৬. অচ্ছৰাসঙ্ঘাতৱগ্গ

পুচ্ছা – অচ্ছৰাসঙ্ঘাতৱগ্গে আৱুসো পঠম দুতিযসুত্তানি ভগৱতা কথং ভাসিতানি.

ৱিস্সজ্জনা – অচ্ছৰাসঙ্ঘাতৱগ্গে ভন্তে ভগৱতা ‘‘পভস্সৰমিদং ভিক্খৱে চিত্তং, তঞ্চ খো আগন্তুকেহি উপক্কিলেসেহি উপক্কিলিট্ঠং, তং অস্সুতৱা পুথুজ্জনো যথাভূতং নপ্পজানাতি, তস্মা ‘অস্সুতৱতো পুথুজ্জনস্স চিত্তভাৱনা নত্থী’তি ৱদামি. পভস্সৰমিদং ভিক্খৱে চিত্তং, তঞ্চ খো আগন্তুকেহি উপক্কিলেসেহি ৱিপ্পমুত্তং, তং সুভৱা অৰিযসাৱকো যথাভূতং পজানাতি. তস্মা ‘সুতপতো অৰিযসাৱকস্স চিত্তভাৱনা অত্থী’তি ৱদামী’’তি. এৱং খো ভগৱতা ভাসিতানি.

ততিযসুত্ত

পুচ্ছা – তত্থেৱ আৱুসো ততিযসুত্তাদীনি ভগৱতা কথং ভাসিতানি.

ৱিস্সজ্জনা – তত্থেৱ ভন্তে ততিযসুত্তাদীনি পঞ্চসুত্তানি ‘‘অচ্ছৰাসঙ্ঘাতমত্তম্পি চে ভিক্খৱে ভিক্খু মেত্তাচিত্তং আসেৱতি, ভাৱেতি, মনসিকৰোতি. অযং ৱুচ্চতি ভিক্খৱে ভিক্খু অৰিত্তজ্ঝানো ৱিহৰতি সত্থুসাসনকৰো ওৱাদপতিকৰো অমোঘং ৰট্ঠপিণ্ডং ভুঞ্জতি, কো পন ৱাদো যে নং বহুলীকৰোন্তি. যেকেচি ভিক্খৱে ধম্মা অকুসলা অকুসলভাগিযা অকুসলপক্খিকা, সব্বেতে মনোপুব্বঙ্গমা, মনো তেসং ধম্মানং পঠমং উপ্পজ্জতি, অন্ৱদেৱ অকুসলাধম্মা, যেকেচি ভিক্খৱে ধম্মা কুসলা কুসলভাগিযা কুসলপক্খিকা, সব্বেতে মনোপুব্বঙ্গমা, মনো তেসং ধম্মানং পঠমং উপ্পজ্জতি, অন্ৱদেৱ কুসলা ধম্মা’’তি এৱং খো ভন্তে ভগৱতা ভাসিতানি.

অট্ঠমসুত্ত

পুচ্ছা – তত্থেৱ আৱুসো অট্ঠম নৱম দসমসুত্তানি চ ৱীৰিযাৰম্ভাদিৱগ্গে দসসুত্তানি চ কল্যাণমিত্তাদিৱগ্গে পঠমসুত্তঞ্চ ভগৱতা কথং ভাসিতানি.

ৱিস্সজ্জনা – তত্থেৱ ভন্তে অট্ঠম নৱম দসমসুত্তানি চ ৱীৰিযাৰম্ভাদিৱগ্গে দসসুত্তানি চ কল্যাণমিত্তাদিৱগ্গে পঠমসুত্তঞ্চ ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্না ৱা অকুসলা ধম্মা উপ্পজ্জন্তি, উপ্পন্না ৱা কুসলা ধম্মা পৰিহাযন্তি, যথযিদং ভিক্খৱে পমাদো, পমত্তস্স ভিক্খৱে অনুপ্পন্না চেৱ অকুসলা ধম্মা উপ্পজ্জন্তি, উপ্পন্না চ কুসলা ধম্মা পৰিহাযন্তী’’তি এৱমাদিনা ভন্তে ভগৱতা ভাসিতানি.

