৩. ততিযৱগ্গো

(৩০) ১০. সংৱৰকথা

৩৭৯. অত্থি দেৱেসু সংৱৰোতি? আমন্তা. অত্থি দেৱেসু অসংৱৰোতি? ন হেৱং ৱত্তব্বে…পে….

নত্থি দেৱেসু অসংৱৰোতি? আমন্তা. নত্থি দেৱেসু সংৱৰোতি? ন হেৱং ৱত্তব্বে…পে….

ননু অসংৱৰা সংৱৰো সীলং, অত্থি দেৱেসু সংৱৰোতি? আমন্তা. অত্থি দেৱেসু অসংৱৰো, যম্হা অসংৱৰা সংৱৰো সীলন্তি? ন হেৱং ৱত্তব্বে…পে….

আজানাহি নিগ্গহং. হঞ্চি অসংৱৰা সংৱৰো সীলং, অত্থি দেৱেসু সংৱৰো, তেন ৱত ৰে ৱত্তব্বে – ‘‘অত্থি দেৱেসু অসংৱৰো, যম্হা অসংৱৰা সংৱৰো সীল’’ন্তি. যং তত্থ ৱদেসি – ‘‘ৱত্তব্বে খো – ‘অসংৱৰা সংৱৰো সীলং, অত্থি দেৱেসু সংৱৰো,’ নো চ ৱত্তব্বে – ‘অত্থি দেৱেসু অসংৱৰো, যম্হা অসংৱৰা সংৱৰো সীল’’’ন্তি মিচ্ছা.

নো চে পন ৱত্তব্বে – ‘‘অত্থি দেৱেসু অসংৱৰো, যম্হা অসংৱৰা সংৱৰো সীল’’ন্তি, নো চ ৱত ৰে ৱত্তব্বে – ‘‘অসংৱৰা সংৱৰো সীলং, অত্থি দেৱেসু সংৱৰো’’তি. যং তত্থ ৱদেসি – ‘‘ৱত্তব্বে খো ‘অসংৱৰা সংৱৰো সীলং, অত্থি দেৱেসু সংৱৰো,’ নো চ ৱত্তব্বে – ‘অত্থি দেৱেসু অসংৱৰো, যম্হা অসংৱৰা সংৱৰো সীল’’’ন্তি মিচ্ছা.

অত্থি মনুস্সেসু সংৱৰো, অত্থি তত্থ অসংৱৰোতি? আমন্তা. অত্থি দেৱেসু সংৱৰো, অত্থি তত্থ অসংৱৰোতি? ন হেৱং ৱত্তব্বে…পে….

অত্থি দেৱেসু সংৱৰো, নত্থি তত্থ অসংৱৰোতি? আমন্তা. অত্থি মনুস্সেসু সংৱৰো, নত্থি তত্থ অসংৱৰোতি? ন হেৱং ৱত্তব্বে…পে….

৩৮০. অত্থি দেৱেসু পাণাতিপাতা ৱেৰমণীতি? আমন্তা. অত্থি দেৱেসু পাণাতিপাতোতি? ন হেৱং ৱত্তব্বে…পে….

অত্থি দেৱেসু সুৰামেৰযমজ্জপমাদট্ঠানা ৱেৰমণীতি? আমন্তা. অত্থি দেৱেসু সুৰামেৰযমজ্জপমাদট্ঠানন্তি? ন হেৱং ৱত্তব্বে…পে….

নত্থি দেৱেসু পাণাতিপাতোতি? আমন্তা. নত্থি দেৱেসু পাণাতিপাতা ৱেৰমণীতি? ন হেৱং ৱত্তব্বে…পে….

নত্থি দেৱেসু সুৰামেৰযমজ্জপমাদট্ঠানন্তি? আমন্তা. নত্থি দেৱেসু সুৰামেৰযমজ্জপমাদট্ঠানা ৱেৰমণীতি? ন হেৱং ৱত্তব্বে…পে….

অত্থি মনুস্সেসু পাণাতিপাতা ৱেৰমণি, অত্থি তত্থ পাণাতিপাতোতি? আমন্তা. অত্থি দেৱেসু পাণাতিপাতা ৱেৰমণি, অত্থি তত্থ পাণাতিপাতোতি? ন হেৱং ৱত্তব্বে…পে….

অত্থি মনুস্সেসু সুৰামেৰযমজ্জপমাদট্ঠানা ৱেৰমণি, অত্থি তত্থ সুৰামেৰযমজ্জপমাদট্ঠানন্তি? আমন্তা. অত্থি দেৱেসু সুৰামেৰযমজ্জপমাদট্ঠানা ৱেৰমণি, অত্থি তত্থ সুৰামেৰযমজ্জপমাদট্ঠানন্তি? ন হেৱং ৱত্তব্বে…পে….

অত্থি দেৱেসু পাণাতিপাতা ৱেৰমণি, নত্থি তত্থ পাণাতিপাতোতি? আমন্তা. অত্থি মনুস্সেসু পাণাতিপাতা ৱেৰমণি, নত্থি তত্থ পাণাতিপাতোতি? ন হেৱং ৱত্তব্বে…পে….

অত্থি দেৱেসু সুৰামেৰযমজ্জপমাদট্ঠানা ৱেৰমণি, নত্থি তত্থ সুৰামেৰযমজ্জপমাদট্ঠানন্তি? আমন্তা. অত্থি মনুস্সেসু সুৰামেৰযমজ্জপমাদট্ঠানা ৱেৰমণি, নত্থি তত্থ সুৰামেৰযমজ্জপমাদট্ঠানন্তি? ন হেৱং ৱত্তব্বে…পে….

নত্থি দেৱেসু সংৱৰোতি? আমন্তা. সব্বে দেৱা পাণাতিপাতিনো অদিন্নাদাযিনো কামেসুমিচ্ছাচাৰিনো মুসাৱাদিনো সুৰামেৰযমজ্জপমাদট্ঠাযিনোতি? ন হেৱং ৱত্তব্বে…পে… তেন হি অত্থি দেৱেসু সংৱৰোতি.

সংৱৰকথা নিট্ঠিতা.