১-৭. কুসলত্তিক-সপ্পচ্চযদুকং

১-৭. পটিচ্চৱাৰাদি

পচ্চযচতুক্কং

১. কুসলং সপ্পচ্চযং ধম্মং পটিচ্চ কুসলো সপ্পচ্চযো ধম্মো উপ্পজ্জতি হেতুপচ্চযা. কুসলং সপ্পচ্চযং ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি হেতুপচ্চযা. কুসলং সপ্পচ্চযং ধম্মং পটিচ্চ কুসলো সপ্পচ্চযো চ অব্যাকতো সপ্পচ্চযো চ ধম্মা উপ্পজ্জন্তি হেতুপচ্চযা. (৩)

অকুসলং সপ্পচ্চযং ধম্মং পটিচ্চ অকুসলো সপ্পচ্চযো ধম্মো উপ্পজ্জতি হেতুপচ্চযা… তীণি.

অব্যাকতং সপ্পচ্চযং ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি হেতুপচ্চযা. (১)

কুসলং সপ্পচ্চযঞ্চ অব্যাকতং সপ্পচ্চযঞ্চ ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি হেতুপচ্চযা. (১)

অকুসলং সপ্পচ্চযঞ্চ অব্যাকতং সপ্পচ্চযঞ্চ ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি হেতুপচ্চযা. (১)

২. কুসলং সপ্পচ্চযং ধম্মং পটিচ্চ কুসলো সপ্পচ্চযো ধম্মো উপ্পজ্জতি আৰম্মণপচ্চযা. (১)

অকুসলং সপ্পচ্চযং ধম্মং পটিচ্চ অকুসলো সপ্পচ্চযো ধম্মো উপ্পজ্জতি আৰম্মণপচ্চযা. (১)

অব্যাকতং সপ্পচ্চযং ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি আৰম্মণপচ্চযা. (১) (সংখিত্তং.)

৩. হেতুযা নৱ, আৰম্মণে তীণি, অধিপতিযা নৱ…পে… অৱিগতে নৱ (সংখিত্তং).

পচ্চনীযং

নহেতুপচ্চযো

৪. অকুসলং সপ্পচ্চযং ধম্মং পটিচ্চ অকুসলো সপ্পচ্চযো ধম্মো উপ্পজ্জতি নহেতুপচ্চযা. (১)

অব্যাকতং সপ্পচ্চযং ধম্মং পটিচ্চ অব্যাকতো সপ্পচ্চযো ধম্মো উপ্পজ্জতি নহেতুপচ্চযা. (১) (সংখিত্তং.)

৫. নহেতুযা দ্ৱে, নআৰম্মণে পঞ্চ, নঅধিপতিযা নৱ…পে… নোৱিগতে পঞ্চ (সংখিত্তং).

হেতুপচ্চযা নআৰম্মণে পঞ্চ (সংখিত্তং).

নহেতুপচ্চযা আৰম্মণে দ্ৱে (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

হেতু-আৰম্মণপচ্চযা

৬. কুসলো সপ্পচ্চযো ধম্মো কুসলস্স সপ্পচ্চযস্স ধম্মস্স হেতুপচ্চযেন পচ্চযো… তীণি.

অকুসলো সপ্পচ্চযো ধম্মো অকুসলস্স সপ্পচ্চযস্স ধম্মস্স হেতুপচ্চযেন পচ্চযো… তীণি.

অব্যাকতো সপ্পচ্চযো ধম্মো অব্যাকতস্স সপ্পচ্চযস্স ধম্মস্স হেতুপচ্চযেন পচ্চযো. (১)

৭. কুসলো সপ্পচ্চযো ধম্মো কুসলস্স সপ্পচ্চযস্স ধম্মস্স আৰম্মণপচ্চযেন পচ্চযো… তীণি.

অকুসলো সপ্পচ্চযো ধম্মো অকুসলস্স সপ্পচ্চযস্স ধম্মস্স আৰম্মণপচ্চযেন পচ্চযো… তীণি.

অব্যাকতো সপ্পচ্চযো ধম্মো অব্যাকতস্স সপ্পচ্চযস্স ধম্মস্স আৰম্মণপচ্চযেন পচ্চযো… তীণি (সংখিত্তং).

৮. হেতুযা সত্ত, আৰম্মণে নৱ, অধিপতিযা দস, অনন্তৰে সত্ত…পে… সহজাতে নৱ…পে… উপনিস্সযে নৱ…পে… অৱিগতে তেৰস (সংখিত্তং).

