১১. উপাদানগোচ্ছকং

৬৯. উপাদানদুকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. উপাদানং ধম্মং পটিচ্চ উপাদানো ধম্মো উপ্পজ্জতি হেতুপচ্চযা – দিট্ঠুপাদানং পটিচ্চ কামুপাদানং, কামুপাদানং পটিচ্চ দিট্ঠুপাদানং, সীলব্বতুপাদানং পটিচ্চ কামুপাদানং, কামুপাদানং পটিচ্চ সীলব্বতুপাদানং, অত্তৱাদুপাদানং পটিচ্চ কামুপাদানং, কামুপাদানং পটিচ্চ অত্তৱাদুপাদানং. (১)

উপাদানং ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – উপাদানে পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (২)

উপাদানং ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – দিট্ঠুপাদানং পটিচ্চ কামুপাদানং সম্পযুত্তকা চ খন্ধা চিত্তসমুট্ঠানঞ্চ ৰূপং, কামুপাদানং…পে… (সব্বং চক্কং কাতব্বং). (৩)

২. নোউপাদানং ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে নোউপাদানং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

নোউপাদানং ধম্মং পটিচ্চ উপাদানো ধম্মো উপ্পজ্জতি হেতুপচ্চযা – নোউপাদানে খন্ধে পটিচ্চ উপাদানা. (২)

নোউপাদানং ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধং পটিচ্চ তযো খন্ধা উপাদানা চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা উপাদানা চ চিত্তসমুট্ঠানঞ্চ ৰূপং. (৩)

৩. উপাদানঞ্চ নোউপাদানঞ্চ ধম্মং পটিচ্চ উপাদানো ধম্মো উপ্পজ্জতি হেতুপচ্চযা – দিট্ঠুপাদানঞ্চ সম্পযুত্তকে চ খন্ধে পটিচ্চ কামুপাদানং (সব্বে চক্কা কাতব্বা). (১)

উপাদানঞ্চ নোউপাদানঞ্চ ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধঞ্চ উপাদানঞ্চ পটিচ্চ তযো খন্ধা চিত্তসমুট্ঠানঞ্চ ৰূপং, দ্ৱে খন্ধে চ…পে… উপাদানঞ্চ মহাভূতে চ পটিচ্চ চিত্তসমুট্ঠানং ৰূপং. (২)

উপাদানঞ্চ নোউপাদানঞ্চ ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধঞ্চ দিট্ঠুপাদানঞ্চ পটিচ্চ তযো খন্ধা কামুপাদানঞ্চ চিত্তসমুট্ঠানং ৰূপং, দ্ৱে খন্ধে চ…পে… (চক্কং কাতব্বং). (৩)

আৰম্মণপচ্চযো

৪. উপাদানং ধম্মং পটিচ্চ উপাদানো ধম্মো উপ্পজ্জতি আৰম্মণপচ্চযা (নৱপি পঞ্হা কাতব্বা, ৰূপং ছড্ডেতব্বং).

১. পচ্চযানুলোমং

২. সঙ্খ্যাৱাৰো

৫. হেতুযা নৱ, আৰম্মণে নৱ, অধিপতিযা নৱ (সব্বত্থ নৱ), ৱিপাকে একং…পে… অৱিগতে নৱ.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৬. নোউপাদানং ধম্মং পটিচ্চ নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযাদি

৭. উপাদানং ধম্মং পটিচ্চ নোউপাদানো ধম্মো উপ্পজ্জতি নআৰম্মণপচ্চযা – উপাদানে পটিচ্চ চিত্তসমুট্ঠানং ৰূপং. (১)

নোউপাদানং ধম্মং পটিচ্চ নোউপাদানো ধম্মো উপ্পজ্জতি নআৰম্মণপচ্চযা – নোউপাদানে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে নোউপাদানে খন্ধে পটিচ্চ কটত্তাৰূপং, খন্ধে পটিচ্চ ৱত্থু, একং মহাভূতং…পে… (যাৱ অসঞ্ঞসত্তা). (১)

উপাদানঞ্চ নোউপাদানং চ ধম্মং পটিচ্চ নোউপাদানো ধম্মো উপ্পজ্জতি নআৰম্মণপচ্চযা – উপাদানে চ সম্পযুত্তকে চ খন্ধে পটিচ্চ চিত্তসমুট্ঠানং ৰূপং, উপাদানে চ মহাভূতে চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযা… নঅনন্তৰপচ্চযা…পে… নউপনিস্সযপচ্চযা.

