১-৭. পটিচ্চৱাৰাদি

পচ্চযচতুক্কং

হেতুপচ্চযো

২৭৯. কুসলং নহেতুং সহেতুকং ধম্মং পটিচ্চ কুসলো নহেতু সহেতুকো ধম্মো উপ্পজ্জতি হেতুপচ্চযা. (১)

অকুসলং নহেতুং সহেতুকং ধম্মং পটিচ্চ অকুসলো নহেতু সহেতুকো ধম্মো উপ্পজ্জতি হেতুপচ্চযা. (১)

অব্যাকতং নহেতুং সহেতুকং ধম্মং পটিচ্চ অব্যাকতো নহেতু সহেতুকো ধম্মো উপ্পজ্জতি হেতুপচ্চযা. (১) (সংখিত্তং.)

২৮০. হেতুযা তীণি, আৰম্মণে তীণি…পে… অৱিগতে তীণি (সংখিত্তং).

নঅধিপতিযা তীণি (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

আৰম্মণপচ্চযো

২৮১. কুসলো নহেতু সহেতুকো ধম্মো কুসলস্স নহেতুস্স সহেতুকস্স ধম্মস্স আৰম্মণপচ্চযেন পচ্চযো… তীণি.

অকুসলো নহেতু সহেতুকো ধম্মো অকুসলস্স নহেতুস্স সহেতুকস্স ধম্মস্স আৰম্মণপচ্চযেন পচ্চযো… তীণি.

অব্যাকতো নহেতু সহেতুকো ধম্মো অব্যাকতস্স নহেতুস্স সহেতুকস্স ধম্মস্স আৰম্মণপচ্চযেন পচ্চযো… তীণি (সংখিত্তং).

২৮২. আৰম্মণে নৱ, অধিপতিযা সত্ত, অনন্তৰে পঞ্চ…পে… সহজাতে অঞ্ঞমঞ্ঞে নিস্সযে তীণি, উপনিস্সযে নৱ, আসেৱনে তীণি, কম্মে পঞ্চ, ৱিপাকে একং, আহাৰে…পে… সম্পযুত্তে তীণি…পে… অৱিগতে তীণি (সংখিত্তং).

নহেতুযা নৱ, নআৰম্মণে নৱ (সংখিত্তং).

আৰম্মণপচ্চযা নহেতুযা নৱ (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

নহেতুঅহেতুকপদং

হেতুপচ্চযো

২৮৩. অব্যাকতং নহেতুং অহেতুকং ধম্মং পটিচ্চ অব্যাকতো নহেতু অহেতুকো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

নহেতুযা একং…পে… নোৱিগতে একং (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

২৮৪. অব্যাকতো নহেতু অহেতুকো ধম্মো অব্যাকতস্স নহেতুস্স অহেতুকস্স ধম্মস্স আৰম্মণপচ্চযেন পচ্চযো (সংখিত্তং).

আৰম্মণে একং, অধিপতিযা একং…পে… অৱিগতে একং (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

হেতুগোচ্ছকং নিট্ঠিতং.