নহেতুযা পন্নৰস, নআৰম্মণে পন্নৰস (সংখিত্তং).

হেতুপচ্চযা নআৰম্মণে সত্ত (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১-৮. কুসলত্তিক-সঙ্খতদুকং

১-৭. পটিচ্চৱাৰাদি

পচ্চযচতুক্কং

৯. কুসলং সঙ্খতং ধম্মং পটিচ্চ কুসলো সঙ্খতো ধম্মো উপ্পজ্জতি হেতুপচ্চযা (সপ্পচ্চযদুকসদিসং).

১-৯. কুসলত্তিক-সনিদস্সনদুকং

১-৭. পটিচ্চৱাৰাদি

পচ্চযচতুক্কং

১০. কুসলং অনিদস্সনং ধম্মং পটিচ্চ কুসলো অনিদস্সনো ধম্মো উপ্পজ্জতি হেতুপচ্চযা… তীণি.

অকুসলং অনিদস্সনং ধম্মং পটিচ্চ অকুসলো অনিদস্সনো ধম্মো উপ্পজ্জতি হেতুপচ্চযা… তীণি.

অব্যাকতং অনিদস্সনং ধম্মং পটিচ্চ অব্যাকতো অনিদস্সনো ধম্মো উপ্পজ্জতি হেতুপচ্চযা. (১)

কুসলং অনিদস্সনঞ্চ অব্যাকতং অনিদস্সনঞ্চ ধম্মং পটিচ্চ অব্যাকতো অনিদস্সনো ধম্মো উপ্পজ্জতি হেতুপচ্চযা. (১)

অকুসলং অনিদস্সনঞ্চ অব্যাকতং অনিদস্সনঞ্চ ধম্মং পটিচ্চ অব্যাকতো অনিদস্সনো ধম্মো উপ্পজ্জতি হেতুপচ্চযা. (১)

১১. কুসলং অনিদস্সনং ধম্মং পটিচ্চ কুসলো অনিদস্সনো ধম্মো উপ্পজ্জতি আৰম্মণপচ্চযা. (১)

অকুসলং অনিদস্সনং ধম্মং পটিচ্চ অকুসলো অনিদস্সনো ধম্মো উপ্পজ্জতি আৰম্মণপচ্চযা. (১)

অব্যাকতং অনিদস্সনং ধম্মং পটিচ্চ অব্যাকতো অনিদস্সনো ধম্মো উপ্পজ্জতি আৰম্মণপচ্চযা. (১) (সংখিত্তং.)

১২. হেতুযা নৱ, আৰম্মণে তীণি…পে… অৱিগতে নৱ (সংখিত্তং).

পচ্চনীযং –নহেতুপচ্চযো

১৩. অকুসলং অনিদস্সনং ধম্মং পটিচ্চ অকুসলো অনিদস্সনো ধম্মো উপ্পজ্জতি নহেতুপচ্চযা. (১)

অব্যাকতং অনিদস্সনং ধম্মং পটিচ্চ অব্যাকতো অনিদস্সনো ধম্মো উপ্পজ্জতি নহেতুপচ্চযা. (১) (সংখিত্তং.)

নহেতুযা দ্ৱে, নআৰম্মণে পঞ্চ, নঅধিপতিযা নৱ…পে… নোৱিগতে পঞ্চ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

১৪. কুসলো অনিদস্সনো ধম্মো কুসলস্স অনিদস্সনস্স ধম্মস্স হেতুপচ্চযেন পচ্চযো… তীণি.

অকুসলো অনিদস্সনো ধম্মো অকুসলস্স অনিদস্সনস্স ধম্মস্স হেতুপচ্চযেন পচ্চযো… তীণি.

অব্যাকতো অনিদস্সনো ধম্মো অব্যাকতস্স অনিদস্সনস্স ধম্মস্স হেতুপচ্চযেন পচ্চযো. (১)

১৫. কুসলো অনিদস্সনো ধম্মো কুসলস্স অনিদস্সনস্স ধম্মস্স আৰম্মণপচ্চযেন পচ্চযো… তীণি.

অকুসলো অনিদস্সনো ধম্মো অকুসলস্স অনিদস্সনস্স ধম্মস্স আৰম্মণপচ্চযেন পচ্চযো… তীণি.