দুতিযসুত্ত

পুচ্ছা – কল্যাণমিত্তাদিৱগ্গে আৱুসো দুতিয ততিযসুত্তানি ভগৱতা কথং ভাসিতানি.

ৱিস্সজ্জনা – কল্যাণমিত্তাদিৱগ্গে ভন্তে দুতিয ততিযসুত্তানি ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্না ৱা অকুসলা ধম্মা উপ্পজ্জন্তি, উপ্পন্না ৱা কুসলা ধম্মা পৰিহাযন্তি, যথযিদং ভিক্খৱে অনুযোগো অকুসলানং ধম্মানং অননুযোগো কুসলানং ধম্মান’’ন্তি এৱমাদিনা ভগৱতা ভাসিতানি.

ছট্ঠসুত্ত

পুচ্ছা – তত্থেৱ আৱুসো ছট্ঠসুত্তাদীনি চ পমাদাদিৱগ্গে পঠমসুত্তঞ্চ ভগৱতা কথং ভাসিতানি.

ৱিস্সজ্জনা – তত্থেৱ ভন্তে ছট্ঠসুত্তাদীনি চ পমাদাদিৱগ্গে পঠমসুত্তঞ্চ ‘‘অপ্পমত্তিকা এসা ভিক্খৱে পৰিহানি যদিদং ঞাতিপৰিহানি. এতং পতিকিট্ঠং ভিক্খৱে পৰিহানীনং যদিদং পঞ্ঞাপৰিহানীতি. অপ্পমত্তিকা এসা ভিক্খৱে ৱুদ্ধি যদিদং ঞাতিৱুদ্ধি. এতদগ্গং ভিক্খৱে ৱুদ্ধীনং যদিদং পঞ্ঞাৱুদ্ধি. তস্মাতিহ ভিক্খৱে এৱং সিক্খিতব্বং ‘পঞ্ঞাৱুদ্ধিযা ৱদ্ধিস্সামা’তি. এৱঞ্হি ৱো ভিক্খৱে সিক্খিতব্ব’’ন্তি এৱমাদিনা ভন্তে ভগৱতা ভাসিতানি.

পমাদাদিৱগ্গ

পুচ্ছা – তেনাৱুসো…পে… সম্মাসম্বুদ্ধেন পমাদাদিৱগ্গে দুতিযসুত্তাদীনি কথং ভাসিতানি.

ৱিস্সজ্জনা – নাহং ভিক্খৱে অঞ্ঞং একধম্মম্পি সমনুপস্সামি, যো এৱং মহতো অনত্থায সংৱত্ততি, যথযিদং ভিক্খৱে পমাদো. পমাদো ভিক্খৱে মহতো অনত্থায সংৱত্ততি. নাহং ভিক্খৱে অঞ্ঞং একধম্মম্পি, যো এৱং মহতো অত্থায সংৱত্ততি, যথযিদং ভিক্খৱে অপ্পমাদো, অপ্পমাদো ভিক্খৱে মহতো অনত্থায সংৱত্ততীতি এৱমাদিনা ভন্তে ভগৱতা ভাসিতানি.

দুতিয পমাদাদিৱগ্গ

পুচ্ছা – দুতিযে পনাৱুসো পমাদাদিৱগ্গে পঠমসুত্তাদীনি ভগৱতা কথং ভাসিতানি.

