২. সঙ্খ্যাৱাৰো

সুদ্ধং

৩১. হেতুযা সত্ত, আৰম্মণে ছ, অধিপতিযা অট্ঠ, অনন্তৰে সত্ত, সমনন্তৰে সত্ত, সহজাতে নৱ, অঞ্ঞমঞ্ঞে তীণি, নিস্সযে তেৰস, উপনিস্সযে অট্ঠ, পুৰেজাতে তীণি, পচ্ছাজাতে তীণি, আসেৱনে তীণি, কম্মে সত্ত, ৱিপাকে চত্তাৰি, আহাৰে সত্ত, ইন্দ্ৰিযে সত্ত, ঝানে সত্ত, মগ্গে সত্ত, সম্পযুত্তে তীণি, ৱিপ্পযুত্তে পঞ্চ, অত্থিযা তেৰস, নত্থিযা সত্ত, ৱিগতে সত্ত, অৱিগতে তেৰস.

হেতুসভাগং

হেতুপচ্চযা অধিপতিযা চত্তাৰি, সহজাতে সত্ত, অঞ্ঞমঞ্ঞে তীণি, নিস্সযে সত্ত, ৱিপাকে চত্তাৰি, ইন্দ্ৰিযে চত্তাৰি, মগ্গে চত্তাৰি, সম্পযুত্তে তীণি, ৱিপ্পযুত্তে তীণি, অত্থিযা সত্ত, অৱিগতে সত্ত.

হেতুসামঞ্ঞঘটনা (৯)

৩২. হেতু-সহজাত-নিস্সয-অত্থি-অৱিগতন্তি সত্ত. হেতু-সহজাত-অঞ্ঞমঞ্ঞ-নিস্সযঅত্থি-অৱিগতন্তি তীণি. হেতু-সহজাত-অঞ্ঞমঞ্ঞ-নিস্সয-সম্পযুত্ত-অত্থি-অৱিগতন্তি তীণি. হেতু-সহজাত-নিস্সয-ৱিপ্পযুত্ত-অত্থি-অৱিগতন্তি তীণি. (অৱিপাকং – ৪)

হেতু-সহজাত-নিস্সয-ৱিপাক-অত্থি-অৱিগতন্তি চত্তাৰি. হেতু-সহজাত-অঞ্ঞমঞ্ঞনিস্সয-ৱিপাক-অত্থি-অৱিগতন্তি দ্ৱে. হেতু-সহজাত-অঞ্ঞমঞ্ঞ-নিস্সয-ৱিপাকসম্পযুত্ত-অত্থি-অৱিগতন্তি দ্ৱে. হেতু-সহজাত-নিস্সয-ৱিপাক-ৱিপ্পযুত্ত-অত্থি-অৱিগতন্তি দ্ৱে. হেতু-সহজাত-অঞ্ঞমঞ্ঞ-নিস্সয-ৱিপাক-ৱিপ্পযুত্ত-অত্থি-অৱিগতন্তি একং. (সৱিপাকং – ৫) (সংখিত্তং.)

(যথা কুসলত্তিকে, এৱং ৱিত্থাৰেতব্বং).

অনুলোমং.

পচ্চনীযুদ্ধাৰো

৩৩. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

সংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো. (৩)

সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স চ অসংকিলিট্ঠসংকিলেসিকস্স চ ধম্মস্স সহজাতপচ্চযেন পচ্চযো. (৪)

৩৪. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স সহজাতপচ্চযেন পচ্চযো. (৩)

অসংকিলিট্ঠসংকিলেসিকো চ অসংকিলিট্ঠঅসংকিলেসিকো চ ধম্মা অসংকিলিট্ঠসংকিলেসিকস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (১)

অসংকিলিট্ঠসংকিলেসিকো চ অসংকিলিট্ঠঅসংকিলেসিকো চ ধম্মা অসংকিলিট্ঠঅসংকিলেসিকস্স ধম্মস্স সহজাতং, পুৰেজাতং. (২)

সংকিলিট্ঠসংকিলেসিকো চ অসংকিলিট্ঠসংকিলেসিকো চ ধম্মা সংকিলিট্ঠসংকিলেসিকস্স ধম্মস্স সহজাতং, পুৰেজাতং. (১)

সংকিলিট্ঠসংকিলেসিকো চ অসংকিলিট্ঠসংকিলেসিকো চ ধম্মা অসংকিলিট্ঠসংকিলেসিকস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (২)