব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি নহেতুপচ্চযা. (১)

সহেতুকং অব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি নআৰম্মণপচ্চযা. (১)

অহেতুকং অব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি নআৰম্মণপচ্চযা. (১)

সহেতুকং অব্যাকতঞ্চ অহেতুকং অব্যাকতঞ্চ ধম্মং পটিচ্চ অহেতুকো অব্যাকতো ধম্মো উপ্পজ্জতি নআৰম্মণপচ্চযা. (১)

সহেতুকং অব্যাকতং ধম্মং পটিচ্চ সহেতুকো অব্যাকতো ধম্মো উপ্পজ্জতি নঅধিপতিপচ্চযা (সংখিত্তং).

২০. নহেতুযা একং, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে দ্ৱে, নৱিপাকে পঞ্চ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে দ্ৱে, নোনত্থিযা তীণি, নোৱিগতে তীণি (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে একং (সংখিত্তং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)