৫. সংকিলিট্ঠত্তিকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. সংকিলিট্ঠসংকিলেসিকং ধম্মং পটিচ্চ সংকিলিট্ঠসংকিলেসিকো ধম্মো উপ্পজ্জতি হেতুপচ্চযা – সংকিলিট্ঠসংকিলেসিকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

সংকিলিট্ঠসংকিলেসিকং ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি হেতুপচ্চযা – সংকিলিট্ঠসংকিলেসিকে খন্ধে পটিচ্চ চিত্তসমুট্ঠানং ৰূপং. (২)

সংকিলিট্ঠসংকিলেসিকং ধম্মং পটিচ্চ সংকিলিট্ঠসংকিলেসিকো চ অসংকিলিট্ঠসংকিলেসিকো চ ধম্মা উপ্পজ্জন্তি হেতুপচ্চযা – সংকিলিট্ঠসংকিলেসিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অসংকিলিট্ঠসংকিলেসিকং ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি হেতুপচ্চযা – অসংকিলিট্ঠসংকিলেসিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে অসংকিলিট্ঠসংকিলেসিকং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

২. অসংকিলিট্ঠঅসংকিলেসিকং ধম্মং পটিচ্চ অসংকিলিট্ঠঅসংকিলেসিকো ধম্মো উপ্পজ্জতি হেতুপচ্চযা – অসংকিলিট্ঠঅসংকিলেসিকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

অসংকিলিট্ঠঅসংকিলেসিকং ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি হেতুপচ্চযা – অসংকিলিট্ঠঅসংকিলেসিকে খন্ধে পটিচ্চ চিত্তসমুট্ঠানং ৰূপং. (২)

অসংকিলিট্ঠঅসংকিলেসিকং ধম্মং পটিচ্চ অসংকিলিট্ঠসংকিলেসিকো চ অসংকিলিট্ঠঅসংকিলেসিকো চ ধম্মা উপ্পজ্জন্তি হেতুপচ্চযা – অসংকিলিট্ঠঅসংকিলেসিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অসংকিলিট্ঠসংকিলেসিকঞ্চ অসংকিলিট্ঠঅসংকিলেসিকঞ্চ ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি হেতুপচ্চযা – অসংকিলিট্ঠঅসংকিলেসিকে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

সংকিলিট্ঠসংকিলেসিকঞ্চ অসংকিলিট্ঠসংকিলেসিকঞ্চ ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি হেতুপচ্চযা – সংকিলিট্ঠসংকিলেসিকে খন্ধে চ মহাভূতে চ পটিচ্চ চিত্তসমুট্ঠানং ৰূপং (সংখিত্তং). (১)

১. পচ্চযানুলোমং

২. সঙ্খ্যাৱাৰো

৩. হেতুযা নৱ, আৰম্মণে তীণি, অধিপতিযা নৱ, অনন্তৰে তীণি, সমনন্তৰে তীণি, সহজাতে নৱ, অঞ্ঞমঞ্ঞে তীণি, নিস্সযে নৱ, উপনিস্সযে তীণি, পুৰেজাতে তীণি, আসেৱনে তীণি, কম্মে নৱ, ৱিপাকে পঞ্চ, আহাৰে নৱ…পে… মগ্গে নৱ, সম্পযুত্তে তীণি, ৱিপ্পযুত্তে নৱ…পে… অৱিগতে নৱ (সংখিত্তং.)

(যথা কুসলত্তিকে ৱিভত্তং, এৱং ৱিভজিতব্বং.)

২. পচ্চযপচ্চনীযং

নহেতুপচ্চযো

৪. সংকিলিট্ঠসংকিলেসিকং ধম্মং পটিচ্চ সংকিলিট্ঠসংকিলেসিকো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

অসংকিলিট্ঠসংকিলেসিকং ধম্মং পটিচ্চ অসংকিলিট্ঠসংকিলেসিকো ধম্মো উপ্পজ্জতি নহেতুপচ্চযা – অহেতুকং অসংকিলিট্ঠসংকিলেসিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… অহেতুকপটিসন্ধিক্খণে…পে… অসঞ্ঞসত্তানং একং মহাভূতং. (সংখিত্তং.) (১)

(যথা কুসলত্তিকে ৱিভত্তং, এৱং ৱিভজিতব্বং.)

