নমো তস্স ভগৱতো অৰহতো সম্মাসম্বুদ্ধস্স

অভিধম্মপিটকে

পট্ঠানপাড়ি

(পঠমো ভাগো)

ধম্মানুলোমে

তিকপট্ঠানং

(১) পচ্চযুদ্দেসো

হেতুপচ্চযো, আৰম্মণপচ্চযো, অধিপতিপচ্চযো, অনন্তৰপচ্চযো, সমনন্তৰপচ্চযো, সহজাতপচ্চযো, অঞ্ঞমঞ্ঞপচ্চযো, নিস্সযপচ্চযো, উপনিস্সযপচ্চযো, পুৰেজাতপচ্চযো, পচ্ছাজাতপচ্চযো, আসেৱনপচ্চযো, কম্মপচ্চযো, ৱিপাকপচ্চযো, আহাৰপচ্চযো, ইন্দ্ৰিযপচ্চযো, ঝানপচ্চযো, মগ্গপচ্চযো, সম্পযুত্তপচ্চযো, ৱিপ্পযুত্তপচ্চযো, অত্থিপচ্চযো, নত্থিপচ্চযো, ৱিগতপচ্চযো, অৱিগতপচ্চযোতি.

(২) পচ্চযনিদ্দেসো

১. হেতুপচ্চযোতি – হেতূ হেতুসম্পযুত্তকানং ধম্মানং তংসমুট্ঠানানঞ্চ ৰূপানং হেতুপচ্চযেন পচ্চযো [পচ্চযোতি (স্যা.)].

২. আৰম্মণপচ্চযোতি – ৰূপাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. সদ্দাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. গন্ধাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. ৰসাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. ফোট্ঠব্বাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. ৰূপাযতনং সদ্দাযতনং গন্ধাযতনং ৰসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো. সব্বে ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং আৰম্মণপচ্চযেন পচ্চযো.

যং যং ধম্মং আৰব্ভ যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং আৰম্মণপচ্চযেন পচ্চযো.

৩. অধিপতিপচ্চযোতি – ছন্দাধিপতি ছন্দসম্পযুত্তকানং ধম্মানং তংসমুট্ঠানানঞ্চ ৰূপানং অধিপতিপচ্চযেন পচ্চযো. ৱীৰিযাধিপতি ৱীৰিযসম্পযুত্তকানং ধম্মানং তংসমুট্ঠানানঞ্চ ৰূপানং অধিপতিপচ্চযেন পচ্চযো. চিত্তাধিপতি চিত্তসম্পযুত্তকানং ধম্মানং তংসমুট্ঠানানঞ্চ ৰূপানং অধিপতিপচ্চযেন পচ্চযো. ৱীমংসাধিপতি ৱীমংসসম্পযুত্তকানং ধম্মানং তংসমুট্ঠানানঞ্চ ৰূপানং অধিপতিপচ্চযেন পচ্চযো.

যং যং ধম্মং গৰুং কত্ৱা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অধিপতিপচ্চযেন পচ্চযো.

৪. অনন্তৰপচ্চযোতি – চক্খুৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো.

সোতৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো.

ঘানৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো.

জিৱ্হাৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো.

কাযৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং অনন্তৰপচ্চযেন পচ্চযো.

পুৰিমা পুৰিমা কুসলা ধম্মা পচ্ছিমানং পচ্ছিমানং কুসলানং ধম্মানং অনন্তৰপচ্চযেন পচ্চযো. পুৰিমা পুৰিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তৰপচ্চযেন পচ্চযো.

পুৰিমা পুৰিমা অকুসলা ধম্মা পচ্ছিমানং পচ্ছিমানং অকুসলানং ধম্মানং অনন্তৰপচ্চযেন পচ্চযো. পুৰিমা পুৰিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তৰপচ্চযেন পচ্চযো.

পুৰিমা পুৰিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং অনন্তৰপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং অনন্তৰপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং অনন্তৰপচ্চযেন পচ্চযো.