নপুৰেজাতপচ্চযো

৮. উপাদানং ধম্মং পটিচ্চ উপাদানো ধম্মো উপ্পজ্জতি নপুৰেজাতপচ্চযা – অৰূপে অত্তৱাদুপাদানং পটিচ্চ কামুপাদানং, কামুপাদানং পটিচ্চ অত্তৱাদুপাদানং. (১)

উপাদানং ধম্মং পটিচ্চ নোউপাদানো ধম্মো উপ্পজ্জতি নপুৰেজাতপচ্চযা – অৰূপে উপাদানে পটিচ্চ সম্পযুত্তকা খন্ধা, উপাদানে পটিচ্চ চিত্তসমুট্ঠানং ৰূপং (সংখিত্তং, নৱপি পঞ্হা অৰূপে দ্ৱে উপাদানা).

২. পচ্চযপচ্চনীযং

২. সঙ্খ্যাৱাৰো

সুদ্ধং

৯. নহেতুযা একং, নআৰম্মণে তীণি, নঅধিপতিযা নৱ, নঅনন্তৰে তীণি…পে… নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.

৩. পচ্চযানুলোমপচ্চনীযং

১০. হেতুপচ্চযা নআৰম্মণে তীণি, নঅধিপতিযা নৱ…পে… নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.

৪. পচ্চযপচ্চনীযানুলোমং

১১. নহেতুপচ্চযা আৰম্মণে একং (সব্বত্থ একং), মগ্গে একং…পে… অৱিগতে একং.

২. সহজাতৱাৰো

(সহজাতৱাৰো পটিচ্চৱাৰসদিসো ৱিভজন্তেন দিট্ঠুপাদানং ‘‘সহজাতং কামুপাদান’’ন্তি কাতব্বং.)

৩. পচ্চযৱাৰো

১-৪. পচ্চযানুলোমাদি

হেতুপচ্চযো

১২. উপাদানং ধম্মং পচ্চযা উপাদানো ধম্মো উপ্পজ্জতি হেতুপচ্চযা – দিট্ঠুপাদানং পচ্চযা কামুপাদানং… তীণি (পটিচ্চসদিসা).

নোউপাদানং ধম্মং পচ্চযা নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পচ্চযা ৱত্থু…পে… (যাৱ অজ্ঝত্তিকা মহাভূতা) ৱত্থুং পচ্চযা নোউপাদানা খন্ধা. (১)

নোউপাদানং ধম্মং পচ্চযা উপাদানো ধম্মো উপ্পজ্জতি হেতুপচ্চযা – নোউপাদানে খন্ধে পচ্চযা উপাদানা, ৱত্থুং পচ্চযা উপাদানা. (২)

নোউপাদানং ধম্মং পচ্চযা উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধং পচ্চযা তযো খন্ধা উপাদানা চ চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱত্থুং পচ্চযা উপাদানা, মহাভূতে পচ্চযা চিত্তসমুট্ঠানং ৰূপং, ৱত্থুং পচ্চযা উপাদানা সম্পযুত্তকা চ খন্ধা. (৩)

১৩. উপাদানঞ্চ নোউপাদানঞ্চ ধম্মং পচ্চযা উপাদানো ধম্মো উপ্পজ্জতি হেতুপচ্চযা – দিট্ঠুপাদানঞ্চ সম্পযুত্তকে চ খন্ধে পচ্চযা কামুপাদানং, কামুপাদানঞ্চ সম্পযুত্তকে চ খন্ধে পচ্চযা দিট্ঠুপাদানং (চক্কং কাতব্বং). দিট্ঠুপাদানঞ্চ ৱত্থুঞ্চ পচ্চযা কামুপাদানং (চক্কং কাতব্বং). (১)

