১. সুদ্ধসচ্চিকট্ঠো

১. অনুলোমপচ্চনীকং

১. [ইমিনা লক্খণেন সকৱাদীপুচ্ছা দস্সিতা] পুগ্গলো উপলব্ভতি সচ্চিকট্ঠপৰমত্থেনাতি [সচ্চিকট্ঠপৰমট্ঠেনাতি (স্যা. পী. ক. সী.)]? আমন্তা. যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনাতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি, নো চ ৱত ৰে [নো ৱত ৰে (স্যা. পী.)] ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

অনুলোমপঞ্চকং.

২. [ইমিনা লক্খণেন পৰৱাদীপুচ্ছা দস্সিতা] পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনাতি? ন হেৱং ৱত্তব্বে.

আজানাহি পটিকম্মং. হঞ্চি পুগ্গলো নুপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

পটিকম্মচতুক্কং.

৩. ত্ৱং চে পন মঞ্ঞসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’তি, তেন তৱ [ত্ৱং (স্যা.) টীকা ওলোকেতব্বা] তত্থ হেতায পটিঞ্ঞায হেৱং পটিজানন্তং [টীকা ওলোকেতব্বা] হেৱং নিগ্গহেতব্বে. অথ তং নিগ্গণ্হাম. সুনিগ্গহিতো চ [সুনিগ্গহিতোৱ (স্যা.)] হোসি.

হঞ্চি পুগ্গলো নুপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি ইদং তে মিচ্ছা.

নিগ্গহচতুক্কং.

৪. এসে চে দুন্নিগ্গহিতে হেৱমেৱং [হেৱমেৱ (স্যা.)] তত্থ দক্খ. ৱত্তব্বে খো – ‘‘পুগ্গলো উপলব্ভতি সচ্চিকট্ঠপৰমত্থেন,’’ নো চ ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি. নো চ মযং তযা তত্থ হেতায পটিঞ্ঞায হেৱং পটিজানন্তা হেৱং নিগ্গহেতব্বা. অথ মং নিগ্গণ্হাসি. দুন্নিগ্গহিতা চ [দুন্নিগ্গহিতাৱ (স্যা.)] হোম.

হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি ইদং তে মিচ্ছা.

উপনযনচতুক্কং.

৫. ন হেৱং নিগ্গহেতব্বে. তেন হি যং নিগ্গণ্হাসি – ‘‘হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, নো চ ৱত্তব্বে – যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি ইদং তে মিচ্ছা. তেন হি যে কতে নিগ্গহে সে নিগ্গহে দুক্কটে. সুকতে পটিকম্মে. সুকতা পটিপাদনাতি.

নিগ্গমনচতুক্কং.

পঠমো নিগ্গহো.