১-৪. পচ্চযানুলোমাদি

হেতুপচ্চযো

১১৬. উপাদানৱিপ্পযুত্তং উপাদানিযং ধম্মং পটিচ্চ উপাদানৱিপ্পযুত্তো উপাদানিযো ধম্মো উপ্পজ্জতি হেতুপচ্চযা – উপাদানৱিপ্পযুত্তং উপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

উপাদানৱিপ্পযুত্তং অনুপাদানিযং ধম্মং পটিচ্চ উপাদানৱিপ্পযুত্তো অনুপাদানিযো ধম্মো উপ্পজ্জতি হেতুপচ্চযা – উপাদানৱিপ্পযুত্তং অনুপাদানিযং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

উপাদানৱিপ্পযুত্তং অনুপাদানিযং ধম্মং পটিচ্চ উপাদানৱিপ্পযুত্তো উপাদানিযো ধম্মো উপ্পজ্জতি হেতুপচ্চযা – উপাদানৱিপ্পযুত্তে অনুপাদানিযে খন্ধে পটিচ্চ চিত্তসমুট্ঠানং ৰূপং. (২)

উপাদানৱিপ্পযুত্তং অনুপাদানিযং ধম্মং পটিচ্চ উপাদানৱিপ্পযুত্তো উপাদানিযো চ উপাদানৱিপ্পযুত্তো অনুপাদানিযো চ ধম্মা উপ্পজ্জন্তি হেতুপচ্চযা – উপাদানৱিপ্পযুত্তং অনুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

উপাদানৱিপ্পযুত্তং উপাদানিযঞ্চ উপাদানৱিপ্পযুত্তং অনুপাদানিযঞ্চ ধম্মং পটিচ্চ উপাদানৱিপ্পযুত্তো উপাদানিযো ধম্মো উপ্পজ্জতি হেতুপচ্চযা – উপাদানৱিপ্পযুত্তে অনুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

হেতুযা পঞ্চ, আৰম্মণে দ্ৱে…পে… অৱিগতে পঞ্চ.

(ইমং দুকং চূড়ন্তৰদুকে লোকিযদুকসদিসং, নিন্নানাকৰণং.)

উপাদানৱিপ্পযুত্তউপাদানিযদুকং নিট্ঠিতং.

উপাদানগোচ্ছকং নিট্ঠিতং.

ততিযো ভাগো নিট্ঠিতো.