১-৫৫. কুসলত্তিক-সাৰম্মণদুকং

১-৭. পটিচ্চৱাৰাদি

পচ্চযচতুক্কং

১. কুসলং সাৰম্মণং ধম্মং পটিচ্চ কুসলো সাৰম্মণো ধম্মো উপ্পজ্জতি হেতুপচ্চযা. (১)

অকুসলং সাৰম্মণং ধম্মং পটিচ্চ অকুসলো সাৰম্মণো ধম্মো উপ্পজ্জতি হেতুপচ্চযা. (১)

অব্যাকতং সাৰম্মণং ধম্মং পটিচ্চ অব্যাকতো সাৰম্মণো ধম্মো উপ্পজ্জতি হেতুপচ্চযা. (১) (সংখিত্তং.)

২. হেতুযা তীণি, আৰম্মণে তীণি…পে… অৱিগতে তীণি (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

৩. কুসলো সাৰম্মণো ধম্মো কুসলস্স সাৰম্মণস্স ধম্মস্স হেতুপচ্চযেন পচ্চযো. (১)

অকুসলো সাৰম্মণো ধম্মো অকুসলস্স সাৰম্মণস্স ধম্মস্স হেতুপচ্চযেন পচ্চযো. (১)

অব্যাকতো সাৰম্মণো ধম্মো অব্যাকতস্স সাৰম্মণস্স ধম্মস্স হেতুপচ্চযেন পচ্চযো. (১)

কুসলো সাৰম্মণো ধম্মো কুসলস্স সাৰম্মণস্স ধম্মস্স আৰম্মণপচ্চযেন পচ্চযো (সংখিত্তং).

৪. হেতুযা তীণি, আৰম্মণে নৱ, অধিপতিযা সত্ত…পে… অৱিগতে তীণি (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

হেতুসহজাতপচ্চযাদি

৫. অব্যাকতং অনাৰম্মণং ধম্মং পটিচ্চ অব্যাকতো অনাৰম্মণো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৱিগতে একং (সংখিত্তং).

নহেতুযা একং…পে… (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

৬. অব্যাকতো অনাৰম্মণো ধম্মো অব্যাকতস্স অনাৰম্মণস্স ধম্মস্স সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো… অত্থিপচ্চযেন পচ্চযো… অৱিগতপচ্চযেন পচ্চযো (সব্বত্থ একং. সংখিত্তং.)

১-৫৬. কুসলত্তিক-চিত্তদুকং

১-৭. পটিচ্চৱাৰাদি

পচ্চযচতুক্কং

৭. কুসলো চিত্তো ধম্মো কুসলস্স চিত্তস্স ধম্মস্স আৰম্মণপচ্চযেন পচ্চযো (সংখিত্তং).

আৰম্মণে নৱ, অধিপতিযা সত্ত (সংখিত্তং).

নহেতুযা নৱ, নআৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

৮. কুসলং নোচিত্তং ধম্মং পটিচ্চ কুসলো নোচিত্তো ধম্মো উপ্পজ্জতি হেতুপচ্চযা… তীণি.

অকুসলং নোচিত্তং ধম্মং পটিচ্চ অকুসলো নোচিত্তো ধম্মো উপ্পজ্জতি হেতুপচ্চযা… তীণি.

অব্যাকতং নোচিত্তং ধম্মং পটিচ্চ অব্যাকতো নোচিত্তো ধম্মো উপ্পজ্জতি হেতুপচ্চযা. (১)

কুসলং নোচিত্তঞ্চ অব্যাকতং নোচিত্তঞ্চ ধম্মং পটিচ্চ অব্যাকতো নোচিত্তো ধম্মো উপ্পজ্জতি হেতুপচ্চযা. (১)

অকুসলং নোচিত্তঞ্চ অব্যাকতং নোচিত্তঞ্চ ধম্মং পটিচ্চ অব্যাকতো নোচিত্তো ধম্মো উপ্পজ্জতি হেতুপচ্চযা. (১)

কুসলং নোচিত্তং ধম্মং পটিচ্চ কুসলো নোচিত্তো ধম্মো উপ্পজ্জতি আৰম্মণপচ্চযা (সংখিত্তং).

৯. হেতুযা নৱ, আৰম্মণে তীণি, অধিপতিযা নৱ…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

১০. কুসলো নোচিত্তো ধম্মো কুসলস্স নোচিত্তস্স ধম্মস্স হেতুপচ্চযেন পচ্চযো (সংখিত্তং).

হেতুযা সত্ত, আৰম্মণে নৱ, অধিপতিযা দস…পে… অৱিগতে তেৰস (সংখিত্তং).