যেসং যেসং ধম্মানং অনন্তৰা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অনন্তৰপচ্চযেন পচ্চযো.

৫. সমনন্তৰপচ্চযোতি – চক্খুৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো.

সোতৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো.

ঘাণৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো.

জিৱ্হাৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো.

কাযৱিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো. মনোধাতু তংসম্পযুত্তকা চ ধম্মা মনোৱিঞ্ঞাণধাতুযা তংসম্পযুত্তকানঞ্চ ধম্মানং সমনন্তৰপচ্চযেন পচ্চযো.

পুৰিমা পুৰিমা কুসলা ধম্মা পচ্ছিমানং পচ্ছিমানং কুসলানং ধম্মানং সমনন্তৰপচ্চযেন পচ্চযো. পুৰিমা পুৰিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তৰপচ্চযেন পচ্চযো.

পুৰিমা পুৰিমা অকুসলা ধম্মা পচ্ছিমানং পচ্ছিমানং অকুসলানং ধম্মানং সমনন্তৰপচ্চযেন পচ্চযো. পুৰিমা পুৰিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তৰপচ্চযেন পচ্চযো.

পুৰিমা পুৰিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং সমনন্তৰপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং সমনন্তৰপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং সমনন্তৰপচ্চযেন পচ্চযো.

যেসং যেসং ধম্মানং সমনন্তৰা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং সমনন্তৰপচ্চযেন পচ্চযো.

৬. সহজাতপচ্চযোতি – চত্তাৰো খন্ধা অৰূপিনো অঞ্ঞমঞ্ঞং সহজাতপচ্চযেন পচ্চযো. চত্তাৰো মহাভূতা অঞ্ঞমঞ্ঞং সহজাতপচ্চযেন পচ্চযো. ওক্কন্তিক্খণে নামৰূপং অঞ্ঞমঞ্ঞং সহজাতপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং ৰূপানং সহজাতপচ্চযেন পচ্চযো. মহাভূতা উপাদাৰূপানং সহজাতপচ্চযেন পচ্চযো. ৰূপিনো ধম্মা অৰূপীনং ধম্মানং কিঞ্চি কালে [কঞ্চি কালং (স্যা.)] সহজাতপচ্চযেন পচ্চযো, কিঞ্চি কালে ন সহজাতপচ্চযেন পচ্চযো.

৭. অঞ্ঞমঞ্ঞপচ্চযোতি – চত্তাৰো খন্ধা অৰূপিনো অঞ্ঞমঞ্ঞপচ্চযেন পচ্চযো. চত্তাৰো মহাভূতা অঞ্ঞমঞ্ঞপচ্চযেন পচ্চযো. ওক্কন্তিক্খণে নামৰূপং অঞ্ঞমঞ্ঞপচ্চযেন পচ্চযো.

৮. নিস্সযপচ্চযোতি – চত্তাৰো খন্ধা অৰূপিনো অঞ্ঞমঞ্ঞং নিস্সযপচ্চযেন পচ্চযো. চত্তাৰো মহাভূতা অঞ্ঞমঞ্ঞং নিস্সযপচ্চযেন পচ্চযো. ওক্কন্তিক্খণে নামৰূপং অঞ্ঞমঞ্ঞং নিস্সযপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং ৰূপানং নিস্সযপচ্চযেন পচ্চযো. মহাভূতা উপাদাৰূপানং নিস্সযপচ্চযেন পচ্চযো.

চক্খাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. সোতাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. ঘানাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. জিৱ্হাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. কাযাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. যং ৰূপং নিস্সায মনোধাতু চ মনোৱিঞ্ঞাণধাতু চ ৱত্তন্তি, তং ৰূপং মনোধাতুযা চ মনোৱিঞ্ঞাণধাতুযা চ তংসম্পযুত্তকানঞ্চ ধম্মানং নিস্সযপচ্চযেন পচ্চযো.