উপাদানঞ্চ নোউপাদানঞ্চ ধম্মং পচ্চযা নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধঞ্চ উপাদানঞ্চ পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে… (চক্কং কাতব্বং). উপাদানে চ মহাভূতে চ পচ্চযা চিত্তসমুট্ঠানং ৰূপং, উপাদানঞ্চ ৱত্থুঞ্চ পচ্চযা নোউপাদানা খন্ধা. (২)

উপাদানঞ্চ নোউপাদানঞ্চ ধম্মং পচ্চযা উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধঞ্চ দিট্ঠুপাদানঞ্চ পচ্চযা তযো খন্ধা কামুপাদানং চিত্তসমুট্ঠানঞ্চ ৰূপং…পে… (চক্কং). দিট্ঠুপাদানঞ্চ ৱত্থুঞ্চ পচ্চযা কামুপাদানং সম্পযুত্তকা চ খন্ধা…পে… (চক্কং). (৩)

আৰম্মণপচ্চযা… (আৰম্মণে নোউপাদানমূলকে পঞ্চাযতনঞ্চ ৱত্থুঞ্চ কাতব্বা).

হেতুযা নৱ, আৰম্মণে নৱ, অধিপতিযা নৱ (সব্বত্থ নৱ), ৱিপাকে একং…পে… অৱিগতে নৱ.

অনুলোমং.

১৪. নোউপাদানং ধম্মং পচ্চযা নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং পচ্চযা…পে… অহেতুকপটিসন্ধিক্খণে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা নোউপাদানা খন্ধা, ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো.

নহেতুযা একং, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি…পে… নপুৰেজাতে নৱ…পে… নকম্মে তীণি, নৱিপাকে নৱ (পটিচ্চসদিসং)…পে… নোৱিগতে তীণি.

পচ্চনীযং.

৪. নিস্সযৱাৰো

(এৱং ইতৰে দ্ৱে গণনাপি নিস্সযৱাৰোপি কাতব্বো.)

৫. সংসট্ঠৱাৰো

১-৪. পচ্চযানুলোমাদি

হেতুপচ্চযো

১৫. উপাদানং ধম্মং সংসট্ঠো উপাদানো ধম্মো উপ্পজ্জতি হেতুপচ্চযা – দিট্ঠুপাদানং সংসট্ঠং কামুপাদানং, কামুপাদানং সংসট্ঠং দিট্ঠুপাদানং (চক্কং. এৱং নৱপি পঞ্হা কাতব্বা).

হেতুযা নৱ, আৰম্মণে নৱ, অধিপতিযা নৱ (সব্বত্থ নৱ), ৱিপাকে একং…পে… ৱিগতে নৱ, অৱিগতে নৱ.

অনুলোমং.

১৬. নোউপাদানং ধম্মং সংসট্ঠো নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং সংসট্ঠা তযো খন্ধা…পে… দ্ৱে খন্ধে…পে… অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে সংসট্ঠো ৱিচিকিচ্ছাসহগতো উদ্ধচ্চসহগতো মোহো.

নহেতুযা একং, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নঝানে একং, নমগ্গে একং, নৱিপ্পযুত্তে নৱ.

পচ্চনীযং.

৬. সম্পযুত্তৱাৰো

(এৱং ইতৰে দ্ৱে গণনাপি সম্পযুত্তৱাৰোপি কাতব্বো.)

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১৭. উপাদানো ধম্মো উপাদানস্স ধম্মস্স হেতুপচ্চযেন পচ্চযো – উপাদানা হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) উপাদানা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (মূলং কাতব্বং) উপাদানা হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং ৰূপানং হেতুপচ্চযেন পচ্চযো. (৩)

১৮. নোউপাদানো ধম্মো নোউপাদানস্স ধম্মস্স হেতুপচ্চযেন পচ্চযো – নোউপাদানা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

নোউপাদানো ধম্মো উপাদানস্স ধম্মস্স হেতুপচ্চযেন পচ্চযো – নোউপাদানা হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) নোউপাদানা হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং ৰূপানং হেতুপচ্চযেন পচ্চযো. (৩)