ৱিস্সজ্জনা – দুতিযে ভন্তে পমাদাদিৱগ্গে অজ্ঝত্তিকং ভিক্খৱে অঙ্গন্তি কৰিত্ৱা নাঞ্ঞং একঙ্গম্পি সমনুপস্সামি, যং এৱং মহতো অনত্থায সংৱত্ততি, যথযিদং ভিক্খৱে পমাদো. পমাদো ভিক্খৱে মহতো অনত্থায সংৱত্ততি. অজ্ঝত্তিকং ভিক্খৱে অঙ্গন্তি কৰিত্ৱা নাঞ্ঞং একঙ্গম্পি সমনুপস্সামি, যং এৱং মহতো অত্থায সংৱত্ততি, যথযিদং ভিক্খৱে অপ্পমাদো. অপ্পমাদো ভিক্খৱে মহতো অত্থায সংৱত্ততীতি এৱমাদিনা ভন্তে ভগৱতা ভাসিতানি.

দসসুত্ত

পুচ্ছা – তত্থেৱ আৱুসো তেত্তিংসমাদীনিচ দসসুত্তানি অধম্মৱগ্গে চ দসসুত্তানি ভগৱতা কথং ভাসিতানি.

ৱিস্সজ্জনা – তত্থেৱ ভন্তে তেত্তিংসমাদীনি দসসুত্তানি চ অধম্মৱগ্গে দসসুত্তানি চ যে তে ভিক্খৱে ভিক্খূ অধম্মং ‘‘ধম্মো’’তি দীপেন্তি, তে ভিক্খৱে ভিক্খূ বহুজনঅহিতায পটিপন্না বহুজনঅসুখায বহুনো জনস্স অনত্থায অহিতায দুক্খায দেৱমনুস্সানং. বহুঞ্চ তে ভিক্খৱে ভিক্খূ অপুঞ্ঞং পসৱন্তি, তে চিমং সদ্ধম্মং অন্তৰধাপেন্তীতি এৱমাদিনা চ, যে তে ভিক্খৱে ভিক্খূ অধম্মং ‘‘অধম্মো’’তি দীপেন্তি, তে ভিক্খৱে ভিক্খূ বহুজনহিতায পটিপন্না বহুজনসুখায বহুজনো জনস্স অত্থায হিতায সুখায দেৱমনুস্সানং. বহুঞ্চ তে ভিক্খৱে ভিক্খূ পুঞ্ঞং পসৱন্তি, তে চিমং সদ্ধম্মং ঠপেন্তীতি এৱমাদিনা চ ভন্তে ভগৱতা ভাসিতানি.

একপুগ্গলৱগ্গ

পুচ্ছা – একপুগ্গলৱগ্গে আৱুসো ভগৱতা কীদিসী ধম্মদেসনাযো দেসিতা.

ৱিস্সজ্জনা – একপুগ্গলৱগ্গে ভন্তে ভগৱতা একপুগ্গলো ভিক্খৱে লোকে উপ্পজ্জমানো উপ্পজ্জতি বহুজনহিতায বহুজনসুখায লোকানুকম্পায অত্থায হিতায সুখায দেৱমনুস্সানং. কতমো একপুগ্গলো, তথাগতো অৰহং সম্মাসম্বুদ্ধো, অযং খো ভিক্খৱে একপুগ্গলো লোকে উপ্পজ্জমানো উপ্পজ্জতি বহুজনহিতায বহুজনসুখায লোকানুকম্পায অত্থায হিতায সুখায দেৱমনুস্সানন্তি এৱমাদিকা ভগৱতা ধম্মদেসনাযো দেসিতা.

এতদগ্গৱগ্গ

অঞ্ঞাসিকোণ্ডঞ্ঞ ৱত্থু

পুচ্ছা – এতদৱগ্গে আৱুসো আগতেসু একচত্তালীসায থেৰেসু আযস্মা অঞ্ঞাসিকোণ্ডঞ্ঞত্থেৰো কথং ভগৱতা এতদগ্গট্ঠানে ঠপিতো.