১-৫৭. কুসলত্তিক-চেতসিকদুকং

১-৭. পটিচ্চৱাৰাদি

পচ্চযচতুক্কং

১১. কুসলং চেতসিকং ধম্মং পটিচ্চ কুসলো চেতসিকো ধম্মো উপ্পজ্জতি হেতুপচ্চযা. (১)

অকুসলং চেতসিকং ধম্মং পটিচ্চ অকুসলো চেতসিকো ধম্মো উপ্পজ্জতি হেতুপচ্চযা. (১)

অব্যাকতং চেতসিকং ধম্মং পটিচ্চ অব্যাকতো চেতসিকো ধম্মো উপ্পজ্জতি হেতুপচ্চযা. (১) (সংখিত্তং.)

১২. হেতুযা তীণি, আৰম্মণে তীণি…পে… (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

১৩. কুসলো চেতসিকো ধম্মো কুসলস্স চেতসিকস্স ধম্মস্স হেতুপচ্চযেন পচ্চযো. (১)

অকুসলো চেতসিকো ধম্মো অকুসলস্স চেতসিকস্স ধম্মস্স হেতুপচ্চযেন পচ্চযো. (১)

অব্যাকতো চেতসিকো ধম্মো অব্যাকতস্স চেতসিকস্স ধম্মস্স হেতুপচ্চযেন পচ্চযো. (১)

কুসলো চেতসিকো ধম্মো কুসলস্স চেতসিকস্স ধম্মস্স আৰম্মণপচ্চযেন পচ্চযো… তীণি.

অকুসলো চেতসিকো ধম্মো অকুসলস্স চেতসিকস্স ধম্মস্স আৰম্মণপচ্চযেন পচ্চযো… তীণি.

অব্যাকতো চেতসিকো ধম্মো অব্যাকতস্স চেতসিকস্স ধম্মস্স আৰম্মণপচ্চযেন পচ্চযো… তীণি (সংখিত্তং).

১৪. হেতুযা তীণি, আৰম্মণে নৱ, অধিপতিযা সত্ত…পে… অৱিগতে তীণি (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১৫. কুসলং অচেতসিকং ধম্মং পটিচ্চ অব্যাকতো অচেতসিকো ধম্মো উপ্পজ্জতি হেতুপচ্চযা. (১)

অকুসলং অচেতসিকং ধম্মং পটিচ্চ অব্যাকতো অচেতসিকো ধম্মো উপ্পজ্জতি হেতুপচ্চযা. (১)

অব্যাকতং অচেতসিকং ধম্মং পটিচ্চ অব্যাকতো অচেতসিকো ধম্মো উপ্পজ্জতি হেতুপচ্চযা. (১)

কুসলং অচেতসিকঞ্চ অব্যাকতং অচেতসিকঞ্চ ধম্মং পটিচ্চ অব্যাকতো অচেতসিকো ধম্মো উপ্পজ্জতি হেতুপচ্চযা. (১)

অকুসলং অচেতসিকঞ্চ অব্যাকতং অচেতসিকঞ্চ ধম্মং পটিচ্চ অব্যাকতো অচেতসিকো ধম্মো উপ্পজ্জতি হেতুপচ্চযা. (১) (সংখিত্তং.)

১৬. হেতুযা পঞ্চ, আৰম্মণে একং…পে… অৱিগতে পঞ্চ.

নহেতুযা একং, নআৰম্মণে পঞ্চ, নোৱিগতে পঞ্চ.

(সহজাতৱাৰম্পি…পে… পঞ্হাৱাৰম্পি এৱং ৱিত্থাৰেতব্বং.)

১-৫৮-৬৫. কুসলত্তিক-চিত্তসম্পযুত্তাদিদুকানি

১-৭. পটিচ্চৱাৰাদি

১৭. কুসলং চিত্তসম্পযুত্তং ধম্মং পটিচ্চ…পে… কুসলং চিত্তসংসট্ঠং ধম্মং পটিচ্চ…পে… কুসলং চিত্তসমুট্ঠানং ধম্মং পটিচ্চ…পে… কুসলং চিত্তসহভুং ধম্মং পটিচ্চ…পে… কুসলং চিত্তানুপৰিৱত্তিং ধম্মং পটিচ্চ…পে… কুসলং চিত্তসংসট্ঠসমুট্ঠানং ধম্মং পটিচ্চ…পে… কুসলং চিত্তসংসট্ঠসমুট্ঠানসহভুং ধম্মং পটিচ্চ…পে… কুসলং চিত্তসংসট্ঠসমুট্ঠানানুপৰিৱত্তিং ধম্মং পটিচ্চ কুসলো চিত্তসংসট্ঠসমুট্ঠানানুপৰিৱত্তি ধম্মো উপ্পজ্জতি হেতুপচ্চযা (সংখিত্তং).

