১-৭৫. কুসলত্তিক-কিলেসদুকং

১-৭. পটিচ্চৱাৰাদি

পচ্চযচতুক্কং

১. অকুসলং কিলেসং ধম্মং পটিচ্চ অকুসলো কিলেসো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

২. কুসলং নোকিলেসং ধম্মং পটিচ্চ কুসলো নোকিলেসো ধম্মো উপ্পজ্জতি হেতুপচ্চযা… তীণি.

অকুসলং নোকিলেসং ধম্মং পটিচ্চ অকুসলো নোকিলেসো ধম্মো উপ্পজ্জতি হেতুপচ্চযা… তীণি.

অব্যাকতং নোকিলেসং ধম্মং পটিচ্চ অব্যাকতো নোকিলেসো ধম্মো উপ্পজ্জতি হেতুপচ্চযা. (১)

কুসলং নোকিলেসঞ্চ অব্যাকতং নোকিলেসঞ্চ ধম্মং পটিচ্চ অব্যাকতো নোকিলেসো ধম্মো উপ্পজ্জতি হেতুপচ্চযা. (১)

অকুসলং নোকিলেসঞ্চ অব্যাকতং নোকিলেসঞ্চ ধম্মং পটিচ্চ অব্যাকতো নোকিলেসো ধম্মো উপ্পজ্জতি হেতুপচ্চযা. (১) (সংখিত্তং.)

৩. হেতুযা নৱ, আৰম্মণে তীণি, অধিপতিযা নৱ…পে… অৱিগতে নৱ (সংখিত্তং. সহজাতৱাৰম্পি …পে… সম্পযুত্তৱাৰম্পি পটিচ্চৱাৰসদিসং).

৪. কুসলো নোকিলেসো ধম্মো কুসলস্স নোকিলেসস্স ধম্মস্স হেতুপচ্চযেন পচ্চযো… তীণি.

অব্যাকতো নোকিলেসো ধম্মো অব্যাকতস্স নোকিলেসস্স ধম্মস্স হেতুপচ্চযেন পচ্চযো. (১) (সংখিত্তং.)

৫. হেতুযা চত্তাৰি, আৰম্মণে নৱ…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১-৭৬. কুসলত্তিক-সংকিলেসিকদুকং

১-৭. পটিচ্চৱাৰাদি

পচ্চযচতুক্কং

৬. কুসলং সংকিলেসিকং ধম্মং পটিচ্চ কুসলো সংকিলেসিকো ধম্মো উপ্পজ্জতি হেতুপচ্চযা… তীণি.

অকুসলং সংকিলেসিকং ধম্মং পটিচ্চ অকুসলো সংকিলেসিকো ধম্মো উপ্পজ্জতি হেতুপচ্চযা… তীণি.

অব্যাকতং সংকিলেসিকং ধম্মং পটিচ্চ অব্যাকতো সংকিলেসিকো ধম্মো উপ্পজ্জতি হেতুপচ্চযা. (১)

কুসলং সংকিলেসিকঞ্চ অব্যাকতং সংকিলেসিকঞ্চ ধম্মং পটিচ্চ অব্যাকতো সংকিলেসিকো ধম্মো উপ্পজ্জতি হেতুপচ্চযা. (১)

অকুসলং সংকিলেসিকঞ্চ অব্যাকতং সংকিলেসিকঞ্চ ধম্মং পটিচ্চ অব্যাকতো সংকিলেসিকো ধম্মো উপ্পজ্জতি হেতুপচ্চযা. (১)

৭. হেতুযা নৱ, আৰম্মণে তীণি…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি ৱিত্থাৰেতব্বং).

৮. কুসলো সংকিলেসিকো ধম্মো অকুসলস্স সংকিলেসিকস্স ধম্মস্স হেতুপচ্চযেন পচ্চযো… তীণি.

অকুসলো সংকিলেসিকো ধম্মো অকুসলস্স সংকিলেসিকস্স ধম্মস্স হেতুপচ্চযেন পচ্চযো… তীণি.

অব্যাকতো সংকিলেসিকো ধম্মো অব্যাকতস্স সংকিলেসিকস্স ধম্মস্স হেতুপচ্চযেন পচ্চযো. (১) (সংখিত্তং.)

৯. হেতুযা সত্ত, আৰম্মণে নৱ, অধিপতিযা নৱ…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১০. কুসলং অসংকিলেসিকং ধম্মং পটিচ্চ কুসলো অসংকিলেসিকো ধম্মো উপ্পজ্জতি হেতুপচ্চযা. (১)

অব্যাকতং অসংকিলেসিকং ধম্মং পটিচ্চ অব্যাকতো অসংকিলেসিকো ধম্মো উপ্পজ্জতি হেতুপচ্চযা. (১) (সংখিত্তং.)