ৱিস্সজ্জনা – এতদগ্গৱগ্গে ভন্তে আগতেসু একচত্তালীসায মহাথেৰেসু ‘‘এতদগ্গং ভিক্খৱে মম সাৱকানং ভিক্খূনং ৰত্তঞ্ঞূনং যদিদং অঞ্ঞাসিকোণ্ডঞ্ঞো’’তি, এৱং খো ভন্তে আযস্মা অঞ্ঞাসিকোণ্ডঞ্ঞত্থেৰো ভগৱতা এতদগ্গট্ঠানে ঠপিতো.

অগ্গসাৱকৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা চ সাৰিপুত্তত্থেৰো ধম্মসেনাপতি পঠমো অগ্গসাৱকো আযস্মা চ মহামোগ্গল্লানত্থেৰো দুতিযো অগ্গসাৱকো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে সাৰিপুত্তত্থেৰো ধম্মসেনাপতি ‘‘এতদগ্গং ভিক্খৱে মম সাৱকানং ভিক্খূনং মহাপঞ্ঞানং যদিদং সাৰিপুত্তো’’তি. আযস্মা পন মহামোগ্গল্লানত্থেৰো ‘‘এতদগ্গং ভিক্খৱে মম সাৱকানং ভিক্খূনং ইদ্ধিমন্তানং যদিদং মহামোগ্গল্লানো’’তি. এৱং খো ভন্তে ভগৱতা এতদগ্গট্ঠানে ঠপিতো.

ইদং তে আসনং ৱীৰ, পঞ্ঞত্তং তৱনুচ্ছৱিং;

মম চিত্তং পসাদেন্তো, নিসীদ পুপ্ফমাসনে.

যে ৱত লোকে অৰহন্তো ৱা অৰহত্তমগ্গং ৱা সমাপন্না, অযং তেসং ভিক্খু অঞ্ঞতৰো.

যংনূনাহং ইমং ভিক্খুং উপসঙ্কমিত্ৱা পঞ্হং পুচ্ছেয্যং.

যে ধম্মা হেতুপ্পভৱা,

তেসং হেতুং তথাগতো;

আহ তেসঞ্চ যো নিৰোধো,

এৱংৱাদী মহাসমণো –

লভেয্যাম মযং ভন্তে ভগৱতো সন্তিকে পব্বজ্জং, লভেয্যাম উপসম্পদং.

এতদগ্গং ভিক্খৱে মম সাৱকানং ভিক্খূনং মহাপঞ্ঞানং যদিদং সাৰিপুত্তো.

এতদগ্গং ভিক্খৱে মম সাৱকানং ভিক্খূনং ইদ্ধিমন্তানং যদিদং মহামোগ্গল্লানো.

মহাকস্সপৱত্থু

পুচ্ছা – আযস্মা পন আৱুসো মহাকস্সপত্থেৰো পঠমমহাসংগীতিকালে পামোক্খসঙ্ঘনাযকভূতো ভগৱতা কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে মহাকস্সপত্থেৰো পঠমমহাসংগীতিকালে সঙ্ঘপামোক্খভূতো ‘‘এতদগ্গং ভিক্খৱে মম সাৱকানং ভিক্খূনং ধুতৱাদানং যদিদং মহাকস্সপো’’তি. এৱং খো ভন্তে ভগৱতা এতদগ্গট্ঠানে ঠপিতো.

অনুৰুদ্ধত্থেৰৱত্থু

পুচ্ছা – তেনাৱুসো…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা অনুৰুদ্ধত্থেৰো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে অনুৰুদ্ধত্থেৰো ‘‘এতদগ্গং ভিক্খৱে মম সাৱকানং ভিক্খূনং দিব্বচক্খুকানং যদিদং অনুৰুদ্ধো’’তি এৱং খো ভন্তে ভগৱতা এতদগ্গট্ঠানে ঠপিতো.

