৭. পঞ্হাৱাৰো

পচ্চযচতুক্কং

হেতু-আৰম্মণপচ্চযা

২১. সহেতুকো অব্যাকতো ধম্মো সহেতুকস্স অব্যাকতস্স ধম্মস্স হেতুপচ্চযেন পচ্চযো… তীণি.

সহেতুকো অব্যাকতো ধম্মো সহেতুকস্স অব্যাকতস্স ধম্মস্স আৰম্মণপচ্চযেন পচ্চযো (সংখিত্তং).

২২. হেতুযা তীণি, আৰম্মণে চত্তাৰি, অধিপতিযা চত্তাৰি, অনন্তৰে চত্তাৰি, সমনন্তৰে চত্তাৰি, সহজাতে সত্ত, অঞ্ঞমঞ্ঞে ছ, নিস্সযে সত্ত, উপনিস্সযে চত্তাৰি, পুৰেজাতে দ্ৱে, পচ্ছাজাতে দ্ৱে, আসেৱনে দ্ৱে, কম্মে চত্তাৰি, ৱিপাকে চত্তাৰি, আহাৰে চত্তাৰি, ইন্দ্ৰিযে চত্তাৰি, ঝানে চত্তাৰি, মগ্গে তীণি, সম্পযুত্তে দ্ৱে, ৱিপ্পযুত্তে তীণি, অত্থিযা সত্ত…পে… অৱিগতে সত্ত (সংখিত্তং).

পচ্চনীযুদ্ধাৰো

২৩. সহেতুকো অব্যাকতো ধম্মো সহেতুকস্স অব্যাকতস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

২৪. নহেতুযা সত্ত, নআৰম্মণে সত্ত (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে চত্তাৰি (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)

সহেতুকদুককুসলত্তিকং নিট্ঠিতং.