১১. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

১২. কুসলো অসংকিলেসিকো ধম্মো কুসলস্স অসংকিলেসিকস্স ধম্মস্স হেতুপচ্চযেন পচ্চযো. (১)

অব্যাকতো অসংকিলেসিকো ধম্মো অব্যাকতস্স অসংকিলেসিকস্স ধম্মস্স হেতুপচ্চযেন পচ্চযো. (১)

অব্যাকতো অসংকিলেসিকো ধম্মো অব্যাকতস্স অসংকিলেসিকস্স ধম্মস্স আৰম্মণপচ্চযেন পচ্চযো. অব্যাকতো অসংকিলেসিকো ধম্মো কুসলস্স অসংকিলেসিকস্স ধম্মস্স আৰম্মণপচ্চযেন পচ্চযো. (২) (সংখিত্তং.)

১৩. হেতুযা দ্ৱে, আৰম্মণে দ্ৱে, অধিপতিযা তীণি, অনন্তৰে দ্ৱে…পে… উপনিস্সযে চত্তাৰি…পে… অৱিগতে দ্ৱে (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১-৭৭. কুসলত্তিক-সংকিলিট্ঠদুকং

১-৭. পটিচ্চৱাৰাদি

হেতু-আৰম্মণপচ্চযা

১৪. অকুসলং সংকিলিট্ঠং ধম্মং পটিচ্চ অকুসলো সংকিলিট্ঠো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১৫. কুসলং অসংকিলিট্ঠং ধম্মং পটিচ্চ কুসলো অসংকিলিট্ঠো ধম্মো উপ্পজ্জতি হেতুপচ্চযা. কুসলং অসংকিলিট্ঠং ধম্মং পটিচ্চ অব্যাকতো অসংকিলিট্ঠো ধম্মো উপ্পজ্জতি হেতুপচ্চযা. কুসলং অসংকিলিট্ঠং ধম্মং পটিচ্চ কুসলো অসংকিলিট্ঠো চ অব্যাকতো অসংকিলিট্ঠো চ ধম্মা উপ্পজ্জন্তি হেতুপচ্চযা. (৩)

অব্যাকতং অসংকিলিট্ঠং ধম্মং পটিচ্চ অব্যাকতো অসংকিলিট্ঠো ধম্মো উপ্পজ্জতি হেতুপচ্চযা. কুসলং অসংকিলিট্ঠঞ্চ অব্যাকতং অসংকিলিট্ঠঞ্চ ধম্মং পটিচ্চ অব্যাকতো অসংকিলিট্ঠো ধম্মো উপ্পজ্জতি হেতুপচ্চযা. (২)

১৬. কুসলং অসংকিলিট্ঠং ধম্মং পটিচ্চ কুসলো অসংকিলিট্ঠো ধম্মো উপ্পজ্জতি আৰম্মণপচ্চযা. (১)

অব্যাকতং অসংকিলিট্ঠং ধম্মং পটিচ্চ অব্যাকতো অসংকিলিট্ঠো ধম্মো উপ্পজ্জতি আৰম্মণপচ্চযা. (১) (সংখিত্তং.)

১৭. হেতুযা পঞ্চ, আৰম্মণে দ্ৱে, অধিপতিযা পঞ্চ…পে… অৱিগতে পঞ্চ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

১৮. কুসলো অসংকিলিট্ঠো ধম্মো কুসলস্স অসংকিলিট্ঠস্স ধম্মস্স হেতুপচ্চযেন পচ্চযো… তীণি.

অব্যাকতো অসংকিলিট্ঠো ধম্মো অব্যাকতস্স অসংকিলিট্ঠস্স ধম্মস্স হেতুপচ্চযেন পচ্চযো. (১)

কুসলো অসংকিলিট্ঠো ধম্মো কুসলস্স অসংকিলিট্ঠস্স ধম্মস্স আৰম্মণপচ্চযেন পচ্চযো… দ্ৱে.

অব্যাকতো অসংকিলিট্ঠো ধম্মো অব্যাকতস্স অসংকিলিট্ঠস্স ধম্মস্স আৰম্মণপচ্চযেন পচ্চযো… দ্ৱে (সংখিত্তং).