সীৱলিৱত্থু

পুচ্ছা – আযস্মা পন আৱুসো সীৱলিত্থেৰো ভগৱতা কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে সীৱলিত্থেৰো ‘‘এতদগ্গং ভিক্খৱে মম সাৱকানং ভিক্খূনং লাভীনং যদিদং সীৱলী’’তি এৱং খো ভন্তে ভগৱতা এতদগ্গট্ঠানে ঠপিতো.

সম্মাসম্বুদ্ধো ৱত সো ভগৱা, যো ইমস্স এৱৰূপস্স দুক্খস্স পহানায ধম্মং দেসেতি.

সুপ্পটিপন্নো ৱত তস্স ভগৱতো সাৱকসঙ্ঘো, যো ইমস্স এৱৰূপস্স দুক্খস্স পহানায পটিপন্নো.

সুসুখং ৱত নিব্বানং, যত্থিদং এৱৰূপং দুক্খং ন সংৱিজ্জতি –

‘‘এতদগ্গং ভিক্খৱে মম সাৱকানং ভিক্খূনং লাভীনং যদিদং সীৱলি’’ হু –

আনন্দাথেৰৱত্থু

পুচ্ছা – আযস্মা পন আৱুসো আনন্দত্থেৰো ধম্মভণ্ডাগাৰিকো পঠমমহাসংগীতিকালে ধম্মৱিস্সজ্জকথেৰভূতো কথং ভগৱতা এতদগ্গট্ঠানে ঠপিতো.

ৱিস্সজ্জনা – আযস্মা ভন্তে আনন্দত্থেৰো ধম্মভণ্ডাগাৰিকো পঠমমহাসংগীতিকালে ধম্মৱিস্সজ্জকভূতো ‘‘এতদগ্গং ভিক্খৱে মম সাৱকানং ভিক্খূনং বহুস্সুতানং যদিদং আনন্দো. এতদগ্গং ভিক্খৱে মম সাৱকানং ভিক্খূনং সতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং গতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং ধিতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং উপট্ঠাকানং যদিদং আনন্দো’’তি এৱং খো ভন্তে ভগৱতা পঞ্চসু এতদগ্গট্ঠানেসু ঠপিতো.

সতসহস্সেন মে কীতং,

সতসহস্সেন মাপিতং;

সোভনং নাম উয্যানং;

পটিগ্গণ্হ মহামুনি –

‘‘এতদগ্গং ভিক্খৱে মম সাৱকানং ভিক্খূনং বহুস্সুতানং. সতিমন্তানং. গতিমন্তানং. ধিতিমন্তানং. উপট্ঠাকানং যদিদং আনন্দো’’ –

উপালিৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা উপালিত্থেৰো পঠমমহাসংগীতিকালে ৱিনযৱিস্সজ্জকভূতো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে উপালিত্থেৰো পঠমমহাসংগীতিকালে ৱিনযৱিস্সজ্জকভূতো ‘‘এতদগ্গং ভিক্খৱে মম সাৱকানং ভিক্খূনং ৱিনযধৰানং যদিদং উপালী’’তি এৱং খো ভন্তে ভগৱতা এতদগ্গট্ঠানে ঠপিতো.

ৱিনযো ৱাসযো ময্হং,

ৱিনযো ঠানচঙ্কমং;

কপ্পেমি ৱিনযে ৱাসং,

ৱিনযো মম গোচৰো.

মহাপজাপতিগোতমীথেৰীৱত্থু

পুচ্ছা – এতদগ্গৱগ্গে আৱুসো আগতাসু তেৰসসু থেৰীসু মহাপজাপতি গোতমীথেৰী কথং ভগৱতা এতদগ্গট্ঠানে ঠপিতা.

ৱিস্সজ্জনা – এতদগ্গৱগ্গে ভন্তে আগতাসু তেৰসসু থেৰীসু মহাপজাপতিগোতমীথেৰী ‘‘এতদগ্গং ভিক্খৱে মম সাৱিকানং ভিক্খুনীনং ৰত্তঞ্ঞূনং যদিদং মহাপজাপতি গোতমী’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং ভিক্খুনীনং ৰত্তঞ্ঞূনং যদিদং মহাপজাপতিগোতমী’’ –

পুচ্ছা – খেমাথেৰী পন আৱুসো অগ্গসাৱিকা ভগৱতা কথং এতদগ্গট্ঠানে ঠপিতা.