৯. উপনিস্সযপচ্চযোতি – পুৰিমা পুৰিমা কুসলা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো. পুৰিমা পুৰিমা কুসলা ধম্মা পচ্ছিমানং পচ্ছিমানং অকুসলানং ধম্মানং কেসঞ্চি উপনিস্সযপচ্চযেন পচ্চযো. পুৰিমা পুৰিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো.

পুৰিমা পুৰিমা অকুসলা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো. পুৰিমা পুৰিমা অকুসলা ধম্মা পচ্ছিমানং পচ্ছিমানং কুসলানং ধম্মানং কেসঞ্চি উপনিস্সযপচ্চযেন পচ্চযো. পুৰিমা পুৰিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো.

পুৰিমা পুৰিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো. পুৰিমা পুৰিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো.

উতুভোজনম্পি উপনিস্সযপচ্চযেন পচ্চযো. পুগ্গলোপি উপনিস্সযপচ্চযেন পচ্চযো. সেনাসনম্পি উপনিস্সযপচ্চযেন পচ্চযো.

১০. পুৰেজাতপচ্চযোতি – চক্খাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. সোতাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. ঘানাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. জিৱ্হাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. কাযাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো.

ৰূপাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. সদ্দাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. গন্ধাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. ৰসাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. ফোট্ঠব্বাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. ৰূপাযতনং সদ্দাযতনং গন্ধাযতনং ৰসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো.

যং ৰূপং নিস্সায মনোধাতু চ মনোৱিঞ্ঞাণধাতু চ ৱত্তন্তি, তং ৰূপং মনোধাতুযা তংসম্পযুত্তকানঞ্চ ধম্মানং পুৰেজাতপচ্চযেন পচ্চযো. মনোৱিঞ্ঞাণধাতুযা তংসম্পযুত্তকানঞ্চ ধম্মানং কিঞ্চি কালে পুৰেজাতপচ্চযেন পচ্চযো, কিঞ্চি কালে ন পুৰেজাতপচ্চযেন পচ্চযো.

১১. পচ্ছাজাতপচ্চযোতি – পচ্ছাজাতা চিত্তচেতসিকা ধম্মা পুৰেজাতস্স ইমস্স কাযস্স পচ্ছাজাতপচ্চযেন পচ্চযো.

১২. আসেৱনপচ্চযোতি – পুৰিমা পুৰিমা কুসলা ধম্মা পচ্ছিমানং পচ্ছিমানং কুসলানং ধম্মানং আসেৱনপচ্চযেন পচ্চযো. পুৰিমা পুৰিমা অকুসলা ধম্মা পচ্ছিমানং পচ্ছিমানং অকুসলানং ধম্মানং আসেৱনপচ্চযেন পচ্চযো. পুৰিমা পুৰিমা কিৰিযাব্যাকতা ধম্মা পচ্ছিমানং পচ্ছিমানং কিৰিযাব্যাকতানং ধম্মানং আসেৱনপচ্চযেন পচ্চযো.

১৩. কম্মপচ্চযোতি – কুসলাকুসলং কম্মং ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. চেতনা সম্পযুত্তকানং ধম্মানং তংসমুট্ঠানানঞ্চ ৰূপানং কম্মপচ্চযেন পচ্চযো.

১৪. ৱিপাকপচ্চযোতি – ৱিপাকা চত্তাৰো খন্ধা অৰূপিনো অঞ্ঞমঞ্ঞং ৱিপাকপচ্চযেন পচ্চযো.

১৫. আহাৰপচ্চযোতি – কবড়ীকাৰো [কবড়িঙ্কাৰো (ক. সী. স্যা.)] আহাৰো ইমস্স কাযস্স আহাৰপচ্চযেন পচ্চযো. অৰূপিনো আহাৰা সম্পযুত্তকানং ধম্মানং তংসমুট্ঠানানঞ্চ ৰূপানং আহাৰপচ্চযেন পচ্চযো.