সুদ্ধং

৫. নহেতুযা দ্ৱে, নআৰম্মণে পঞ্চ, নঅধিপতিযা ছ, নঅনন্তৰে পঞ্চ…পে… নউপনিস্সযে পঞ্চ, নপুৰেজাতে সত্ত, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং…পে… নমগ্গে একং, নসম্পযুত্তে পঞ্চ, নৱিপ্পযুত্তে তীণি, নোনত্থিযা পঞ্চ, নোৱিগতে পঞ্চ. (সংখিত্তং.)

৩. পচ্চযানুলোমপচ্চনীযং

হেতুদুকং

৬. হেতুপচ্চযা নআৰম্মণে পঞ্চ, নঅধিপতিযা ছ…পে… নপুৰেজাতে সত্ত, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নসম্পযুত্তে পঞ্চ, নৱিপ্পযুত্তে তীণি, নোনত্থিযা পঞ্চ, নোৱিগতে পঞ্চ. (সংখিত্তং.)

৪. পচ্চযপচ্চনীযানুলোমং

নহেতুদুকং

৭. নহেতুপচ্চযা আৰম্মণে দ্ৱে…পে… ৱিপাকে একং…পে… মগ্গে একং…পে… অৱিগতে দ্ৱে. (সংখিত্তং.)

পটিচ্চৱাৰো.

২-৬ সহজাত-পচ্চয-নিস্সয-সংসট্ঠ-সম্পযুত্তৱাৰো

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি ৱিত্থাৰেতব্বো.)

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

৮. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স হেতুপচ্চযেন পচ্চযো – সংকিলিট্ঠসংকিলেসিকা হেতূ সম্পযুত্তকানং খন্ধানং হেতুপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স হেতুপচ্চযেন পচ্চযো – সংকিলিট্ঠসংকিলেসিকা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স চ অসংকিলিট্ঠসংকিলেসিকস্স চ ধম্মস্স হেতুপচ্চযেন পচ্চযো – সংকিলিট্ঠসংকিলেসিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স হেতুপচ্চযেন পচ্চযো – অসংকিলিট্ঠসংকিলেসিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে অসংকিলিট্ঠসংকিলেসিকা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স হেতুপচ্চযেন পচ্চযো – অসংকিলিট্ঠঅসংকিলেসিকা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স হেতুপচ্চযেন পচ্চযো – অসংকিলিট্ঠঅসংকিলেসিকা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স হেতুপচ্চযেন পচ্চযো – অসংকিলিট্ঠঅসংকিলেসিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৯. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো – ৰাগং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. দিট্ঠিং অস্সাদেতি…পে… ৱিচিকিচ্ছং আৰব্ভ…পে… উদ্ধচ্চং আৰব্ভ…পে… দোমনস্সং আৰব্ভ…পে…. (১)

(যথা কুসলত্তিকে ৱিভত্তং, এৱং ৱিভজিতব্বং.)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো – অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, সংকিলিট্ঠসংকিলেসিকে খন্ধে অনিচ্চতো দুক্খতো অনত্ততো ৱিপস্সন্তি, চেতোপৰিযঞাণেন সংকিলিট্ঠসংকিলেসিকচিত্তসমঙ্গিস্স চিত্তং জানন্তি; সেক্খা ৱা পুথুজ্জনা ৱা সংকিলিট্ঠসংকিলেসিকে খন্ধে অনিচ্চতো দুক্খতো অনত্ততো ৱিপস্সন্তি, কুসলে নিৰুদ্ধে ৱিপাকো তদাৰম্মণতা উপ্পজ্জতি; সংকিলিট্ঠসংকিলেসিকে খন্ধে অস্সাদেন্তি অভিনন্দন্তি…পে… দোমনস্সং উপ্পজ্জতি, অকুসলে নিৰুদ্ধে ৱিপাকো তদাৰম্মণতা উপ্পজ্জতি. সংকিলিট্ঠসংকিলেসিকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