ৱিস্সজ্জনা – খেমাথেৰী ভন্তে পঠমা অগ্গসাৱিকা ‘‘এতদগ্গং ভিক্খৱে মম সাৱিকানং ভিক্খুনীনং মহাপঞ্ঞানং যদিদং খেমা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘যে ৰাগৰত্তানুপতন্তি সোতং,

সযংকতং মক্কটোৱ জালং,

এতম্পি ছেত্ৱান ৱজন্তি ধীৰা;

অনপেক্খিনো সব্বদুক্খং পহায’’ –

‘‘এতদগ্গং ভিক্খৱে মম সাৱিকানং ভিক্খুনীনং মহাপঞ্ঞানং যদিদং খেমা’’ –

পুচ্ছা – উপ্পলৱণ্ণা পন আৱুসো থেৰী দুতিযঅগ্গসাৱিকা ভগৱতা কথং এতদগ্গট্ঠানে ঠপিতা.

ৱিস্সজ্জনা – উপ্পলৱণ্ণা ভন্তে থেৰী দুতিযঅগ্গসাৱিকা ‘‘এতদগ্গং ভিক্খৱে মম সাৱিকানং ভিক্খুনীনং ইদ্ধিমন্তীনং যদিদং উপ্পলৱণ্ণা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং ভিক্খুনীনং ইদ্ধিমন্তীনং যদিদং উপ্পলৱণ্ণা’’ –

পটাচাৰাথেৰীভিক্খুনীমৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতাসু তেৰসসু থেৰীসু পটাচাৰানাম থেৰী কথং এতদগ্গট্ঠানে ঠপিতা.

ৱিস্সজ্জনা – এতদগ্গৱগ্গে ভন্তে আগতাসু তেৰসসু থেৰিকাসু পটাচাৰা থেৰী ‘‘এতদগ্গং ভিক্খৱে মম সাৱিকানং ভিক্খুনীনং ৱিনযধৰানং যদিদং পটাচাৰা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘উভো পুত্তা কালঙ্কতা,

পন্থে ময্হং পতী মতো;

মাতাপিতা চ ভাতা চ,

একচিতকস্মিং ডয্হৰে’’ –

‘‘চতূসু সমুদ্দেসু জলং পৰিত্তকং,

ততো বহুং অস্সুজলং অনপ্পকং;

দুক্খেন ফুট্ঠস্স নৰস্স সোচনা,

কিং কাৰণা অম্ম তুৱং পমজ্জসি’’ –

‘‘ন সন্তি পুত্তা তাণায,

ন পিতা নাপি বন্ধৱা;

অন্তকেনাধিপন্নস্স,

নত্থি ঞাতীসু তাণতা;

এতমত্থৱসং ঞত্ৱা, পণ্ডিতো সীলসংৱুতো;

নিব্বানগমনং মগ্গং, খিপ্পমেৱ ৱিসোধযে’’ –

‘‘যো চ ৱস্সসতং জীৱে,

অপস্সং উদযব্বযং;

একাহং জীৱিতং সেয্যো,

পস্সতো উদযব্বযং’’ –

‘‘এতদগ্গং ভিক্খৱে মম সাৱিকানং ভিক্খুনীনং ৱিনযধৰানং যদিদং পটাচাৰা’’ –

ধম্মদিন্নাথেৰীভিক্খুনীমৱত্থু

পুচ্ছা – ধম্মদিন্না পন আৱুসো থেৰী ভগৱতা কথং এতদগ্গট্ঠানে ঠপিতা.