হেতুযা তীণি, আৰম্মণে তীণি…পে… অৱিগতে তীণি (সংখিত্তং. সহজাতৱাৰম্পি…পে… সম্পযুত্তৱাৰম্পি পঞ্হাৱাৰম্পি এৱং ৱিত্থাৰেতব্বং).

১-৬৬. কুসলত্তিক-অজ্ঝত্তিকদুকং

১-৭. পটিচ্চৱাৰাদি

পচ্চযচতুক্কং

১৮. অব্যাকতং অজ্ঝত্তিকং ধম্মং পটিচ্চ অব্যাকতো অজ্ঝত্তিকো ধম্মো উপ্পজ্জতি হেতুপচ্চযা (সংখিত্তং).

হেতুযা একং, সহজাতে একং…পে… অৱিগতে একং (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

১৯. কুসলো অজ্ঝত্তিকো ধম্মো কুসলস্স অজ্ঝত্তিকস্স ধম্মস্স আৰম্মণপচ্চযেন পচ্চযো. কুসলো অজ্ঝত্তিকো ধম্মো অকুসলস্স অজ্ঝত্তিকস্স ধম্মস্স আৰম্মণপচ্চযেন পচ্চযো. কুসলো অজ্ঝত্তিকো ধম্মো অব্যাকতস্স অজ্ঝত্তিকস্স ধম্মস্স আৰম্মণপচ্চযেন পচ্চযো. (৩)

অকুসলো অজ্ঝত্তিকো ধম্মো অকুসলস্স অজ্ঝত্তিকস্স ধম্মস্স আৰম্মণপচ্চযেন পচ্চযো… তীণি.

অব্যাকতো অজ্ঝত্তিকো ধম্মো অব্যাকতস্স অজ্ঝত্তিকস্স ধম্মস্স আৰম্মণপচ্চযেন পচ্চযো… তীণি (সংখিত্তং).

২০. আৰম্মণে নৱ, পুৰেজাতে তীণি…পে… অৱিগতে পঞ্চ (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

২১. কুসলং বাহিৰং ধম্মং পটিচ্চ কুসলো বাহিৰো ধম্মো উপ্পজ্জতি হেতুপচ্চযা (সংখিত্তং).

হেতুযা নৱ, আৰম্মণে তীণি…পে… ৱিপাকে একং…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

২২. কুসলো বাহিৰো ধম্মো কুসলস্স বাহিৰস্স ধম্মস্স হেতুপচ্চযেন পচ্চযো (সংখিত্তং).

হেতুযা সত্ত, আৰম্মণে নৱ…পে… অৱিগতে তেৰস (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১-৬৭. কুসলত্তিক-উপাদাদুকং

১-৭. পটিচ্চৱাৰাদি

পচ্চযচতুক্কং

২৩. অব্যাকতো উপাদা ধম্মো অব্যাকতস্স উপাদা ধম্মস্স আহাৰপচ্চযেন পচ্চযো… ইন্দ্ৰিযপচ্চযেন পচ্চযো… অত্থিপচ্চযেন পচ্চযো… অৱিগতপচ্চযেন পচ্চযো.

আহাৰে একং, ইন্দ্ৰিযে অত্থিযা অৱিগতে একং (সংখিত্তং).

২৪. কুসলং নোউপাদা ধম্মং পটিচ্চ কুসলো নোউপাদা ধম্মো উপ্পজ্জতি হেতুপচ্চযা… তীণি.

অকুসলং নোউপাদা ধম্মং পটিচ্চ অকুসলো নোউপাদা ধম্মো উপ্পজ্জতি হেতুপচ্চযা… তীণি.

অব্যাকতং নোউপাদা ধম্মং পটিচ্চ অব্যাকতো নোউপাদা ধম্মো উপ্পজ্জতি হেতুপচ্চযা. (১)

কুসলং নোউপাদা চ অব্যাকতং নোউপাদা চ ধম্মং পটিচ্চ অব্যাকতো নোউপাদা ধম্মো উপ্পজ্জতি হেতুপচ্চযা. (১)

অকুসলং নোউপাদা চ অব্যাকতং নোউপাদা চ ধম্মং পটিচ্চ অব্যাকতো নোউপাদা ধম্মো উপ্পজ্জতি হেতুপচ্চযা. (১) (সংখিত্তং.)

২৫. হেতুযা নৱ… (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

২৬. কুসলো নোউপাদা ধম্মো কুসলস্স নোউপাদা ধম্মস্স হেতুপচ্চযেন পচ্চযো… তীণি.

অকুসলো নোউপাদা ধম্মো অকুসলস্স নোউপাদা ধম্মস্স হেতুপচ্চযেন পচ্চযো… তীণি.

