নমো তস্স ভগৱতো অৰহতো সম্মাসম্বুদ্ধস্স

সুত্তন্তপিটক

অঙ্গুত্তৰনিকাযে

সংগাযনস্স পুচ্ছা ৱিস্সজ্জনা

পুচ্ছা – পঠমমহাসংগীতিকালে আৱুসো ধম্মসংগাহকা মহাকস্সপাদযো মহাথেৰৱৰা পোৰাণসংগীতিকাৰা পঠমং ৱিনযপিটকং সংগাযিত্ৱা সুত্তন্তপিটকে চ দীঘমজ্ঝিমসংযুত্তসঙ্খাতে তযো নিকাযে সংগাযিত্ৱা তদনন্তৰং কিং নাম পাৱচনং সংগাযিংসু.

ৱিস্সজ্জনা – পঠমমহাসংগীতিকালে ভন্তে ধম্মসংগাহকা মহাকস্সপাদযো মহাথেৰৱৰা পোৰাণসংগীতিকাৰা পঠমং ৱিনযং সংগাযিত্ৱা সুত্তন্তপিটকে চ দীঘমজ্ঝিমসংযুত্তসঙ্খাতে তযো নিকাযে সংগাযিত্ৱা তদনন্তৰং নৱহি চ সুত্তসহস্সেহি পঞ্চহি চ সুত্তসত্তেহি সত্তপঞ্ঞাসায চ সুত্তেহি পটিমণ্ডিতং ৱীসতিভাণৱাৰসতপৰিমাণং অঙ্গুত্তৰনিকাযং নাম পাৱচনং সংগাযিংসু.

পুচ্ছা – অঙ্গুত্তৰনিকাযেপি আৱুসো এককনিপাতো দুকনিপাতো তিকনিপাতোতিআদিনা নিপাতপকৰণপৰিচ্ছেদৱসেন একাদসৱিধা. তত্থ কতৰং নিপাতপকৰণং সংগাযিংসু.

ৱিস্সজ্জনা – অঙ্গুত্তৰনিকাযে ভন্তে একাদসসু নিপাতপকৰণপৰিচ্ছেদেসু এককনিপাতং পঠমং সংগাযিংসু.

১. ৰূপাদিৱগ্গ

পুচ্ছা – এককনিপাতেপি আৱুসো ৰূপাদিৱগ্গো নীৱৰণপ্পহানৱগ্গো অকম্মনিযৱগ্গোতিআদিনা ৱগ্গভেদৱসেন বহুৱিধা. তত্থ কতৰং ৱগ্গং পঠমং সংগাযিংসু.

ৱিস্সজ্জনা – এককনিপাতে ভন্তে ৰূপাদিৱগ্গো নীৱৰণপ্পহানৱগ্গোতিআদিনা ৱীসতিযা ৱগ্গেসু ৰূপাদিৱগ্গং পঠমং সংগাযিংসু.

পুচ্ছা – সাধু সাধু আৱুসো, মযম্পি দানি আৱুসো ততোযেৱ পট্ঠায সংগাহনত্থায সংগীতিপুব্বঙ্গমানি ধম্মপুচ্ছনৱিস্সজ্জনকিচ্চানি আৱহিতুং সমাৰভাম. তেনাৱুসো ভগৱতা জানতা পস্সতা অৰহতা সম্মাসম্বুদ্ধেন অঙ্গুত্তৰনিকাযে এককনিপাতে ৰূপাদিৱগ্গে পুৰিমানি পঞ্চ সুত্তানি কত্থ কং আৰব্ভ কথঞ্চ ভাসিতানি.

ৱিস্সজ্জনা – সাৱত্থিযং ভন্তে সম্বহুলে ভিক্খূ আৰব্ভ ৰূপাদিগৰুকানং পঞ্চন্নং পুৰিসানং অজ্ঝাসযৱসেন ‘‘নাহং ভিক্খৱে অঞ্ঞং একৰূপম্পি সমনুপস্সামি, যং এৱং পুৰিসস্স চিত্তং পৰিযাদায তিট্ঠতি, যথযিদং ভিক্খৱে ইত্থিৰূপং, ইত্থিৰূপং ভিক্খৱে পুৰিসস্স চিত্তং পৰিযাদায তিট্ঠতী’’তি এৱমাদিনা ভগৱতা ভাসিতানি.