ৱিস্সজ্জনা – ধম্মদিন্না ভন্তে থেৰী ‘‘এতদগ্গং ভিক্খৱে মম সাৱিকানং ভিক্খুনীনং ধম্মকথিকানং যদিদং ধম্মদিন্না’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘যস্স পুৰে চ পচ্ছা চ,

মজ্ঝেচ নত্থি কিঞ্চনং;

অকিঞ্চনং অনাদানং,

তমহং ব্ৰূমি ব্ৰাহ্মণং’’ –

‘‘এতদগ্গং ভিক্খৱে মম সাৱিকানং ভিক্খুনীনং ধম্মকথিকানং যদিদং ধম্মদিন্না’’ –

যসোধৰাথেৰীভিক্খুনীমৱত্থু

পুচ্ছা – ভদ্দকচ্চানানাম আৱুসো যসোধৰাথেৰী ভগৱতা কথং এতদগ্গট্ঠানে ঠপিতা.

ৱিস্সজ্জনা – ভদ্দকচ্চানা ভন্তে যসোধৰাথেৰী ভগৱতা ‘‘এতদগ্গং ভিক্খৱে মম সাৱিকানং ভিক্খুনীনং মহাভিঞ্ঞপত্তানং যদিদং ভদ্দকচ্চানা’’তি. এৱং খো ভন্তে এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং ভিক্খুনীনং মহাভিঞ্ঞপত্তানং যদিদং ভদ্দকচ্চানা’’ –

তপুস্সভল্লিকৱত্থু

পুচ্ছা – অঙ্গুত্তৰনিকাযে আৱুসো এতদগ্গৱগ্গে আগতেসু একাদসসু উপাসকেসু তপুস্সভল্লিকানাম ৱাণিজা ভগৱতা কথং এতদগ্গট্ঠানে ঠপিতা.

ৱিস্সজ্জনা – তপুস্সভল্লিকা ভন্তে ৱাণিজা ‘‘এতদগ্গং ভিক্খৱে মম সাৱকানং উপাসকানং পঠমং সৰণং গচ্ছন্তানং যদিদং তপুস্সভল্লিকা ৱাণিজা’’তি, এৱং খো ভন্তে ভগৱতা এতদগ্গট্ঠানে ঠপিতা.

‘‘এতে ভন্তে মযং ভগৱন্তং সৰণং গচ্ছাম ধম্মঞ্চ, উপাসকে নো ভগৱা ধাৰেতু অজ্জতগ্গে পাণুপেতে সৰণং গতে’’ হু –

‘‘এতদগ্গং ভিক্খৱে মম সাৱকানং উপাসকানং পঠমং সৰণং গচ্ছন্তানং যদিদং তপুস্সভল্লিকা ৱাণিজা’’ –

অনাথপিণ্ডকৱত্থু

পুচ্ছা – তেনাৱুসো ভগৱতা অৰহতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একাদসসু উপাসকেসু সুদত্তো গহপতি অনাথপিণ্ডিকো কথং এতদগ্গট্ঠানে ঠপিতো.

ৱিস্সজ্জনা – এতদগ্গৱগ্গে ভন্তে আগতেসু একাদসসু উপাসকেসু সুদত্তো গহপতি অনাথপিণ্ডিকো ‘‘এতদগ্গং ভিক্খৱে মম সাৱকানং উপাসকানং দাযকানং যদিদং সুদত্তো গহপতি অনাথপিণ্ডিকো’’তি. এৱং খো ভন্তে ভগৱতা এতদগ্গট্ঠানে ঠপিতো.

এতদগ্গং ভিক্খৱে মম সাৱকানং উপাসকানং দাযকানং যদিদং সুদত্তো গহপতি অনাথপিণ্ডিকো–

সূৰম্বট্ঠউপাসকাৱত্থু

পুচ্ছা – সূৰম্বট্ঠো নাম আৱুসো উপাসকো ভগৱতা কথং এতদগ্গট্ঠানে ঠপিতো.