১৯. উপাদানো চ নোউপাদানো চ ধম্মা উপাদানস্স ধম্মস্স হেতুপচ্চযেন পচ্চযো – উপাদানা চ নোউপাদানা চ হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) উপাদানা চ নোউপাদানা চ হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (মূলং কাতব্বং) উপাদানা চ নোউপাদানা চ হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং ৰূপানং হেতুপচ্চযেন পচ্চযো. (৩)

আৰম্মণপচ্চযো

২০. উপাদানো ধম্মো উপাদানস্স ধম্মস্স আৰম্মণপচ্চযেন পচ্চযো – উপাদানে আৰব্ভ উপাদানা উপ্পজ্জন্তি… তীণি (আৰব্ভ কাতব্বা).

নোউপাদানো ধম্মো নোউপাদানস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি; ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৱুট্ঠহিত্ৱা ঝানং পচ্চৱেক্খতি, অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা নোউপাদানে পহীনে কিলেসে …পে… ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে…পে… চক্খুং…পে… ৱত্থুং নোউপাদানে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন নোউপাদানচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নোউপাদানা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি; পুব্বে সুচিণ্ণানি…পে… ঝানা…পে… চক্খুং…পে… ৱত্থুং নোউপাদানে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি. (২)

নোউপাদানো ধম্মো উপাদানস্স চ নোউপাদানস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা…পে… পুব্বে সুচিণ্ণানি …পে… ঝানা ৱুট্ঠহিত্ৱা ঝানং…পে… চক্খুং…পে… ৱত্থুং নোউপাদানে খন্ধে অস্সাদেতি অভিনন্দতি, তং আৰব্ভ উপাদানা চ সম্পযুত্তকা চ খন্ধা উপ্পজ্জন্তি. (৩)

উপাদানো চ নোউপাদানো চ ধম্মা উপাদানস্স ধম্মস্স আৰম্মণপচ্চযেন পচ্চযো… তীণি (আৰব্ভ কাতব্বা).

অধিপতিপচ্চযো

২১. উপাদানো ধম্মো উপাদানস্স ধম্মস্স অধিপতিপচ্চযেন পচ্চযো. আৰম্মণাধিপতি – উপাদানে গৰুং কত্ৱা উপাদানা উপ্পজ্জন্তি… তীণি (আৰম্মণাধিপতিযেৱ).

২২. নোউপাদানো ধম্মো নোউপাদানস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… উপোসথকম্মং…পে… পুব্বে…পে… ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অস্সাদেতি অভিনন্দতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি…পে… ফলস্স অধিপতিপচ্চযেন পচ্চযো; চক্খুং…পে… ৱত্থুং নোউপাদানে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোউপাদানাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি; পুব্বে…পে… ঝানা…পে… চক্খুং…পে… ৱত্থুং নোউপাদানে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোউপাদানাধিপতি সম্পযুত্তকানং উপাদানানং অধিপতিপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানং…পে… চক্খুং…পে… ৱত্থুং নোউপাদানে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা উপাদানা চ সম্পযুত্তকা চ খন্ধা উপ্পজ্জন্তি. সহজাতাধিপতি – নোউপাদানাধিপতি সম্পযুত্তকানং খন্ধানং উপাদানানঞ্চ চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

উপাদানো চ নোউপাদানো চ ধম্মা উপাদানস্স ধম্মস্স অধিপতিপচ্চযেন পচ্চযো… তীণি… আৰম্মণাধিপতি… তীণি (আৰব্ভ কাতব্বা, আৰম্মণাধিপতিযেৱ).

