সাৰিপুত্তসংযুত্ত

সুচিমুখীসুত্ত

পুচ্ছা – সাৰিপুত্তসংযুত্তে পনাৱুসো দসমং সুচিমুখীসুত্তং কত্থ কং আৰব্ভ কিস্মিং ৱত্থুস্মিং কেন কথঞ্চ ভাসিতং.

ৱিস্সজ্জনা – ৰাজগহে ভন্তে সুচিমুখিং পৰিব্বাজিকং আৰব্ভ আযস্মতা সাৰিপুত্তত্থেৰেন ধম্মসেনাপতিনা ভাসিতং. সুচিমুখী ভন্তে পৰিব্বাজিকা আযস্মন্তং সাৰিপুত্তং এতদৱোচ ‘‘কিং নু খো সমণ অধোমুখো ভুঞ্জসী’’তি. তস্মিং ভন্তে ৱত্থুস্মিং ‘‘ন খ্ৱাহং ভগিনি অধোমুখো ভুঞ্জামী’’তি এৱমাদিনা পটিক্খিপিত্ৱা ‘‘যে হি কেচি ভগিনি সমণব্ৰাহ্মণা ৱত্থুৱিজ্জা তিৰচ্ছানৱিজ্জায মিচ্ছাজীৱেন জীৱিকং কপ্পেন্তি, ইমে ৱুচ্চন্তি ভগিনি সমণব্ৰাহ্মণা অধোমুখা ভুঞ্জন্তী’’তি এৱমাদিনা আযস্মতা সাৰিপুত্তত্থেৰেন ধম্মসেনাপতিনা ভাসিতং.

কিং নু খো সমণ অধো মুখো ভুঞ্জসি.

ন খ্ৱাহং ভগিনি অধোমুখো ভুঞ্জামি.

তেন হি সমণ উব্ভমুখো ভুঞ্জসি.

ন খ্ৱাহং ভগিনি উব্ভমুখো ভুঞ্জামি.