নাহং ভিক্খৱে অঞ্ঞং একৰূপম্পি সমনুপস্সামি, যং এৱং পুৰিসস্স চিত্তং পৰিযাদায তিট্ঠতি, যথযিদং ভিক্খৱে ইত্থিৰূপং, ইত্থিৰূপং ভিক্খৱে পুৰিসস্স চিত্তং পৰিযাদায তিট্ঠতি.

পুচ্ছা – তত্থেৱ আৱুসো পচ্ছিমানি পঞ্চ সুত্তানি ভগৱতা কত্থ কং আৰব্ভ কথঞ্চ ভাসিতানি.

ৱিস্সজ্জনা – তস্মিংযেৱ ভন্তে সাৱত্থিযং সম্বহুলে ভিক্খূ আৰব্ভ ৰূপাদিগৰুকানং পঞ্চন্নং ইত্থীনং অজ্ঝাসযৱসেন ‘‘নাহং ভিক্খৱে অঞ্ঞং একৰূপম্পি সমনুপস্সামি, যং এৱং ইত্থিযা চিত্তং পৰিযাদায তিট্ঠতি, যথযিদং ভিক্খৱে পুৰিসৰূপং, পুৰিসৰূপং ভিক্খৱে ইত্থিযা চিত্তং পৰিযাদায তিট্ঠতী’’তি এৱমাদিনা ভগৱতা ভাসিতানি.

নাহং ভিক্খৱে অঞ্ঞং একৰূপম্পি সমনুপস্সামি, যং এৱং ইত্থিযা চিত্তং পৰিযাদায তিট্ঠতি, যথযিদং ভিক্খৱে পুৰিসৰূপং, পুৰিসৰূপং ভিক্খৱে ইত্থিযা চিত্তং পৰিযাদায তিট্ঠতি.

নীতত্থৱসেন, নেয্যত্থৱসেন

পুচ্ছা – ইমস্মিং আৱুসো ৰূপাদিৱগ্গে ভগৱতা নীতত্থৱসেন কিং কথিতং, নেয্যত্থৱসেন পন কিং ঞাপিতং.

ৱিস্সজ্জনা – ইমস্মিং ভন্তে ৰূপাদিৱগ্গে ভগৱতা নীতত্থৱসেন ৱট্টং কথিতং. নেয্যত্থৱসেন পন ৱিৱট্টম্পি ঞাপিতং.

২. নীৱৰণপ্পহানৱগ্গ

পুচ্ছা – দুতিযো পন আৱুসো নীৱৰণপ্পহানৱগ্গো ভগৱতা কত্থ কথঞ্চ ভাসিতো.

ৱিস্সজ্জনা – সাৱত্থিযং ভন্তে ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্নো ৱা কামচ্ছন্দো উপ্পজ্জতি, উপ্পন্নো ৱা কামচ্ছন্দো ভিয্যোভাৱায ৱেপুল্লায সংৱত্ততি, যথযিদং ভিক্খৱে সুভনিমিত্তং, সুভনিমিত্তং ভিক্খৱে অযোনিসো মনসিকৰোতো অনুপ্পন্নোচেৱ কামচ্ছন্দো উপ্পজ্জতি, উপ্পন্নো চ কামচ্ছন্দো ভিয্যোভাৱায ৱেপুল্লায সংৱত্ততী’’তি এৱমাদিনা ভগৱতা ভাসিতো.

পুচ্ছা – ইমস্মিং পন আৱুসো দুতিযে নীৱৰণপ্পহানৱগ্গে ভগৱতা কিং কথিতং.

ৱিস্সজ্জনা – ইমস্মিং পন ভন্তে দুতিযে নীৱৰণপ্পহানৱগ্গে ভগৱতা ৱট্টম্পি ৱিৱট্টম্পি কথিতং.

৩. অকম্মনিযৱ

পুচ্ছা – তেনাৱুসো…পে… সম্মাসম্বুদ্ধেন অঙ্গুত্তৰনিকাযে এককনিপাতে ততিযে অকম্মনিযৱগ্গে কীদিসী ধম্মদেসনাযো দেসিতা.