১৬. ইন্দ্ৰিযপচ্চযোতি – চক্খুন্দ্ৰিযং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং ইন্দ্ৰিযপচ্চযেন পচ্চযো. সোতিন্দ্ৰিযং সোতৱিঞ্ঞাণধাতুযা তংসম্পযুত্তকানঞ্চ ধম্মানং ইন্দ্ৰিযপচ্চযেন পচ্চযো. ঘানিন্দ্ৰিযং ঘানৱিঞ্ঞাণধাতুযা তংসম্পযুত্তকানঞ্চ ধম্মানং ইন্দ্ৰিযপচ্চযেন পচ্চযো. জিৱ্হিন্দ্ৰিযং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং ইন্দ্ৰিযপচ্চযেন পচ্চযো. কাযিন্দ্ৰিযং কাযৱিঞ্ঞাণধাতুযা তংসম্পযুত্তকানঞ্চ ধম্মানং ইন্দ্ৰিযপচ্চযেন পচ্চযো. ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো.

অৰূপিনো ইন্দ্ৰিযা সম্পযুত্তকানং ধম্মানং তংসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো.

১৭. ঝানপচ্চযোতি – ঝানঙ্গানি ঝানসম্পযুত্তকানং ধম্মানং তংসমুট্ঠানানঞ্চ ৰূপানং ঝানপচ্চযেন পচ্চযো.

১৮. মগ্গপচ্চযোতি – মগ্গঙ্গানি মগ্গসম্পযুত্তকানং ধম্মানং তংসমুট্ঠানানঞ্চ ৰূপানং মগ্গপচ্চযেন পচ্চযো.

১৯. সম্পযুত্তপচ্চযোতি – চত্তাৰো খন্ধা অৰূপিনো অঞ্ঞমঞ্ঞং সম্পযুত্তপচ্চযেন পচ্চযো.

২০. ৱিপ্পযুত্তপচ্চযোতি – ৰূপিনো ধম্মা অৰূপীনং ধম্মানং ৱিপ্পযুত্তপচ্চযেন পচ্চযো. অৰূপিনো ধম্মা ৰূপীনং ধম্মানং ৱিপ্পযুত্তপচ্চযেন পচ্চযো.

২১. অত্থিপচ্চযোতি – চত্তাৰো খন্ধা অৰূপিনো অঞ্ঞমঞ্ঞং অত্থিপচ্চযেন পচ্চযো. চত্তাৰো মহাভূতা অঞ্ঞমঞ্ঞং অত্থিপচ্চযেন পচ্চযো. ওক্কন্তিক্খণে নামৰূপং অঞ্ঞমঞ্ঞং অত্থিপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং ৰূপানং অত্থিপচ্চযেন পচ্চযো. মহাভূতা উপাদাৰূপানং অত্থিপচ্চযেন পচ্চযো.

চক্খাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. সোতাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ঘানাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. জিৱ্হাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. কাযাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো.

ৰূপাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. সদ্দাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. গন্ধাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ৰসাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ফোট্ঠব্বাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ৰূপাযতনং সদ্দাযতনং গন্ধাযতনং ৰসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো.

যং ৰূপং নিস্সায মনোধাতু চ মনোৱিঞ্ঞাণধাতু চ ৱত্তন্তি, তং ৰূপং মনোধাতুযা চ মনোৱিঞ্ঞাণধাতুযা চ তংসম্পযুত্তকানঞ্চ ধম্মানং অত্থিপচ্চযেন পচ্চযো.

২২. নত্থিপচ্চযোতি – সমনন্তৰনিৰুদ্ধা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং নত্থিপচ্চযেন পচ্চযো.

২৩. ৱিগতপচ্চযোতি – সমনন্তৰৱিগতা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং ৱিগতপচ্চযেন পচ্চযো.