অব্যাকতো অনিদস্সনো ধম্মো অব্যাকতস্স অনিদস্সনস্স ধম্মস্স আৰম্মণপচ্চযেন পচ্চযো… তীণি (সংখিত্তং).

১৬. হেতুযা সত্ত, আৰম্মণে নৱ, অধিপতিযা দস, অনন্তৰে সত্ত…পে… উপনিস্সযে নৱ…পে… অৱিগতে তেৰস (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১-১০. কুসলত্তিক-সপ্পটিঘদুকং

১-৭. পটিচ্চৱাৰাদি

পচ্চযচতুক্কং

হেতুপচ্চযো

১৭. অব্যাকতং সপ্পটিঘং ধম্মং পটিচ্চ অব্যাকতো সপ্পটিঘো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১৮. কুসলং অপ্পটিঘং ধম্মং পটিচ্চ কুসলো অপ্পটিঘো ধম্মো উপ্পজ্জতি হেতুপচ্চযা… তীণি.

অকুসলং অপ্পটিঘং ধম্মং পটিচ্চ অকুসলো অপ্পটিঘো ধম্মো উপ্পজ্জতি হেতুপচ্চযা… তীণি.

অব্যাকতং অপ্পটিঘং ধম্মং পটিচ্চ অব্যাকতো অপ্পটিঘো ধম্মো উপ্পজ্জতি হেতুপচ্চযা. (১)

কুসলং অপ্পটিঘঞ্চ অব্যাকতং অপ্পটিঘঞ্চ ধম্মং পটিচ্চ অব্যাকতো অপ্পটিঘো ধম্মো উপ্পজ্জতি হেতুপচ্চযা. (১)

অকুসলং অপ্পটিঘঞ্চ অব্যাকতং অপ্পটিঘঞ্চ ধম্মং পটিচ্চ অব্যাকতো অপ্পটিঘো ধম্মো উপ্পজ্জতি হেতুপচ্চযা. (১)

আৰম্মণপচ্চযো

১৯. কুসলং অপ্পটিঘং ধম্মং পটিচ্চ কুসলো অপ্পটিঘো ধম্মো উপ্পজ্জতি আৰম্মণপচ্চযা. (১)

অকুসলং অপ্পটিঘং ধম্মং পটিচ্চ অকুসলো অপ্পটিঘো ধম্মো উপ্পজ্জতি আৰম্মণপচ্চযা. (১)

অব্যাকতং অপ্পটিঘং ধম্মং পটিচ্চ অব্যাকতো অপ্পটিঘো ধম্মো উপ্পজ্জতি আৰম্মণপচ্চযা. (১) (সংখিত্তং.)

২০. হেতুযা নৱ, আৰম্মণে তীণি, অধিপতিযা নৱ…পে… অৱিগতে নৱ (সংখিত্তং).

পচ্চনীযং

নহেতুপচ্চযো

২১. অকুসলং অপ্পটিঘং ধম্মং পটিচ্চ অকুসলো অপ্পটিঘো ধম্মো উপ্পজ্জতি নহেতুপচ্চযা. (১)

অব্যাকতং অপ্পটিঘং ধম্মং পটিচ্চ অব্যাকতো অপ্পটিঘো ধম্মো উপ্পজ্জতি নহেতুপচ্চযা. (১) (সংখিত্তং.)

২২. নহেতুযা দ্ৱে, নআৰম্মণে পঞ্চ, নঅধিপতিযা নৱ…পে… নোৱিগতে পঞ্চ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতুপচ্চযো

২৩. কুসলো অপ্পটিঘো ধম্মো কুসলস্স অপ্পটিঘস্স ধম্মস্স হেতুপচ্চযেন পচ্চযো… তীণি.

অকুসলো অপ্পটিঘো ধম্মো অকুসলস্স অপ্পটিঘস্স ধম্মস্স হেতুপচ্চযেন পচ্চযো… তীণি.

অব্যাকতো অপ্পটিঘো ধম্মো অব্যাকতস্স অপ্পটিঘস্স ধম্মস্স হেতুপচ্চযেন পচ্চযো. (১) (সংখিত্তং.)