ৱিস্সজ্জনা – ততিযে ভন্তে অকম্মনিযৱগ্গে ‘‘নাহং ভিক্খৱে অঞ্ঞং একধম্মম্পি সমনুপস্সামি, যং এৱং অভাৱিতং অকম্মনিযং হোতি, যথযিদং ভিক্খৱে চিত্তং, চিত্তং ভিক্খৱে অভাৱিতং অকম্মনিযং হোতি. নাহং ভিক্খৱে অঞ্ঞং একধম্মম্পি সমনুপস্সামি, যং এৱং ভাৱিতং কম্মনিযং হোতি, যথযিদং ভিক্খৱে চিত্তং. চিত্তং ভিক্খৱে ভাৱিতং কম্মনিযং হোতী’’তি এৱমাদিকা ভগৱতা ধম্মদেসনাযো দেসিতা.

৪. অদন্তৱগ্গ

পুচ্ছা – চতুত্থে পনাৱুসো অদন্তৱগ্গে ভগৱতা কীদিসী ধম্মদেসনাযো দেসিতা.

ৱিস্সজ্জনা – চতুত্থে ভন্তে অদন্তৱগ্গে ‘‘নাহং ভিক্খৱে অঞ্ঞং একধম্মম্পি সমনুপস্সামি, যং এৱং অদন্তং মহতো অনত্থায সংৱত্ততি, যথযিদং ভিক্খৱে চিত্তং, চিত্তং ভিক্খৱে অদন্তং মহতো অনত্থায সংৱত্ততি. নাহং ভিক্খৱে অঞ্ঞং একধম্মম্পি সমনুপস্সামি, যং এৱং দন্তং মহতো অত্থায সংৱত্ততি, যথযিদং ভিক্খৱে চিত্তং, চিত্তং ভিক্খৱে দন্তং মহতো অত্থায সংৱত্ততী’’তি এৱমাদিকা ভগৱতা ধম্মদেসনাযো দেসিতা.

৫. পণিহিতঅচ্ছৱগ্গ

পুচ্ছা – পঞ্চমে আৱুসো পণিহিতঅচ্ছৱগ্গে ভগৱতা কীদিসী ধম্মদেসনাযো দেসিতা.

ৱিস্সজ্জনা – পঞ্চমে ভন্তে পণিহিতঅচ্ছৱগ্গে ‘‘সেয্যথাপি ভিক্খৱে সালিসূকং ৱা যৱসূকং ৱা মিচ্ছাপণিহিতং হত্থেন ৱা পাদেন ৱা অক্কন্তং হত্থং ৱা পাদং ৱা ভেচ্ছতি, লোহিতং ৱা উপ্পাদেস্সতীতি নেতং ঠান ৱিজ্জতি. তং কিস্সহেতু, মিচ্ছাপণিহিতত্তা ভিক্খৱে সূকস্স. এৱমেৱ খো ভিক্খৱে সো ৱত ভিক্খু মিচ্ছাপণিহিতেন চিত্তেন অৱিজ্জং ভেচ্ছতি, ৱিজ্জং উপ্পাদেস্সতি, নিব্বানং সচ্ছিকৰিস্সতীতি নেতং ঠানং ৱিজ্জতি, তং কিস্স হেতু, মিচ্ছাপণিহিতত্তা ভিক্খৱে চিত্তস্সা’’তি এৱমাদিকা ভগৱতা ধম্মদেসনাযো দেসিতা.

৬. অচ্ছৰাসঙ্ঘাতৱগ্গ

পুচ্ছা – অচ্ছৰাসঙ্ঘাতৱগ্গে আৱুসো পঠম দুতিযসুত্তানি ভগৱতা কথং ভাসিতানি.

ৱিস্সজ্জনা – অচ্ছৰাসঙ্ঘাতৱগ্গে ভন্তে ভগৱতা ‘‘পভস্সৰমিদং ভিক্খৱে চিত্তং, তঞ্চ খো আগন্তুকেহি উপক্কিলেসেহি উপক্কিলিট্ঠং, তং অস্সুতৱা পুথুজ্জনো যথাভূতং নপ্পজানাতি, তস্মা ‘অস্সুতৱতো পুথুজ্জনস্স চিত্তভাৱনা নত্থী’তি ৱদামি. পভস্সৰমিদং ভিক্খৱে চিত্তং, তঞ্চ খো আগন্তুকেহি উপক্কিলেসেহি ৱিপ্পমুত্তং, তং সুভৱা অৰিযসাৱকো যথাভূতং পজানাতি. তস্মা ‘সুতপতো অৰিযসাৱকস্স চিত্তভাৱনা অত্থী’তি ৱদামী’’তি. এৱং খো ভগৱতা ভাসিতানি.

