১-৭. পটিচ্চৱাৰাদি

পচ্চযচতুক্কং

হেতুপচ্চযো

৩০. কুসলং আসৱৱিপ্পযুত্তং অনাসৱং ধম্মং পটিচ্চ কুসলো আসৱৱিপ্পযুত্তো অনাসৱো ধম্মো উপ্পজ্জতি হেতুপচ্চযা. (১)

অব্যাকতং আসৱৱিপ্পযুত্তং অনাসৱং ধম্মং পটিচ্চ অব্যাকতো আসৱৱিপ্পযুত্তো অনাসৱো ধম্মো উপ্পজ্জতি হেতুপচ্চযা (সংখিত্তং).

৩১. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

হেতুআৰম্মণপচ্চযাদি

৩২. কুসলো আসৱৱিপ্পযুত্তো অনাসৱো ধম্মো কুসলস্স আসৱৱিপ্পযুত্তস্স অনাসৱস্স ধম্মস্স হেতুপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো অব্যাকতস্স আসৱৱিপ্পযুত্তস্স অনাসৱস্স ধম্মস্স হেতুপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো অব্যাকতস্স আসৱৱিপ্পযুত্তস্স অনাসৱস্স ধম্মস্স আৰম্মণপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো কুসলস্স আসৱৱিপ্পযুত্তস্স অনাসৱস্স ধম্মস্স আৰম্মণপচ্চযেন পচ্চযো. (১)

কুসলো আসৱৱিপ্পযুত্তো অনাসৱো ধম্মো কুসলস্স আসৱৱিপ্পযুত্তস্স অনাসৱস্স ধম্মস্স অধিপতিপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো অব্যাকতস্স আসৱৱিপ্পযুত্তস্স অনাসৱস্স ধম্মস্স অধিপতিপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো কুসলস্স আসৱৱিপ্পযুত্তস্স অনাসৱস্স ধম্মস্স অধিপতিপচ্চযেন পচ্চযো. (১)

কুসলো আসৱৱিপ্পযুত্তো অনাসৱো ধম্মো অব্যাকতস্স আসৱৱিপ্পযুত্তস্স অনাসৱস্স ধম্মস্স অনন্তৰপচ্চযেন পচ্চযো. (১)

অব্যাকতো আসৱৱিপ্পযুত্তো অনাসৱো ধম্মো অব্যাকতস্স আসৱৱিপ্পযুত্তস্স অনাসৱস্স ধম্মস্স অনন্তৰপচ্চযেন পচ্চযো. (১) (সংখিত্তং.)

৩৩. হেতুযা দ্ৱে, আৰম্মণে দ্ৱে, অধিপতিযা তীণি, অনন্তৰে দ্ৱে, সমনন্তৰে দ্ৱে, সহজাতে দ্ৱে, অঞ্ঞমঞ্ঞে দ্ৱে, নিস্সযে দ্ৱে, উপনিস্সযে চত্তাৰি…পে… অৱিগতে দ্ৱে (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

কুসলত্তিকআসৱগোচ্ছকং নিট্ঠিতং.

১-২০-৫৪. কুসলত্তিক-সঞ্ঞোজনাদিদুকানি

৩৪. অকুসলং সঞ্ঞোজনং ধম্মং পটিচ্চ…পে… অকুসলং গন্থং… ওঘং… যোগং… নীৱৰণং….

কুসলং নোপৰামাসং ধম্মং পটিচ্চ কুসলো নোপৰামাসো ধম্মো উপ্পজ্জতি হেতুপচ্চযা. (আসৱগোচ্ছকসদিসং.) দিট্ঠিং পটিচ্চ দিট্ঠি ন উপ্পজ্জতি.

কুসলত্তিকে ছ গোচ্ছকং নিট্ঠিতং.