২৪. অৱিগতপচ্চযোতি – চত্তাৰো খন্ধা অৰূপিনো অঞ্ঞমঞ্ঞং অৱিগতপচ্চযেন পচ্চযো. চত্তাৰো মহাভূতা অঞ্ঞমঞ্ঞং অৱিগতপচ্চযেন পচ্চযো. ওক্কন্তিক্খণে নামৰূপং অঞ্ঞমঞ্ঞং অৱিগতপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং ৰূপানং অৱিগতপচ্চযেন পচ্চযো. মহাভূতা উপাদাৰূপানং অৱিগতপচ্চযেন পচ্চযো.

চক্খাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. সোতাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. ঘানাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. জিৱ্হাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. কাযাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো.

ৰূপাযতনং চক্খুৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. সদ্দাযতনং সোতৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. গন্ধাযতনং ঘানৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. ৰসাযতনং জিৱ্হাৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. ফোট্ঠব্বাযতনং কাযৱিঞ্ঞাণধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো. ৰূপাযতনং সদ্দাযতনং গন্ধাযতনং ৰসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অৱিগতপচ্চযেন পচ্চযো.

যং ৰূপং নিস্সায মনোধাতু চ মনোৱিঞ্ঞাণধাতু চ ৱত্তন্তি, তং ৰূপং মনোধাতুযা চ মনোৱিঞ্ঞাণধাতুযা চ তংসম্পযুত্তকানঞ্চ ধম্মানং অৱিগতপচ্চযেন পচ্চযো.

পচ্চযনিদ্দেসো.

৩. পুচ্ছাৱাৰো

১. পচ্চযানুলোমং

একমূলকং

(১.) কুসলপদং

২৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(২) অকুসলপদং

২৬. সিযা অকুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৩) অব্যাকতপদং

২৭. সিযা অব্যাকতং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৪) কুসলাব্যাকতপদং

২৮. সিযা কুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৫) অকুসলাব্যাকতপদং

২৯. সিযা অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৬) কুসলাকুসলপদং

৩০. সিযা কুসলঞ্চ অকুসলঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৭) কুসলাকুসলাব্যাকতপদং

৩১. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

হেতুপচ্চযৱাৰো.

৩২. সিযা কুসলং ধম্মং পটিচ্চ কুসলো ধম্মো উপ্পজ্জেয্য আৰম্মণপচ্চযা.

(যথা হেতুপচ্চযো ৱিত্থাৰিতো, এৱং আৰম্মণপচ্চযোপি ৱিত্থাৰেতব্বো ৱাচনামগ্গেন.)

৩৩. সিযা কুসলং ধম্মং পটিচ্চ কুসলো ধম্মো উপ্পজ্জেয্য অধিপতিপচ্চযা… অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা… পচ্ছাজাতপচ্চযা… আসেৱনপচ্চযা… কম্মপচ্চযা… ৱিপাকপচ্চযা… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা.

৩৪. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৱিগতপচ্চযা…পে… অকুসলং ধম্মং পটিচ্চ… অব্যাকতং ধম্মং পটিচ্চ… কুসলঞ্চ অব্যাকতঞ্চ ধম্মং পটিচ্চ… অকুসলঞ্চ অব্যাকতঞ্চ ধম্মং পটিচ্চ… কুসলঞ্চ অকুসলঞ্চ ধম্মং পটিচ্চ… কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য… অকুসলো ধম্মো উপ্পজ্জেয্য… অব্যাকতো ধম্মো উপ্পজ্জেয্য… কুসলো চ অব্যাকতো চ ধম্মা উপ্পজ্জেয্যুং… অকুসলো চ অব্যাকতো চ ধম্মা উপ্পজ্জেয্যুং… কুসলো চ অকুসলো চ ধম্মা উপ্পজ্জেয্যুং… কুসলো চ অকুসলো চ অব্যাকতো চ ধম্মা উপ্পজ্জেয্যুং অৱিগতপচ্চযা.

