২০. সঙ্ঘানুযোগো

২০৬. ন ৱত্তব্বং – ‘‘পুগ্গলো উপলব্ভতি সচ্চিকট্ঠপৰমত্থেনা’’তি? আমন্তা. ননু চত্তাৰো পুৰিসযুগা অট্ঠ পুৰিসপুগ্গলা অত্থীতি? আমন্তা. হঞ্চি চত্তাৰো পুৰিসযুগা অট্ঠ পুৰিসপুগ্গলা অত্থি, তেন ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি.

২০৭. চত্তাৰো পুৰিসযুগা অট্ঠ পুৰিসপুগ্গলা অত্থীতি কত্ৱা তেন চ কাৰণেন পুগ্গলো উপলব্ভতি সচ্চিকট্ঠপৰমত্থেনাতি? আমন্তা. চত্তাৰো পুৰিসযুগা অট্ঠ পুৰিসপুগ্গলা বুদ্ধপাতুভাৱা পাতুভৱন্তীতি? আমন্তা. পুগ্গলো বুদ্ধপাতুভাৱা পাতুভৱতীতি? ন হেৱং ৱত্তব্বে…পে….

পুগ্গলো বুদ্ধপাতুভাৱা পাতুভৱতীতি? আমন্তা. বুদ্ধস্স ভগৱতো পৰিনিব্বুতে উচ্ছিন্নো পুগ্গলো, নত্থি পুগ্গলোতি? ন হেৱং ৱত্তব্বে…পে….

সঙ্ঘানুযোগো.