ততিযসুত্ত

পুচ্ছা – তত্থেৱ আৱুসো ততিযসুত্তাদীনি ভগৱতা কথং ভাসিতানি.

ৱিস্সজ্জনা – তত্থেৱ ভন্তে ততিযসুত্তাদীনি পঞ্চসুত্তানি ‘‘অচ্ছৰাসঙ্ঘাতমত্তম্পি চে ভিক্খৱে ভিক্খু মেত্তাচিত্তং আসেৱতি, ভাৱেতি, মনসিকৰোতি. অযং ৱুচ্চতি ভিক্খৱে ভিক্খু অৰিত্তজ্ঝানো ৱিহৰতি সত্থুসাসনকৰো ওৱাদপতিকৰো অমোঘং ৰট্ঠপিণ্ডং ভুঞ্জতি, কো পন ৱাদো যে নং বহুলীকৰোন্তি. যেকেচি ভিক্খৱে ধম্মা অকুসলা অকুসলভাগিযা অকুসলপক্খিকা, সব্বেতে মনোপুব্বঙ্গমা, মনো তেসং ধম্মানং পঠমং উপ্পজ্জতি, অন্ৱদেৱ অকুসলাধম্মা, যেকেচি ভিক্খৱে ধম্মা কুসলা কুসলভাগিযা কুসলপক্খিকা, সব্বেতে মনোপুব্বঙ্গমা, মনো তেসং ধম্মানং পঠমং উপ্পজ্জতি, অন্ৱদেৱ কুসলা ধম্মা’’তি এৱং খো ভন্তে ভগৱতা ভাসিতানি.

অট্ঠমসুত্ত

পুচ্ছা – তত্থেৱ আৱুসো অট্ঠম নৱম দসমসুত্তানি চ ৱীৰিযাৰম্ভাদিৱগ্গে দসসুত্তানি চ কল্যাণমিত্তাদিৱগ্গে পঠমসুত্তঞ্চ ভগৱতা কথং ভাসিতানি.

ৱিস্সজ্জনা – তত্থেৱ ভন্তে অট্ঠম নৱম দসমসুত্তানি চ ৱীৰিযাৰম্ভাদিৱগ্গে দসসুত্তানি চ কল্যাণমিত্তাদিৱগ্গে পঠমসুত্তঞ্চ ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্না ৱা অকুসলা ধম্মা উপ্পজ্জন্তি, উপ্পন্না ৱা কুসলা ধম্মা পৰিহাযন্তি, যথযিদং ভিক্খৱে পমাদো, পমত্তস্স ভিক্খৱে অনুপ্পন্না চেৱ অকুসলা ধম্মা উপ্পজ্জন্তি, উপ্পন্না চ কুসলা ধম্মা পৰিহাযন্তী’’তি এৱমাদিনা ভন্তে ভগৱতা ভাসিতানি.

দুতিযসুত্ত

পুচ্ছা – কল্যাণমিত্তাদিৱগ্গে আৱুসো দুতিয ততিযসুত্তানি ভগৱতা কথং ভাসিতানি.

ৱিস্সজ্জনা – কল্যাণমিত্তাদিৱগ্গে ভন্তে দুতিয ততিযসুত্তানি ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্না ৱা অকুসলা ধম্মা উপ্পজ্জন্তি, উপ্পন্না ৱা কুসলা ধম্মা পৰিহাযন্তি, যথযিদং ভিক্খৱে অনুযোগো অকুসলানং ধম্মানং অননুযোগো কুসলানং ধম্মান’’ন্তি এৱমাদিনা ভগৱতা ভাসিতানি.

ছট্ঠসুত্ত

পুচ্ছা – তত্থেৱ আৱুসো ছট্ঠসুত্তাদীনি চ পমাদাদিৱগ্গে পঠমসুত্তঞ্চ ভগৱতা কথং ভাসিতানি.