অনন্তৰপচ্চযাদি

২৩. উপাদানো ধম্মো উপাদানস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপাদানা পচ্ছিমানং পচ্ছিমানং উপাদানানং অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা উপাদানা পচ্ছিমানং পচ্ছিমানং নোউপাদানানং খন্ধানং অনন্তৰপচ্চযেন পচ্চযো; উপাদানং ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা উপাদানা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

২৪. নোউপাদানো ধম্মো নোউপাদানস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোউপাদানা খন্ধা পচ্ছিমানং পচ্ছিমানং নোউপাদানানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোউপাদানা খন্ধা পচ্ছিমানং পচ্ছিমানং উপাদানানং খন্ধানং অনন্তৰপচ্চযেন পচ্চযো; আৱজ্জনা উপাদানানং অনন্তৰপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা নোউপাদানা খন্ধা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তৰপচ্চযেন পচ্চযো; আৱজ্জনা উপাদানানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

২৫. উপাদানো চ নোউপাদানো চ ধম্মা উপাদানস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং উপাদানানং অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং নোউপাদানানং খন্ধানং অনন্তৰপচ্চযেন পচ্চযো; উপাদানা চ সম্পযুত্তকা চ খন্ধা ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… সহজাতপচ্চযেন পচ্চযো (পটিচ্চসদিসং)… অঞ্ঞমঞ্ঞপচ্চযেন পচ্চযো (পটিচ্চসদিসং)… নিস্সযপচ্চযেন পচ্চযো (পচ্চযসদিসং).

উপনিস্সযপচ্চযো

২৬. উপাদানো ধম্মো উপাদানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – উপাদানা উপাদানানং উপনিস্সযপচ্চযেন পচ্চযো… তীণি.

২৭. নোউপাদানো ধম্মো নোউপাদানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং… ৰাগং…পে… পত্থনং… কাযিকং সুখং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; পাণং হনতি…পে… সঙ্ঘং ভিন্দতি, সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স উপনিস্সযপচ্চযেন পচ্চযো. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায অদিন্নং…পে… মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি; সদ্ধা…পে… সেনাসনং উপাদানানং উপনিস্সযপচ্চযেন পচ্চযো. (মূলং কাতব্বং) সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায অদিন্নং আদিযতি, মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি; সদ্ধা…পে… সেনাসনং উপাদানানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

উপাদানো চ নোউপাদানো চ ধম্মা উপাদানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো… তীণি.

পুৰেজাতপচ্চযো

২৮. নোউপাদানো ধম্মো নোউপাদানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নোউপাদানানং খন্ধানং পুৰেজাতপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি. ৱত্থুপুৰেজাতং – ৱত্থু উপাদানানং পুৰেজাতপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ উপাদানা চ সম্পযুত্তকা চ খন্ধা উপ্পজ্জন্তি. ৱত্থুপুৰেজাতং – ৱত্থু উপাদানানং সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

পচ্ছাজাতাসেৱনপচ্চযা

২৯. উপাদানো ধম্মো নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

নোউপাদানো ধম্মো নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানো চ নোউপাদানো চ ধম্মা নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১) …আসেৱনপচ্চযেন পচ্চযো.

কম্মপচ্চযো

৩০. নোউপাদানো ধম্মো নোউপাদানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোউপাদানা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোউপাদানা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স কম্মপচ্চযেন পচ্চযো – নোউপাদানা চেতনা সম্পযুত্তকানং উপাদানানং কম্মপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স কম্মপচ্চযেন পচ্চযো – নোউপাদানা চেতনা সম্পযুত্তকানং খন্ধানং উপাদানানঞ্চ চিত্তসমুট্ঠানানং ৰূপানং কম্মপচ্চযেন পচ্চযো. (৩)

ৱিপাকপচ্চযাদি

৩১. নোউপাদানো ধম্মো নোউপাদানস্স ধম্মস্স ৱিপাকপচ্চযেন পচ্চযো – ৱিপাকো নোউপাদানো একো খন্ধো…পে… একং.

নোউপাদানো ধম্মো নোউপাদানস্স ধম্মস্স আহাৰপচ্চযেন পচ্চযো… তীণি (একোযেৱ কবড়ীকাৰো আহাৰো)… ইন্দ্ৰিযপচ্চযেন পচ্চযো… তীণি (ৰূপজীৱিতিন্দ্ৰিযং একংযেৱ)… ঝানপচ্চযেন পচ্চযো… তীণি.