১০. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো – দানং দত্ৱা, সীলং সমাদিযিত্ৱা, উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি; ঝানা ৱুট্ঠহিত্ৱা ঝানং পচ্চৱেক্খতি, অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, চক্খুং অনিচ্চতো দুক্খতো অনত্ততো ৱিপস্সন্তি; সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং অসংকিলিট্ঠসংকিলেসিকে খন্ধে অনিচ্চতো দুক্খতো অনত্ততো ৱিপস্সন্তি; দিব্বেন চক্খুনা ৰূপং পস্সন্তি, দিব্বায সোতধাতুযা সদ্দং সুণন্তি, চেতোপৰিযঞাণেন অসংকিলিট্ঠসংকিলেসিকচিত্তসমঙ্গিস্স চিত্তং জানন্তি. আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. অসংকিলিট্ঠসংকিলেসিকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো – দানং দত্ৱা, সীলং সমাদিযিত্ৱা, উপোসথকম্মং কত্ৱা তং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি…পে… দোমনস্সং উপ্পজ্জতি; পুব্বে সুচিণ্ণানি অস্সাদেতি…পে… ঝানা ৱুট্ঠহিত্ৱা ঝানং অস্সাদেতি…পে… চক্খুং অস্সাদেতি. ফোট্ঠব্বে… ৱত্থুং… অসংকিলিট্ঠসংকিলেসিকে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি… দোমনস্সং উপ্পজ্জতি. (২)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স আৰম্মণপচ্চযেন পচ্চযো – নিব্বানং মগ্গস্স, ফলস্স আৰম্মণপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, আৱজ্জনায আৰম্মণপচ্চযেন পচ্চযো. অৰিযা চেতোপৰিযঞাণেন অসংকিলিট্ঠঅসংকিলেসিকচিত্তসমঙ্গিস্স চিত্তং জানন্তি. অসংকিলিট্ঠঅসংকিলেসিকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অধিপতিপচ্চযো

১১. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি; দিট্ঠিং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – সংকিলিট্ঠসংকিলেসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো. সহজাতাধিপতি – সংকিলিট্ঠসংকিলেসিকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স চ অসংকিলিট্ঠসংকিলেসিকস্স চ ধম্মস্স অধিপতিপচ্চযেন পচ্চযো. সহজাতাধিপতি – সংকিলিট্ঠসংকিলেসিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১২. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা, সীলং সমাদিযিত্ৱা, উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি. সহজাতাধিপতি – অসংকিলিট্ঠসংকিলেসিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা, সীলং সমাদিযিত্ৱা, উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি গৰুং কত্ৱা অস্সাদেতি অভিনন্দতি…পে… ঝানা ৱুট্ঠহিত্ৱা ঝানং গৰুং কত্ৱা অস্সাদেতি অভিনন্দতি…পে… চক্খুং গৰুং কত্ৱা অস্সাদেতি অভিনন্দতি…পে… ফোট্ঠব্বে…পে… ৱত্থুং অসংকিলিট্ঠসংকিলেসিকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – নিব্বানং মগ্গস্স, ফলস্স অধিপতিপচ্চযেন পচ্চযো. সহজাতাধিপতি – অসংকিলিট্ঠঅসংকিলেসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো. সহজাতাধিপতি – অসংকিলিট্ঠঅসংকিলেসিকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স অধিপতিপচ্চযেন পচ্চযো. সহজাতাধিপতি – অসংকিলিট্ঠঅসংকিলেসিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযো

১৩. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা সংকিলিট্ঠসংকিলেসিকা খন্ধা পচ্ছিমানং পচ্ছিমানং সংকিলিট্ঠসংকিলেসিকানং খন্ধানং অনন্তৰপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অনন্তৰপচ্চযেন পচ্চযো – সংকিলিট্ঠসংকিলেসিকা খন্ধা ৱুট্ঠানস্স অনন্তৰপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা অসংকিলিট্ঠসংকিলেসিকা খন্ধা পচ্ছিমানং পচ্ছিমানং অসংকিলিট্ঠসংকিলেসিকানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… আৱজ্জনা অসংকিলিট্ঠসংকিলেসিকানং খন্ধানং অনন্তৰপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অনন্তৰপচ্চযেন পচ্চযো – আৱজ্জনা সংকিলিট্ঠসংকিলেসিকানং খন্ধানং অনন্তৰপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স অনন্তৰপচ্চযেন পচ্চযো – গোত্ৰভু মগ্গস্স… ৱোদানং মগ্গস্স … অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (৩)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা অসংকিলিট্ঠঅসংকিলেসিকা খন্ধা পচ্ছিমানং পচ্ছিমানং অসংকিলিট্ঠঅসংকিলেসিকানং খন্ধানং অনন্তৰপচ্চযেন পচ্চযো. মগ্গো ফলস্স… ফলং ফলস্স অনন্তৰপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স অনন্তৰপচ্চযেন পচ্চযো – ফলং ৱুট্ঠানস্স অনন্তৰপচ্চযেন পচ্চযো. (২)