(যথা হেতুপচ্চযো ৱিত্থাৰিতো, এৱং অৱিগতপচ্চযোপি ৱিত্থাৰেতব্বো ৱাচনামগ্গেন.)

একমূলকং.

দুমূলকাদি

হেতুমূলকং

৩৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আৰম্মণপচ্চযা…পে… সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা আৰম্মণপচ্চযা.

৩৬. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা অধিপতিপচ্চযা …পে… হেতুপচ্চযা অনন্তৰপচ্চযা… হেতুপচ্চযা সমনন্তৰপচ্চযা…পে… হেতুপচ্চযা অৱিগতপচ্চযা.

দুমূলকং.

৩৭. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আৰম্মণপচ্চযা অধিপতিপচ্চযা…পে… হেতুপচ্চযা আৰম্মণপচ্চযা অনন্তৰপচ্চযা…পে… হেতুপচ্চযা আৰম্মণপচ্চযা অৱিগতপচ্চযা.

তিমূলকং.

৩৮. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আৰম্মণপচ্চযা অধিপতিপচ্চযা অনন্তৰপচ্চযা…পে… হেতুপচ্চযা আৰম্মণপচ্চযা অধিপতিপচ্চযা অৱিগতপচ্চযা.

চতুমূলকং.

(পঞ্চমূলকাদিকা সংখিত্তা. একমূলকং, দুমূলকং, তিমূলকং, চতুমূলকং, পঞ্চমূলকং, সব্বমূলকং অসম্মুয্হন্তেন ৱিত্থাৰেতব্বং.)

হেতুমূলকং.

আৰম্মণমূলকাদি

৩৯. সিযা কুসলং ধম্মং পটিচ্চ কুসলো ধম্মো উপ্পজ্জেয্য আৰম্মণপচ্চযা হেতুপচ্চযা… আৰম্মণপচ্চযা অধিপতিপচ্চযা…পে… আৰম্মণপচ্চযা অৱিগতপচ্চযা.

সিযা কুসলং ধম্মং পটিচ্চ কুসলো ধম্মো উপ্পজ্জেয্য অধিপতিপচ্চযা… অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা…পে… অৱিগতপচ্চযা হেতুপচ্চযা… অৱিগতপচ্চযা আৰম্মণপচ্চযা… অৱিগতপচ্চযা অধিপতিপচ্চযা…পে… অৱিগতপচ্চযা ৱিগতপচ্চযা.

দুমূলকং.

৪০. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৱিগতপচ্চযা হেতুপচ্চযা আৰম্মণপচ্চযা… অৱিগতপচ্চযা হেতুপচ্চযা অধিপতিপচ্চযা… অৱিগতপচ্চযা হেতুপচ্চযা অনন্তৰপচ্চযা…পে… অৱিগতপচ্চযা হেতুপচ্চযা ৱিগতপচ্চযা.

৪১. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৱিগতপচ্চযা হেতুপচ্চযা আৰম্মণপচ্চযা অধিপতিপচ্চযা… অৱিগতপচ্চযা হেতুপচ্চযা আৰম্মণপচ্চযা অনন্তৰপচ্চযা…পে… ৱিগতপচ্চযা.

(একেকস্স পদস্স একমূলকং, দুমূলকং, তিমূলকং, চতুমূলকং, পঞ্চমূলকং, সব্বমূলকং অসম্মুয্হন্তেন ৱিত্থাৰেতব্বং. )

(ক) তিকঞ্চ পট্ঠানৱৰং দুকুত্তমং,

দুকং তিকঞ্চেৱ তিকং দুকঞ্চ;

তিকং তিকঞ্চেৱ দুকং দুকঞ্চ,

ছ অনুলোমম্হি নযা সুগম্ভীৰাতি.

২. পচ্চযপচ্চনীযং

৪২. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা.