১৯. হেতুযা চত্তাৰি, আৰম্মণে চত্তাৰি, অধিপতিযা পঞ্চ, অনন্তৰে চত্তাৰি…পে… উপনিস্সযে চত্তাৰি…পে… অৱিগতে সত্ত (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১-৭৮. কুসলত্তিক-কিলেসসম্পযুত্তদুকং

১-৭. পটিচ্চৱাৰাদি

হেতুপচ্চযো

২০. অকুসলং কিলেসসম্পযুত্তং ধম্মং পটিচ্চ অকুসলো কিলেসসম্পযুত্তো ধম্মো উপ্পজ্জতি হেতুপচ্চযা (সংকিলিট্ঠদুকসদিসং).

১-৭৯. কুসলত্তিক-কিলেসসংকিলেসিকদুকং

১-৭. পটিচ্চৱাৰাদি

হেতুপচ্চযো

২১. অকুসলং কিলেসঞ্চেৱ সংকিলেসিকঞ্চ ধম্মং পটিচ্চ অকুসলো কিলেসো চেৱ সংকিলেসিকো চ ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

২২. কুসলং সংকিলেসিকঞ্চেৱ নো চ কিলেসং ধম্মং পটিচ্চ কুসলো সংকিলেসিকো চেৱ নো চ কিলেসো ধম্মো উপ্পজ্জতি হেতুপচ্চযা… তীণি.

অকুসলং সংকিলেসিকঞ্চেৱ নো চ কিলেসং ধম্মং পটিচ্চ অকুসলো সংকিলেসিকো চেৱ নো চ কিলেসো ধম্মো উপ্পজ্জতি হেতুপচ্চযা… তীণি.

অব্যাকতং সংকিলেসিকঞ্চেৱ নো চ কিলেসং ধম্মং পটিচ্চ অব্যাকতো সংকিলেসিকো চেৱ নো চ কিলেসো ধম্মো উপ্পজ্জতি হেতুপচ্চযা.

কুসলং সংকিলেসিকঞ্চেৱ নো চ কিলেসঞ্চ অব্যাকতং সংকিলেসিকঞ্চেৱ নো চ কিলেসঞ্চ ধম্মং পটিচ্চ অব্যাকতো সংকিলেসিকো চেৱ নো চ কিলেসো ধম্মো উপ্পজ্জতি হেতুপচ্চযা. (১)

অকুসলং সংকিলেসিকঞ্চেৱ নো চ কিলেসঞ্চ অব্যাকতং সংকিলেসিকঞ্চেৱ নো চ কিলেসঞ্চ ধম্মং পটিচ্চ অব্যাকতো সংকিলেসিকো চেৱ নো চ কিলেসো ধম্মো উপ্পজ্জতি হেতুপচ্চযা (সংখিত্তং).

২৩. হেতুযা নৱ, আৰম্মণে তীণি…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

২৪. কুসলো সংকিলেসিকো চেৱ নো চ কিলেসো ধম্মো কুসলস্স সংকিলেসিকস্স চেৱ নো চ কিলেসস্স ধম্মস্স হেতুপচ্চযেন পচ্চযো… তীণি.

অব্যাকতো সংকিলেসিকো চেৱ নো চ কিলেসো ধম্মো অব্যাকতস্স সংকিলেসিকস্স চেৱ নো চ কিলেসস্স ধম্মস্স হেতুপচ্চযেন পচ্চযো. (১) (সংখিত্তং.)

২৫. হেতুযা চত্তাৰি, আৰম্মণে নৱ, অধিপতিযা নৱ…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১-৮০. কুসলত্তিক-কিলেসসংকিলিট্ঠদুকং

১-৭. পটিচ্চৱাৰাদি

হেতুপচ্চযো

২৬. অকুসলং কিলেসঞ্চেৱ সংকিলিট্ঠঞ্চ ধম্মং পটিচ্চ অকুসলো কিলেসো চেৱ সংকিলিট্ঠো চ ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং).

২৭. অকুসলং সংকিলিট্ঠঞ্চেৱ নো চ কিলেসং ধম্মং পটিচ্চ অকুসলো সংকিলিট্ঠো চেৱ নো চ কিলেসো ধম্মো উপ্পজ্জতি হেতুপচ্চযা.

হেতুযা একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১-৮১. কুসলত্তিক-কিলেসকিলেসসম্পযুত্তদুকং

১-৭. পটিচ্চৱাৰাদি

হেতুপচ্চযো

২৮. অকুসলং কিলেসঞ্চেৱ কিলেসসম্পযুত্তঞ্চ ধম্মং পটিচ্চ অকুসলো কিলেসো চেৱ কিলেসসম্পযুত্তো চ ধম্মো উপ্পজ্জতি হেতুপচ্চযা.