ৱিস্সজ্জনা – সূৰম্বট্ঠো উপাসকো ‘‘এতদগ্গং ভিক্খৱে মম সাৱকানং উপাসকানং অৱেচ্চপ্পসন্নানং যদিদং সূৰম্বট্ঠো’’তি এৱং খো ভন্তে ভগৱতা এতদগ্গট্ঠানে ঠপিতো.

‘‘এতদগ্গং ভিক্খৱে মম সাৱকানং উপাসকানং অৱেচ্চপ্পসন্নানং যদিদং সূৰম্বট্ঠো’’ হু –

সুজাতা উপাসিকাৱত্থু

পুচ্ছা – এতদগ্গৱগ্গে আৱুসো আগতাসু দসসু উপাসিকাসু সুজাতানাম উপাসিকা সেনিযধীতা কথং ভগৱতা এতদগ্গট্ঠানে ঠপিতা.

ৱিস্সজ্জনা – সুজাতা ভন্তে সেনিযধীতা ‘‘এতদগ্গং ভিক্খৱে মম সাৱিকানং উপাসিকানং পঠমং সৰণং গচ্ছন্তীনং যদিদং সুজাতা সেনিযধীতা’’তি, এৱং খো ভন্তে ভগৱতা এতদগ্গট্ঠানে ঠপিতা.

‘‘এতা মযং ভন্তে ভগৱন্তং সৰণং গচ্ছাম ধম্মঞ্চ ভিক্খুসঙ্ঘঞ্চ, উপাসিকাযো নো ভগৱা ধাৰেতু অজ্জতগ্গে পাণুপেতা সৰণং গতা’’ হু –

‘‘এতদগ্গং ভিক্খৱে মম সাৱিকানং উপাসিকানং পঠমং সৰণং গচ্ছন্তীনং যদিদং সুজাতা সেনিযধীতা’’ –

ৱিসাখা উপাসিকাৱত্থু

পুচ্ছা – ৱিসাখা পন আৱুসো উপাসিকা কথং ভগৱতা এতদগ্গট্ঠানে ঠপিতা.

ৱিস্সজ্জনা – ৱিসাখা ভন্তে উপাসিকা মিগাৰমাতা ‘‘এতদগ্গং ভিক্খৱে মম সাৱিকানং উপাসিকানং দাযিকানং যদিদং ৱিসাখা মিগাৰমাতা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং উপাসিকানং দাযিকানং যদিদং ৱিসাখা মিগাৰমাতা’’ হু –

খুজ্জুত্তৰা উপাসিকাৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতাসু দসসু উপাসিকাসু খুজ্জুত্তৰানাম উপাসিকা কথং এতদগ্গট্ঠানে ঠপিতা.

ৱিস্সজ্জনা – এতদগ্গৱগ্গে ভন্তে আগতাসু দসসু উপাসিকাসু খুজ্জুত্তৰা উপাসিকা ‘‘এতদগ্গং ভিক্খৱে মম সাৱিকানং উপাসিকানং বহুস্সুতানং যদিদং খুজ্জুত্তৰা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱকানং উপাসিকানং বহুস্সুতানং যদিদং খুজ্জুত্তৰা’’ হু –

কাড়ীউপাসিকাৱত্থু

পুচ্ছা – কাড়ীনাম আৱুসো উপাসিকা কুৰৰঘৰিকা কথং ভগৱতা এতদগ্গট্ঠানে ঠপিতা.

ৱিস্সজ্জনা – কাড়ী ভন্তে উপাসিকা কুৰৰঘৰিকা ‘‘এতদগ্গং ভিক্খৱে মম সাৱিকানং অনুস্সৱপ্পসন্নানং যদিদং কাড়ী উপাসিকা কুৰৰঘৰিকা’’তি এৱং খো ভন্তে ভগৱতা এতদগ্গট্ঠানে ঠপিতা.