২৪. হেতুযা সত্ত, আৰম্মণে নৱ, অধিপতিযা দস…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

১-১১. কুসলত্তিক-ৰূপীদুকং

১-৭. পটিচ্চৱাৰাদি

পচ্চযচতুক্কং

হেতুপচ্চযো

২৫. অব্যাকতং ৰূপিং ধম্মং পটিচ্চ অব্যাকতো ৰূপী ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

২৬. কুসলং অৰূপিং ধম্মং পটিচ্চ কুসলো অৰূপী ধম্মো উপ্পজ্জতি হেতুপচ্চযা. (১)

অকুসলং অৰূপিং ধম্মং পটিচ্চ অকুসলো অৰূপী ধম্মো উপ্পজ্জতি হেতুপচ্চযা. (১)

অব্যাকতং অৰূপিং ধম্মং পটিচ্চ অব্যাকতো অৰূপী ধম্মো উপ্পজ্জতি হেতুপচ্চযা. (১) (সংখিত্তং.)

২৭. হেতুযা তীণি, আৰম্মণে তীণি…পে… অৱিগতে তীণি (সংখিত্তং).

নহেতুযা দ্ৱে, নঅধিপতিযা তীণি…পে… (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

২৮. কুসলো অৰূপী ধম্মো কুসলস্স অৰূপিস্স ধম্মস্স হেতুপচ্চযেন পচ্চযো. (১)

অকুসলো অৰূপী ধম্মো অকুসলস্স অৰূপিস্স ধম্মস্স হেতুপচ্চযেন পচ্চযো. (১)

অব্যাকতো অৰূপী ধম্মো অব্যাকতস্স অৰূপিস্স ধম্মস্স হেতুপচ্চযেন পচ্চযো. (১)

কুসলো অৰূপী ধম্মো কুসলস্স অৰূপিস্স ধম্মস্স আৰম্মণপচ্চযেন পচ্চযো… তীণি.

অকুসলো অৰূপী ধম্মো অকুসলস্স অৰূপিস্স ধম্মস্স আৰম্মণপচ্চযেন পচ্চযো… তীণি.

অব্যাকতো অৰূপী ধম্মো অব্যাকতস্স অৰূপিস্স ধম্মস্স আৰম্মণপচ্চযেন পচ্চযো (সংখিত্তং).

২৯. হেতুযা তীণি, আৰম্মণে নৱ, অধিপতিযা সত্ত…পে… অৱিগতে তীণি (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

১-১২. কুসলত্তিক-লোকিযদুকং

১-৭. পটিচ্চৱাৰাদি

পচ্চযচতুক্কং

হেতুপচ্চযো

৩০. কুসলং লোকিযং ধম্মং পটিচ্চ কুসলো লোকিযো ধম্মো উপ্পজ্জতি হেতুপচ্চযা. কুসলং লোকিযং ধম্মং পটিচ্চ অব্যাকতো লোকিযো ধম্মো উপ্পজ্জতি হেতুপচ্চযা. কুসলং লোকিযং ধম্মং পটিচ্চ কুসলো লোকিযো চ অব্যাকতো লোকিযো চ ধম্মা উপ্পজ্জন্তি হেতুপচ্চযা. (৩)

অকুসলং লোকিযং ধম্মং পটিচ্চ অকুসলো লোকিযো ধম্মো উপ্পজ্জতি হেতুপচ্চযা… তীণি.

অব্যাকতং লোকিযং ধম্মং পটিচ্চ অব্যাকতো লোকিযো ধম্মো উপ্পজ্জতি হেতুপচ্চযা. (১)

কুসলং লোকিযঞ্চ অব্যাকতং লোকিযঞ্চ ধম্মং পটিচ্চ অব্যাকতো লোকিযো ধম্মো উপ্পজ্জতি হেতুপচ্চযা. (১)

অকুসলং লোকিযঞ্চ অব্যাকতং লোকিযঞ্চ ধম্মং পটিচ্চ অব্যাকতো লোকিযো ধম্মো উপ্পজ্জতি হেতুপচ্চযা (১) (সংখিত্তং.)

৩১. হেতুযা নৱ, আৰম্মণে তীণি…পে… অৱিগতে নৱ (সংখিত্তং).

পচ্চনীযং

নহেতুপচ্চযো

৩২. অকুসলং লোকিযং ধম্মং পটিচ্চ অকুসলো লোকিযো ধম্মো উপ্পজ্জতি নহেতুপচ্চযা. (১)

অব্যাকতং লোকিযং ধম্মং পটিচ্চ অব্যাকতো লোকিযো ধম্মো উপ্পজ্জতি নহেতুপচ্চযা. (১) (সংখিত্তং.)