উপাদানো ধম্মো উপাদানস্স ধম্মস্স মগ্গপচ্চযেন পচ্চযো – উপাদানানি মগ্গঙ্গানি সম্পযুত্তকানং উপাদানানং মগ্গপচ্চযেন পচ্চযো (ইমিনা কাৰণেন নৱ পঞ্হা কাতব্বা)… সম্পযুত্তপচ্চযেন পচ্চযো… নৱ.

ৱিপ্পযুত্তপচ্চযো

৩২. উপাদানো ধম্মো নোউপাদানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উপাদানা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতং – পচ্ছাজাতা উপাদানা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নোউপাদানো ধম্মো নোউপাদানস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

নোউপাদানো ধম্মো উপাদানস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু উপাদানানং ৱিপ্পযুত্তপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু উপাদানানং সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

৩৩. উপাদানো চ নোউপাদানো চ ধম্মা নোউপাদানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উপাদানা চ সম্পযুত্তকা চ খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযো

৩৪. উপাদানো ধম্মো উপাদানস্স ধম্মস্স অত্থিপচ্চযেন পচ্চযো – দিট্ঠুপাদানং কামুপাদানস্স অত্থিপচ্চযেন পচ্চযো (চক্কং). (১)

উপাদানো ধম্মো নোউপাদানস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – উপাদানা সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পচ্ছাজাতা – উপাদানা পুৰেজাতস্স ইমস্স কাযস্স অত্থিপচ্চযেন পচ্চযো. (২)

উপাদানো ধম্মো উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো (সংখিত্তং, পটিচ্চসদিসং). (৩)

৩৫. নোউপাদানো ধম্মো নোউপাদানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং, ৱিত্থাৰেতব্বং). (১)

নোউপাদানো ধম্মো উপাদানস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং (সহজাতসদিসং). পুৰেজাতং (পুৰেজাতসদিসং). (২)

নোউপাদানো ধম্মো উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং, সহজাতসদিসং সহজাতং ৱিভজিতব্বং, পুৰেজাতসদিসং পুৰেজাতং). (৩)

৩৬. উপাদানো চ নোউপাদানো চ ধম্মা উপাদানস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – দিট্ঠুপাদানঞ্চ সম্পযুত্তকা চ খন্ধা কামুপাদানস্স অত্থিপচ্চযেন পচ্চযো (চক্কং). সহজাতং – দিট্ঠুপাদানঞ্চ ৱত্থু চ কামুপাদানস্স অত্থিপচ্চযেন পচ্চযো (চক্কং). (১)

উপাদানো চ নোউপাদানো চ ধম্মা নোউপাদানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নোউপাদানো একো খন্ধো চ উপাদানা চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতা – উপাদানা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – উপাদানা চ ৱত্থু চ নোউপাদানানং খন্ধানং অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

উপাদানো চ নোউপাদানো চ ধম্মা উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নোউপাদানো একো খন্ধো চ দিট্ঠুপাদানঞ্চ তিণ্ণন্নং খন্ধানং কামুপাদানস্স চ চিত্তসমুট্ঠানানং ৰূপানং অত্থিপচ্চযেন পচ্চযো…পে… দ্ৱে খন্ধা চ…পে… (চক্কং). সহজাতং – দিট্ঠুপাদানঞ্চ ৱত্থু চ কামুপাদানস্স সম্পযুত্তকানঞ্চ খন্ধানং অত্থিপচ্চযেন পচ্চযো (চক্কং). (৩)

১. পচ্চযানুলোমং

২. সঙ্খ্যাৱাৰো

সুদ্ধং

৩৭. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে তীণি, ৱিপাকে একং, আহাৰে তীণি, ইন্দ্ৰিযে তীণি, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.

অনুলোমং.

২. পচ্চনীযুদ্ধাৰো

৩৮. উপাদানো ধম্মো উপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

উপাদানো ধম্মো নোউপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

উপাদানো ধম্মো উপাদানস্স চ নোউপাদানস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৩৯. নোউপাদানো ধম্মো নোউপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

৪০. উপাদানো চ নোউপাদানো চ ধম্মা উপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

উপাদানো চ নোউপাদানো চ ধম্মা নোউপাদানস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

উপাদানো চ নোউপাদানো চ ধম্মা উপাদানস্স চ নোউপাদানস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)