সমনন্তৰপচ্চযাদি

১৪. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স সমনন্তৰপচ্চযেন পচ্চযো…পে… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – ৰাগং উপনিস্সায পাণং হনতি…পে… সঙ্ঘং ভিন্দতি…পে… দোসং উপনিস্সায পাণং হনতি…পে… সঙ্ঘং ভিন্দতি. ৰাগো…পে… পত্থনা ৰাগস্স…পে… পত্থনায উপনিস্সযপচ্চযেন পচ্চযো. পাণাতিপাতো পাণাতিপাতস্স উপনিস্সযপচ্চযেন পচ্চযো…পে… নিযতমিচ্ছাদিট্ঠি নিযতমিচ্ছাদিট্ঠিযা উপনিস্সযপচ্চযেন পচ্চযো…পে…. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৰাগং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং… ৱিপস্সনং… অভিঞ্ঞং উপ্পাদেতি, সমাপত্তিং উপ্পাদেতি…পে… পত্থনং উপনিস্সায দানং দেতি…পে… সমাপত্তিং উপ্পাদেতি. ৰাগো…পে… পত্থনা সদ্ধায…পে… কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. পাণং হন্ত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি…পে… সঙ্ঘং ভিন্দিত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি. অকুসলং কম্মং ৱিপাকস্স উপনিস্সযপচ্চযেন পচ্চযো. (২)

সংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো. পকতূপনিস্সযো – ৰাগং উপনিস্সায মগ্গং উপ্পাদেতি, ফলসমাপত্তিং সমাপজ্জতি. দোসং…পে… পত্থনং উপনিস্সায মগ্গং উপ্পাদেতি, ফলসমাপত্তিং সমাপজ্জতি. ৰাগো…পে… পত্থনা মগ্গস্স… ফলসমাপত্তিযা উপনিস্সযপচ্চযেন পচ্চযো. (৩)

১৫. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি. সীলং… সুতং… চাগং… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি. সদ্ধা…পে… সেনাসনং সদ্ধায…পে… কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কুসলং কম্মং ৱিপাকস্স উপনিস্সযপচ্চযেন পচ্চযো. পঠমস্স ঝানস্স পৰিকম্মং পঠমস্স ঝানস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে…. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি, সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স…পে… দুতিযস্স মগ্গস্স…পে… ততিযস্স মগ্গস্স…পে… চতুত্থস্স মগ্গস্স উপনিস্সযপচ্চযেন পচ্চযো. (৩)

১৬. অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স…পে… দুতিযো মগ্গো ততিযস্স মগ্গস্স…পে… ততিযো মগ্গো চতুত্থস্স মগ্গস্স…পে… মগ্গো ফলসমাপত্তিযা উপনিস্সযপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৰিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপত্তিং সমাপজ্জন্তি, সঙ্খাৰে অনিচ্চতো দুক্খতো অনত্ততো ৱিপস্সন্তি. মগ্গো অৰিযানং অত্থপ্পটিসম্ভিদায…পে… ঠানাঠানকোসল্লস্স উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

পুৰেজাতপচ্চযো

১৭. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অনিচ্চতো দুক্খতো অনত্ততো ৱিপস্সতি; সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থু অসংকিলিট্ঠসংকিলেসিকানং খন্ধানং পুৰেজাতপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… ফোট্ঠব্বে… ৱত্থুং অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. ৱত্থুপুৰেজাতং – ৱত্থু সংকিলিট্ঠসংকিলেসিকানং খন্ধানং পুৰেজাতপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স পুৰেজাতপচ্চযেন পচ্চযো – ৱত্থু অসংকিলিট্ঠঅসংকিলেসিকানং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