৩৩. নহেতুযা দ্ৱে, নআৰম্মণে পঞ্চ, নঅধিপতিযা নৱ…পে… নোৱিগতে পঞ্চ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতু-আৰম্মণপচ্চযা

৩৪. কুসলো লোকিযো ধম্মো কুসলস্স লোকিযস্স ধম্মস্স হেতুপচ্চযেন পচ্চযো… তীণি.

অকুসলো লোকিযো ধম্মো অকুসলস্স লোকিযস্স ধম্মস্স হেতুপচ্চযেন পচ্চযো… তীণি.

অব্যাকতো লোকিযো ধম্মো অব্যাকতস্স লোকিযস্স ধম্মস্স হেতুপচ্চযেন পচ্চযো. (১)

৩৫. কুসলো লোকিযো ধম্মো কুসলস্স লোকিযস্স ধম্মস্স আৰম্মণপচ্চযেন পচ্চযো… তীণি.

অকুসলো লোকিযো ধম্মো অকুসলস্স লোকিযস্স ধম্মস্স আৰম্মণপচ্চযেন পচ্চযো… তীণি.

অব্যাকতো লোকিযো ধম্মো অব্যাকতস্স লোকিযস্স ধম্মস্স আৰম্মণপচ্চযেন পচ্চযো… তীণি (সংখিত্তং).

৩৬. হেতুযা সত্ত, আৰম্মণে নৱ, অধিপতিযা নৱ…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

লোকুত্তৰপদং

১-৭. পটিচ্চৱাৰাদি

পচ্চযচতুক্কং

হেতুপচ্চযো

৩৭. কুসলং লোকুত্তৰং ধম্মং পটিচ্চ কুসলো লোকুত্তৰো ধম্মো উপ্পজ্জতি হেতুপচ্চযা. (১)

অব্যাকতং লোকুত্তৰং ধম্মং পটিচ্চ অব্যাকতো লোকুত্তৰো ধম্মো উপ্পজ্জতি হেতুপচ্চযা. (১) (সংখিত্তং.)

৩৮. হেতুযা দ্ৱে, আৰম্মণে দ্ৱে, অধিপতিযা দ্ৱে…পে… অৱিগতে দ্ৱে (সংখিত্তং).

নঅধিপতিযা দ্ৱে (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

হেতুআৰম্মণপচ্চযাদি

৩৯. কুসলো লোকুত্তৰো ধম্মো কুসলস্স লোকুত্তৰস্স ধম্মস্স হেতুপচ্চযেন পচ্চযো. (১)

অব্যাকতো লোকুত্তৰো ধম্মো অব্যাকতস্স লোকুত্তৰস্স ধম্মস্স হেতুপচ্চযেন পচ্চযো. (১)

অব্যাকতো লোকুত্তৰো ধম্মো অব্যাকতস্স লোকুত্তৰস্স ধম্মস্স আৰম্মণপচ্চযেন পচ্চযো. অব্যাকতো লোকুত্তৰো ধম্মো কুসলস্স লোকুত্তৰস্স ধম্মস্স আৰম্মণপচ্চযেন পচ্চযো. (২)

কুসলো লোকুত্তৰো ধম্মো কুসলস্স লোকুত্তৰস্স ধম্মস্স অধিপতিপচ্চযেন পচ্চযো. (১)

অব্যাকতো লোকুত্তৰো ধম্মো অব্যাকতস্স লোকুত্তৰস্স ধম্মস্স অধিপতিপচ্চযেন পচ্চযো. অব্যাকতো লোকুত্তৰো ধম্মো কুসলস্স লোকুত্তৰস্স ধম্মস্স অধিপতিপচ্চযেন পচ্চযো. (২)

কুসলো লোকুত্তৰো ধম্মো অব্যাকতস্স লোকুত্তৰস্স ধম্মস্স অনন্তৰপচ্চযেন পচ্চযো. (১)

অব্যাকতো লোকুত্তৰো ধম্মো অব্যাকতস্স লোকুত্তৰস্স ধম্মস্স অনন্তৰপচ্চযেন পচ্চযো. (১) (সংখিত্তং.)

৪০. হেতুযা দ্ৱে, আৰম্মণে দ্ৱে, অধিপতিযা তীণি, অনন্তৰে দ্ৱে, সমনন্তৰে দ্ৱে, সহজাতে দ্ৱে, অঞ্ঞমঞ্ঞে দ্ৱে, নিস্সযে দ্ৱে, উপনিস্সযে চত্তাৰি…পে… অৱিগতে দ্ৱে (সংখিত্তং).