হেতুযা একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

২৯. অকুসলং কিলেসসম্পযুত্তঞ্চেৱ নো চ কিলেসং ধম্মং পটিচ্চ অকুসলো কিলেসসম্পযুত্তো চেৱ নো চ কিলেসো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১-৮২. কুসলত্তিক-কিলেসৱিপ্পযুত্তসংকিলেসিকদুকং

১-৭. পটিচ্চৱাৰাদি

হেতুপচ্চযো

৩০. কুসলং কিলেসৱিপ্পযুত্তং সংকিলেসিকং ধম্মং পটিচ্চ কুসলো কিলেসৱিপ্পযুত্তো সংকিলেসিকো ধম্মো উপ্পজ্জতি হেতুপচ্চযা. কুসলং কিলেসৱিপ্পযুত্তং সংকিলেসিকং ধম্মং পটিচ্চ অব্যাকতো কিলেসৱিপ্পযুত্তো সংকিলেসিকো ধম্মো উপ্পজ্জতি হেতুপচ্চযা. কুসলং কিলেসৱিপ্পযুত্তং সংকিলেসিকং ধম্মং পটিচ্চ কুসলো কিলেসৱিপ্পযুত্তো সংকিলেসিকো চ অব্যাকতো কিলেসৱিপ্পযুত্তো সংকিলেসিকো চ ধম্মা উপ্পজ্জন্তি হেতুপচ্চযা. (৩)

অব্যাকতং কিলেসৱিপ্পযুত্তং সংকিলেসিকং ধম্মং পটিচ্চ অব্যাকতো কিলেসৱিপ্পযুত্তো সংকিলেসিকো ধম্মো উপ্পজ্জতি হেতুপচ্চযা. (১)

কুসলং কিলেসৱিপ্পযুত্তং সংকিলেসিকঞ্চ অব্যাকতং কিলেসৱিপ্পযুত্তং সংকিলেসিকঞ্চ ধম্মং পটিচ্চ অব্যাকতো কিলেসৱিপ্পযুত্তো সংকিলেসিকো ধম্মো উপ্পজ্জতি হেতুপচ্চযা. (১) (সংখিত্তং.)

৩১. হেতুযা পঞ্চ, আৰম্মণে দ্ৱে…পে… অৱিগতে পঞ্চ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

৩২. কুসলো কিলেসৱিপ্পযুত্তো সংকিলেসিকো ধম্মো কুসলস্স কিলেসৱিপ্পযুত্তস্স সংকিলেসিকস্স ধম্মস্স হেতুপচ্চযেন পচ্চযো… তীণি.

অব্যাকতো কিলেসৱিপ্পযুত্তো সংকিলেসিকো ধম্মো অব্যাকতস্স কিলেসৱিপ্পযুত্তস্স সংকিলেসিকস্স ধম্মস্স হেতুপচ্চযেন পচ্চযো. (১) (সংখিত্তং.)

৩৩. হেতুযা চত্তাৰি, আৰম্মণে চত্তাৰি…পে… অৱিগতে সত্ত (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

৩৪. কুসলং কিলেসৱিপ্পযুত্তং অসংকিলেসিকং ধম্মং পটিচ্চ কুসলো কিলেসৱিপ্পযুত্তো অসংকিলেসিকো ধম্মো উপ্পজ্জতি হেতুপচ্চযা.

অব্যাকতং কিলেসৱিপ্পযুত্তং অসংকিলেসিকং ধম্মং পটিচ্চ অব্যাকতো কিলেসৱিপ্পযুত্তো অসংকিলেসিকো ধম্মো উপ্পজ্জতি হেতুপচ্চযা.

হেতুযা দ্ৱে…পে… অৱিগতে দ্ৱে (সংখিত্তং. সহজাতৱাৰম্পি …পে… সম্পযুত্তৱাৰম্পি পটিচ্চৱাৰসদিসং).

৩৫. কুসলো কিলেসৱিপ্পযুত্তো অসংকিলেসিকো ধম্মো কুসলস্স কিলেসৱিপ্পযুত্তস্স অসংকিলেসিকস্স ধম্মস্স হেতুপচ্চযেন পচ্চযো. (১)

অব্যাকতো কিলেসৱিপ্পযুত্তো অসংকিলেসিকো ধম্মো অব্যাকতস্স কিলেসৱিপ্পযুত্তস্স অসংকিলেসিকস্স ধম্মস্স হেতুপচ্চযেন পচ্চযো. (১) (সংখিত্তং.)

৩৬. হেতুযা দ্ৱে, আৰম্মণে দ্ৱে, অধিপতিযা তীণি, অনন্তৰে দ্ৱে…পে… উপনিস্সযে চত্তাৰি…পে… অৱিগতে দ্ৱে (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

কুসলত্তিককিলেসগোচ্ছকং নিট্ঠিতং.