অব্যাকতো নোউপাদা ধম্মো অব্যাকতস্স নোউপাদা ধম্মস্স হেতুপচ্চযেন পচ্চযো. (১)

২৭. কুসলো নোউপাদা ধম্মো কুসলস্স নোউপাদা ধম্মস্স আৰম্মণপচ্চযেন পচ্চযো… তীণি.

অকুসলো নোউপাদা ধম্মো অকুসলস্স নোউপাদা ধম্মস্স আৰম্মণপচ্চযেন পচ্চযো… তীণি.

অব্যাকতো নোউপাদা ধম্মো অব্যাকতস্স নোউপাদা ধম্মস্স আৰম্মণপচ্চযেন পচ্চযো… তীণি (সংখিত্তং).

২৮. হেতুযা সত্ত, আৰম্মণে নৱ, অধিপতিযা দস…পে… অৱিগতে একাদস (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১-৬৮. কুসলত্তিক-উপাদিন্নদুকং

১-৭. পটিচ্চৱাৰাদি

পচ্চযচতুক্কং

২৯. অব্যাকতং উপাদিন্নং ধম্মং পটিচ্চ অব্যাকতো উপাদিন্নো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

৩০. কুসলং অনুপাদিন্নং ধম্মং পটিচ্চ কুসলো অনুপাদিন্নো ধম্মো উপ্পজ্জতি হেতুপচ্চযা… তীণি.

অকুসলং অনুপাদিন্নং ধম্মং পটিচ্চ অকুসলো অনুপাদিন্নো ধম্মো উপ্পজ্জতি হেতুপচ্চযা… তীণি.

অব্যাকতং অনুপাদিন্নং ধম্মং পটিচ্চ অব্যাকতো অনুপাদিন্নো ধম্মো উপ্পজ্জতি হেতুপচ্চযা. (১)

কুসলং অনুপাদিন্নঞ্চ অব্যাকতং অনুপাদিন্নঞ্চ ধম্মং পটিচ্চ অব্যাকতো অনুপাদিন্নো ধম্মো উপ্পজ্জতি হেতুপচ্চযা. (১)

অকুসলং অনুপাদিন্নঞ্চ অব্যাকতং অনুপাদিন্নঞ্চ ধম্মং পটিচ্চ অব্যাকতো অনুপাদিন্নো ধম্মো উপ্পজ্জতি হেতুপচ্চযা. (১) (সংখিত্তং.)

৩১. হেতুযা নৱ, আৰম্মণে তীণি…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

৩২. কুসলো অনুপাদিন্নো ধম্মো কুসলস্স অনুপাদিন্নস্স ধম্মস্স হেতুপচ্চযেন পচ্চযো… তীণি.

অকুসলো অনুপাদিন্নো ধম্মো অকুসলস্স অনুপাদিন্নস্স ধম্মস্স হেতুপচ্চযেন পচ্চযো… তীণি.

অব্যাকতো অনুপাদিন্নো ধম্মো অব্যাকতস্স অনুপাদিন্নস্স ধম্মস্স হেতুপচ্চযেন পচ্চযো. (১)

৩৩. কুসলো অনুপাদিন্নো ধম্মো কুসলস্স অনুপাদিন্নস্স ধম্মস্স আৰম্মণপচ্চযেন পচ্চযো… তীণি.

অকুসলো অনুপাদিন্নো ধম্মো অকুসলস্স অনুপাদিন্নস্স ধম্মস্স আৰম্মণপচ্চযেন পচ্চযো… তীণি.

অব্যাকতো অনুপাদিন্নো ধম্মো অব্যাকতস্স অনুপাদিন্নস্স ধম্মস্স আৰম্মণপচ্চযেন পচ্চযো. অব্যাকতো অনুপাদিন্নো ধম্মো কুসলস্স অনুপাদিন্নস্স ধম্মস্স আৰম্মণপচ্চযেন পচ্চযো. অব্যাকতো অনুপাদিন্নো ধম্মো অকুসলস্স অনুপাদিন্নস্স ধম্মস্স আৰম্মণপচ্চযেন পচ্চযো… তীণি (সংখিত্তং).

৩৪. হেতুযা সত্ত, আৰম্মণে নৱ, অধিপতিযা দস, অনন্তৰে ছ…পে… সহজাতে নৱ, নিস্সযে নৱ, উপনিস্সযে নৱ…পে… অৱিগতে একাদস (সংখিত্তং).

কুসলত্তিকমহন্তৰদুকং নিট্ঠিতং.

১-৬৯-৭৪. কুসলত্তিক-উপাদানাদিদুকানি

৩৫. অকুসলং উপাদানং ধম্মং পটিচ্চ অকুসলো উপাদানো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (উপাদানগোচ্ছকং ৱিত্থাৰেতব্বং).

কুসলত্তিকউপাদানগোচ্ছকং নিট্ঠিতং.