১৮. সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স পচ্ছাজাতপচ্চযেন পচ্চযো – পচ্ছাজাতা সংকিলিট্ঠসংকিলেসিকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অসংকিলিট্ঠসংকিলেসিকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অসংকিলিট্ঠঅসংকিলেসিকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

১৯. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আসেৱনপচ্চযেন পচ্চযো – পুৰিমা পুৰিমা সংকিলিট্ঠসংকিলেসিকা খন্ধা পচ্ছিমানং পচ্ছিমানং সংকিলিট্ঠসংকিলেসিকানং খন্ধানং আসেৱনপচ্চযেন পচ্চযো. (১)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আসেৱনপচ্চযেন পচ্চযো – পুৰিমা পুৰিমা…পে… অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (১)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স আসেৱনপচ্চযেন পচ্চযো – গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (২)

কম্মপচ্চযো

২০. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স কম্মপচ্চযেন পচ্চযো – সংকিলিট্ঠসংকিলেসিকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সংকিলিট্ঠসংকিলেসিকা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – সংকিলিট্ঠসংকিলেসিকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স চ অসংকিলিট্ঠসংকিলেসিকস্স চ ধম্মস্স কম্মপচ্চযেন পচ্চযো – সংকিলিট্ঠসংকিলেসিকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অসংকিলিট্ঠসংকিলেসিকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অসংকিলিট্ঠসংকিলেসিকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অসংকিলিট্ঠঅসংকিলেসিকা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অসংকিলিট্ঠঅসংকিলেসিকা কুসলা চেতনা ৱিপাকানং অসংকিলিট্ঠঅসংকিলেসিকানং খন্ধানং কম্মপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স কম্মপচ্চযেন পচ্চযো – সহজাতা অসংকিলিট্ঠঅসংকিলেসিকা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স কম্মপচ্চযেন পচ্চযো – সহজাতা অসংকিলিট্ঠঅসংকিলেসিকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ৱিপাকপচ্চযো

২১. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স ৱিপাকপচ্চযেন পচ্চযো – ৱিপাকো অসংকিলিট্ঠসংকিলেসিকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে… পটিসন্ধিক্খণে অসংকিলিট্ঠসংকিলেসিকো একো খন্ধো তিণ্ণন্নং খন্ধানং কটত্তা চ ৰূপানং ৱিপাকপচ্চযেন পচ্চযো =১৯ …পে… দ্ৱে খন্ধা দ্ৱিন্নং খন্ধানং…পে… খন্ধা ৱত্থুস্স ৱিপাকপচ্চযেন পচ্চযো. (১)

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স ৱিপাকপচ্চযেন পচ্চযো – ৱিপাকো অসংকিলিট্ঠঅসংকিলেসিকো একো খন্ধো তিণ্ণন্নং খন্ধানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে…. (১)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স ৱিপাকপচ্চযেন পচ্চযো – ৱিপাকা অসংকিলিট্ঠঅসংকিলেসিকা খন্ধা চিত্তসমুট্ঠানানং ৰূপানং ৱিপাকপচ্চযেন পচ্চযো. (২) অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স ৱিপাকপচ্চযেন পচ্চযো – ৱিপাকো অসংকিলিট্ঠঅসংকিলেসিকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা…পে…. (৩)

আহাৰপচ্চযো

২২. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আহাৰপচ্চযেন পচ্চযো… তীণি.

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আহাৰপচ্চযেন পচ্চযো – অসংকিলিট্ঠসংকিলেসিকা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো.

অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স আহাৰপচ্চযেন পচ্চযো… তীণি.

ইন্দ্ৰিযপচ্চযো

২৩. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স ইন্দ্ৰিযপচ্চযেন পচ্চযো… তীণি.

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স ইন্দ্ৰিযপচ্চযেন পচ্চযো – অসংকিলিট্ঠসংকিলেসিকা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো.

অসংকিলিট্ঠঅসংকিলেসিকো ধম্মো… তীণি.