(যথা অনুলোমে হেতুপচ্চযো ৱিত্থাৰিতো, এৱং পচ্চনীযেপি নহেতুপচ্চযো ৱিত্থাৰেতব্বো.)

৪৩. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআৰম্মণপচ্চযা… নঅধিপতিপচ্চযা… নঅনন্তৰপচ্চযা… নসমনন্তৰপচ্চযা… নসহজাতপচ্চযা… নঅঞ্ঞমঞ্ঞপচ্চযা… ননিস্সযপচ্চযা… নউপনিস্সযপচ্চযা… নপুৰেজাতপচ্চযা… নপচ্ছাজাতপচ্চযা … নআসেৱনপচ্চযা… নকম্মপচ্চযা… নৱিপাকপচ্চযা… নআহাৰপচ্চযা… নইন্দ্ৰিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৱিপ্পযুত্তপচ্চযা… নোঅত্থিপচ্চযা… নোনত্থিপচ্চযা… নোৱিগতপচ্চযা… নোঅৱিগতপচ্চযা.

৪৪. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা নআৰম্মণপচ্চযা….

(যথা অনুলোমে একেকস্স পদস্স একমূলকং, দুমূলকং, তিমূলকং, চতুমূলকং, যাৱ তেৱীসতিমূলকং এৱং পচ্চনীযেপি ৱিত্থাৰেতব্বং. )

(খ) তিকঞ্চ পট্ঠানৱৰং দুকুত্তমং,

দুকং তিকঞ্চেৱ তিকং দুকঞ্চ;

তিকং তিকঞ্চেৱ দুকং দুকঞ্চ,

ছ পচ্চনীযম্হি নযা সুগম্ভীৰাতি.

৩. পচ্চযানুলোমপচ্চনীযং

৪৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা নআৰম্মণপচ্চযা… সিযা কুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা নআৰম্মণপচ্চযা.

(যথা অনুলোমে হেতুপচ্চযো ৱিত্থাৰিতো, এৱং অনুলোমপচ্চনীযেপি পদং ৱিত্থাৰেতব্বং.)

৪৬. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা নঅধিপতিপচ্চযা… হেতুপচ্চযা নঅনন্তৰপচ্চযা…পে… হেতুপচ্চযা নোঅৱিগতপচ্চযা.

৪৭. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আৰম্মণপচ্চযা নঅধিপতিপচ্চযা… হেতুপচ্চযা আৰম্মণপচ্চযা নঅনন্তৰপচ্চযা…পে… হেতুপচ্চযা আৰম্মণপচ্চযা নোঅৱিগতপচ্চযা.

হেতুপচ্চযা আৰম্মণপচ্চযা অধিপতিপচ্চযা নঅনন্তৰপচ্চযা…পে… হেতুপচ্চযা আৰম্মণপচ্চযা অধিপতিপচ্চযা নোঅৱিগতপচ্চযা.

হেতুপচ্চযা আৰম্মণপচ্চযা অধিপতিপচ্চযা অনন্তৰপচ্চযা নসমনন্তৰপচ্চযা…পে… হেতুপচ্চযা আৰম্মণপচ্চযা অধিপতিপচ্চযা অনন্তৰপচ্চযা নোঅৱিগতপচ্চযা…পে….

হেতুপচ্চযা আৰম্মণপচ্চযা অধিপতিপচ্চযা অনন্তৰপচ্চযা সমনন্তৰপচ্চযা সহজাতপচ্চযা অঞ্ঞমঞ্ঞপচ্চযা নিস্সযপচ্চযা উপনিস্সযপচ্চযা পুৰেজাতপচ্চযা পচ্ছাজাতপচ্চযা আসেৱনপচ্চযা কম্মপচ্চযা ৱিপাকপচ্চযা আহাৰপচ্চযা ইন্দ্ৰিযপচ্চযা ঝানপচ্চযা মগ্গপচ্চযা সম্পযুত্তপচ্চযা ৱিপ্পযুত্তপচ্চযা অত্থিপচ্চযা নত্থিপচ্চযা ৱিগতপচ্চযা নোঅৱিগতপচ্চযা.

