১. সুদ্ধসচ্চিকট্ঠো

২. পচ্চনীকানুলোমং

৬. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনাতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো নুপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

পচ্চনীকপঞ্চকং.

৭. পুগ্গলো উপলব্ভতি সচ্চিকট্ঠপৰমত্থেনাতি? আমন্তা. যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনাতি? ন হেৱং ৱত্তব্বে.

আজানাহি পটিকম্মং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

পটিকম্মচতুক্কং.

৮. ত্ৱং চে পন মঞ্ঞসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন’, নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি, তেন তৱ তত্থ হেতায পটিঞ্ঞায হেৱং পটিজানন্তং হেৱং নিগ্গহেতব্বে. অথ তং নিগ্গণ্হাম. সুনিগ্গহিতো চ হোসি.

হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো উপলব্ভতি সচ্চিকট্ঠপৰমত্থেনা’’’তি ইদং তে মিচ্ছা.

৯. এসে চে দুন্নিগ্গহিতে হেৱমেৱং তত্থ দক্খ. ৱত্তব্বে খো – ‘‘পুগ্গলো নুপলব্ভতি সচ্চিকট্ঠপৰমত্থেন,’’ নো চ ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি. নো চ মযং তযা তত্থ হেতায পটিঞ্ঞায হেৱং পটিজানন্তা হেৱং নিগ্গহেতব্বা. অথ মং নিগ্গণ্হাসি. দুন্নিগ্গহিতা চ হোম.

হঞ্চি পুগ্গলো নুপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি ইদং তে মিচ্ছা.

উপনযনচতুক্কং.

১০. ন হেৱং নিগ্গহেতব্বে. তেন হি যং নিগ্গণ্হাসি – ‘‘হঞ্চি পুগ্গলো নুপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’তি. যং তত্থ ৱদেসি – ‘ৱত্তব্বে খো – পুগ্গলো নুপলব্ভতি সচ্চিকট্ঠপৰমত্থেন, নো চ ৱত্তব্বে – যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি মিচ্ছা.

নো চে পন ৱত্তব্বে – ‘‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’তি, নো চ ৱত ৰে ৱত্তব্বে – ‘‘পুগ্গলো নুপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো নুপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘যো সচ্চিকট্ঠো পৰমত্থো, ততো সো পুগ্গলো নুপলব্ভতি সচ্চিকট্ঠপৰমত্থেনা’’’তি ইদং তে মিচ্ছা. তেন হি যে কতে নিগ্গহে সে নিগ্গহে দুক্কটে. সুকতে পটিকম্মে. সুকতা পটিপাদনাতি.

নিগ্গমনচতুক্কং.

দুতিযো নিগ্গহো.