ঝানপচ্চযাদি

২৪. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৱিপ্পযুত্তপচ্চযো

২৫. সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – সংকিলিট্ঠসংকিলেসিকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – সংকিলিট্ঠসংকিলেসিকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অসংকিলিট্ঠসংকিলেসিকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে অসংকিলিট্ঠসংকিলেসিকা খন্ধা কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স…পে… ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স ৱিপ্পযুত্তপচ্চযেন পচ্চযো. ৱত্থু অসংকিলিট্ঠসংকিলেসিকানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অসংকিলিট্ঠসংকিলেসিকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু সংকিলিট্ঠসংকিলেসিকানং খন্ধানং ৱিপ্পযুত্তপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু অসংকিলিট্ঠঅসংকিলেসিকানং খন্ধানং ৱিপ্পযুত্তপচ্চযেন পচ্চযো. (৩)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অসংকিলিট্ঠঅসংকিলেসিকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – অসংকিলিট্ঠঅসংকিলেসিকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযো

২৬. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সংকিলিট্ঠসংকিলেসিকো একো খন্ধো তিণ্ণন্নং খন্ধানং অত্থিপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – সংকিলিট্ঠসংকিলেসিকা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – সংকিলিট্ঠসংকিলেসিকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স চ অসংকিলিট্ঠসংকিলেসিকস্স চ ধম্মস্স অত্থিপচ্চযেন পচ্চযো – সংকিলিট্ঠসংকিলেসিকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে…. (৩)

২৭. অসংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অসংকিলিট্ঠসংকিলেসিকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… পটিসন্ধিক্খণে…পে… অসঞ্ঞসত্তানং একং মহাভূতং তিণ্ণন্নং মহাভূতানং অত্থিপচ্চযেন পচ্চযো…পে… পুৰেজাতং – চক্খুং অনিচ্চতো দুক্খতো অনত্ততো ৱিপস্সতি. সোতং…পে… কাযং… ৰূপে…পে… ফোট্ঠব্বে… ৱত্থুং অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স অত্থিপচ্চযেন পচ্চযো. চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অসংকিলিট্ঠসংকিলেসিকানং খন্ধানং অত্থিপচ্চযেন পচ্চযো. পচ্ছাজাতা – অসংকিলিট্ঠসংকিলেসিকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স কাযস্স…পে… ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

অসংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো. পুৰেজাতং – চক্খুং অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; ৱত্থুং অস্সাদেতি…পে… ৱত্থু সংকিলিট্ঠসংকিলেসিকানং খন্ধানং অত্থিপচ্চযেন পচ্চযো. (২)

অসংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স অত্থিপচ্চযেন পচ্চযো. পুৰেজাতং – ৱত্থু অসংকিলিট্ঠঅসংকিলেসিকানং খন্ধানং অত্থিপচ্চযেন পচ্চযো. (৩)

২৮. অসংকিলিট্ঠঅসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স অত্থিপচ্চযেন পচ্চযো – অসংকিলিট্ঠঅসংকিলেসিকো একো খন্ধো তিণ্ণন্নং খন্ধানং অত্থিপচ্চযেন পচ্চযো…. (১)

অসংকিলিট্ঠঅসংকিলেসিকো ধম্মো অসঙ্কিলিট্ঠসংকিলিসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – অসংকিলিট্ঠঅসংকিলেসিকা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – অসংকিলিট্ঠঅসংকিলেসিকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

অসংকিলিট্ঠঅসংকিলেসিকো ধম্মো অসংকিলিট্ঠসংকিলেসিকস্স চ অসংকিলিট্ঠঅসংকিলেসিকস্স চ ধম্মস্স অত্থিপচ্চযেন পচ্চযো – অসংকিলিট্ঠঅসংকিলেসিকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…. (৩)

২৯. অসংকিলিট্ঠসংকিলেসিকো চ অসংকিলিট্ঠঅসংকিলেসিকো চ ধম্মা অসংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – অসংকিলিট্ঠঅসংকিলেসিকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – অসংকিলিট্ঠঅসংকিলেসিকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – অসংকিলিট্ঠসংকিলেসিকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (১)

অসংকিলিট্ঠসংকিলেসিকো চ অসংকিলিট্ঠঅসংকিলেসিকো চ ধম্মা অসংকিলিট্ঠঅসংকিলেসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – অসংকিলিট্ঠঅসংকিলেসিকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে…. (২)

সংকিলিট্ঠসংকিলেসিকো চ অসংকিলিট্ঠসংকিলেসিকো চ ধম্মা সংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – সংকিলিট্ঠসংকিলেসিকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো… দ্ৱে খন্ধা…পে…. (১)

সংকিলিট্ঠসংকিলেসিকো চ অসংকিলিট্ঠসংকিলেসিকো চ ধম্মা অসংকিলিট্ঠসংকিলেসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – সংকিলিট্ঠসংকিলেসিকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – সংকিলিট্ঠসংকিলেসিকা খন্ধা চ কবড়ীকাৰো আহাৰো চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – সংকিলিট্ঠসংকিলেসিকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

নত্থি-ৱিগতাৱিগতপচ্চযা

৩০. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.