৪৮. সিযা কুসলং ধম্মং পটিচ্চ কুসলো ধম্মো উপ্পজ্জেয্য আৰম্মণপচ্চযা… অধিপতিপচ্চযা… অনন্তৰপচ্চযা…পে… অৱিগতপচ্চযা নহেতুপচ্চযা … অৱিগতপচ্চযা নআৰম্মণপচ্চযা…পে… অৱিগতপচ্চযা নোৱিগতপচ্চযা.

অৱিগতপচ্চযা হেতুপচ্চযা নআৰম্মণপচ্চযা…পে… অৱিগতপচ্চযা হেতুপচ্চযা নোৱিগতপচ্চযা.

অৱিগতপচ্চযা হেতুপচ্চযা আৰম্মণপচ্চযা নঅধিপতিপচ্চযা…পে… অৱিগতপচ্চযা হেতুপচ্চযা আৰম্মণপচ্চযা নোৱিগতপচ্চযা.

অৱিগতপচ্চযা হেতুপচ্চযা আৰম্মণপচ্চযা অধিপতিপচ্চযা অনন্তৰপচ্চযা সমনন্তৰপচ্চযা সহজাতপচ্চযা…পে… নোৱিগতপচ্চযা.

(গ) তিকঞ্চ পট্ঠানৱৰং দুকুত্তমং,

দুকং তিকঞ্চেৱ তিকং দুকঞ্চ;

তিকং তিকঞ্চেৱ দুকং দুকঞ্চ,

ছ অনুলোমপচ্চনীযম্হি নযা সুগম্ভীৰাতি.

৪. পচ্চযপচ্চনীযানুলোমং

৪৯. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা আৰম্মণপচ্চযা. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা অধিপতিপচ্চযা…পে… নহেতুপচ্চযা অৱিগতপচ্চযা.

৫০. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা নআৰম্মণপচ্চযা অধিপতিপচ্চযা…পে… অৱিগতপচ্চযা.

নহেতুপচ্চযা নআৰম্মণপচ্চযা নঅধিপতিপচ্চযা…পে… অৱিগতপচ্চযা.

নহেতুপচ্চযা নআৰম্মণপচ্চযা নঅধিপতিপচ্চযা নঅনন্তৰপচ্চযা নসমনন্তৰপচ্চযা…পে… নোঅত্থিপচ্চযা নোনত্থিপচ্চযা নোৱিগতপচ্চযা অৱিগতপচ্চযা.

৫১. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআৰম্মণপচ্চযা হেতুপচ্চযা.

৫২. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআৰম্মণপচ্চযা অধিপতিপচ্চযা…পে… নআৰম্মণপচ্চযা অৱিগতপচ্চযা…পে… নোঅৱিগতপচ্চযা হেতুপচ্চযা… নোঅৱিগতপচ্চযা আৰম্মণপচ্চযা…পে… নোঅৱিগতপচ্চযা ৱিগতপচ্চযা.

নোঅৱিগতপচ্চযা নহেতুপচ্চযা আৰম্মণপচ্চযা…পে… নোঅৱিগতপচ্চযা নহেতুপচ্চযা ৱিগতপচ্চযা.

নোঅৱিগতপচ্চযা নহেতুপচ্চযা নআৰম্মণপচ্চযা নঅধিপতিপচ্চযা…পে… নোঅত্থিপচ্চযা নোনত্থিপচ্চযা ৱিগতপচ্চযা.

(ঘ) তিকঞ্চ পট্ঠানৱৰং দুকুত্তমং,

দুকং তিকঞ্চেৱ তিকং দুকঞ্চ;

তিকং তিকঞ্চেৱ দুকং দুকঞ্চ,

ছ পচ্চনীযানুলোমম্হি নযা সুগম্ভীৰাতি.