১. পচ্চযানুলোমং

২. সঙ্খ্যাৱাৰো

সুদ্ধং

৩১. হেতুযা সত্ত, আৰম্মণে ছ, অধিপতিযা অট্ঠ, অনন্তৰে সত্ত, সমনন্তৰে সত্ত, সহজাতে নৱ, অঞ্ঞমঞ্ঞে তীণি, নিস্সযে তেৰস, উপনিস্সযে অট্ঠ, পুৰেজাতে তীণি, পচ্ছাজাতে তীণি, আসেৱনে তীণি, কম্মে সত্ত, ৱিপাকে চত্তাৰি, আহাৰে সত্ত, ইন্দ্ৰিযে সত্ত, ঝানে সত্ত, মগ্গে সত্ত, সম্পযুত্তে তীণি, ৱিপ্পযুত্তে পঞ্চ, অত্থিযা তেৰস, নত্থিযা সত্ত, ৱিগতে সত্ত, অৱিগতে তেৰস.

হেতুসভাগং

হেতুপচ্চযা অধিপতিযা চত্তাৰি, সহজাতে সত্ত, অঞ্ঞমঞ্ঞে তীণি, নিস্সযে সত্ত, ৱিপাকে চত্তাৰি, ইন্দ্ৰিযে চত্তাৰি, মগ্গে চত্তাৰি, সম্পযুত্তে তীণি, ৱিপ্পযুত্তে তীণি, অত্থিযা সত্ত, অৱিগতে সত্ত.

হেতুসামঞ্ঞঘটনা (৯)

৩২. হেতু-সহজাত-নিস্সয-অত্থি-অৱিগতন্তি সত্ত. হেতু-সহজাত-অঞ্ঞমঞ্ঞ-নিস্সযঅত্থি-অৱিগতন্তি তীণি. হেতু-সহজাত-অঞ্ঞমঞ্ঞ-নিস্সয-সম্পযুত্ত-অত্থি-অৱিগতন্তি তীণি. হেতু-সহজাত-নিস্সয-ৱিপ্পযুত্ত-অত্থি-অৱিগতন্তি তীণি. (অৱিপাকং – ৪)

হেতু-সহজাত-নিস্সয-ৱিপাক-অত্থি-অৱিগতন্তি চত্তাৰি. হেতু-সহজাত-অঞ্ঞমঞ্ঞনিস্সয-ৱিপাক-অত্থি-অৱিগতন্তি দ্ৱে. হেতু-সহজাত-অঞ্ঞমঞ্ঞ-নিস্সয-ৱিপাকসম্পযুত্ত-অত্থি-অৱিগতন্তি দ্ৱে. হেতু-সহজাত-নিস্সয-ৱিপাক-ৱিপ্পযুত্ত-অত্থি-অৱিগতন্তি দ্ৱে. হেতু-সহজাত-অঞ্ঞমঞ্ঞ-নিস্সয-ৱিপাক-ৱিপ্পযুত্ত-অত্থি-অৱিগতন্তি একং. (সৱিপাকং – ৫) (সংখিত্তং.)

(যথা কুসলত্তিকে, এৱং ৱিত্থাৰেতব্বং).

অনুলোমং.

পচ্চনীযুদ্ধাৰো

৩৩. সংকিলিট্ঠসংকিলেসিকো ধম্মো সংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

সংকিলিট্ঠসংকিলেসিকো ধম্মো অসংকিলিট্ঠসংকিলেসিকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

সংকিলিট্ঠসংকিলেসিকো ধম্মো অসংকিলিট্ঠঅসংকিলেসিকস্স ধম্মস্স উপনিস্সযপচ্চযেন পচ্চযো. (৩)