ৱিস্সজ্জনা – তত্থেৱ ভন্তে ছট্ঠসুত্তাদীনি চ পমাদাদিৱগ্গে পঠমসুত্তঞ্চ ‘‘অপ্পমত্তিকা এসা ভিক্খৱে পৰিহানি যদিদং ঞাতিপৰিহানি. এতং পতিকিট্ঠং ভিক্খৱে পৰিহানীনং যদিদং পঞ্ঞাপৰিহানীতি. অপ্পমত্তিকা এসা ভিক্খৱে ৱুদ্ধি যদিদং ঞাতিৱুদ্ধি. এতদগ্গং ভিক্খৱে ৱুদ্ধীনং যদিদং পঞ্ঞাৱুদ্ধি. তস্মাতিহ ভিক্খৱে এৱং সিক্খিতব্বং ‘পঞ্ঞাৱুদ্ধিযা ৱদ্ধিস্সামা’তি. এৱঞ্হি ৱো ভিক্খৱে সিক্খিতব্ব’’ন্তি এৱমাদিনা ভন্তে ভগৱতা ভাসিতানি.

পমাদাদিৱগ্গ

পুচ্ছা – তেনাৱুসো…পে… সম্মাসম্বুদ্ধেন পমাদাদিৱগ্গে দুতিযসুত্তাদীনি কথং ভাসিতানি.

ৱিস্সজ্জনা – নাহং ভিক্খৱে অঞ্ঞং একধম্মম্পি সমনুপস্সামি, যো এৱং মহতো অনত্থায সংৱত্ততি, যথযিদং ভিক্খৱে পমাদো. পমাদো ভিক্খৱে মহতো অনত্থায সংৱত্ততি. নাহং ভিক্খৱে অঞ্ঞং একধম্মম্পি, যো এৱং মহতো অত্থায সংৱত্ততি, যথযিদং ভিক্খৱে অপ্পমাদো, অপ্পমাদো ভিক্খৱে মহতো অনত্থায সংৱত্ততীতি এৱমাদিনা ভন্তে ভগৱতা ভাসিতানি.

দুতিয পমাদাদিৱগ্গ

পুচ্ছা – দুতিযে পনাৱুসো পমাদাদিৱগ্গে পঠমসুত্তাদীনি ভগৱতা কথং ভাসিতানি.

ৱিস্সজ্জনা – দুতিযে ভন্তে পমাদাদিৱগ্গে অজ্ঝত্তিকং ভিক্খৱে অঙ্গন্তি কৰিত্ৱা নাঞ্ঞং একঙ্গম্পি সমনুপস্সামি, যং এৱং মহতো অনত্থায সংৱত্ততি, যথযিদং ভিক্খৱে পমাদো. পমাদো ভিক্খৱে মহতো অনত্থায সংৱত্ততি. অজ্ঝত্তিকং ভিক্খৱে অঙ্গন্তি কৰিত্ৱা নাঞ্ঞং একঙ্গম্পি সমনুপস্সামি, যং এৱং মহতো অত্থায সংৱত্ততি, যথযিদং ভিক্খৱে অপ্পমাদো. অপ্পমাদো ভিক্খৱে মহতো অত্থায সংৱত্ততীতি এৱমাদিনা ভন্তে ভগৱতা ভাসিতানি.

দসসুত্ত

পুচ্ছা – তত্থেৱ আৱুসো তেত্তিংসমাদীনিচ দসসুত্তানি অধম্মৱগ্গে চ দসসুত্তানি ভগৱতা কথং ভাসিতানি.

ৱিস্সজ্জনা – তত্থেৱ ভন্তে তেত্তিংসমাদীনি দসসুত্তানি চ অধম্মৱগ্গে দসসুত্তানি চ যে তে ভিক্খৱে ভিক্খূ অধম্মং ‘‘ধম্মো’’তি দীপেন্তি, তে ভিক্খৱে ভিক্খূ বহুজনঅহিতায পটিপন্না বহুজনঅসুখায বহুনো জনস্স অনত্থায অহিতায দুক্খায দেৱমনুস্সানং. বহুঞ্চ তে ভিক্খৱে ভিক্খূ অপুঞ্ঞং পসৱন্তি, তে চিমং সদ্ধম্মং অন্তৰধাপেন্তীতি এৱমাদিনা চ, যে তে ভিক্খৱে ভিক্খূ অধম্মং ‘‘অধম্মো’’তি দীপেন্তি, তে ভিক্খৱে ভিক্খূ বহুজনহিতায পটিপন্না বহুজনসুখায বহুজনো জনস্স অত্থায হিতায সুখায দেৱমনুস্সানং. বহুঞ্চ তে ভিক্খৱে ভিক্খূ পুঞ্ঞং পসৱন্তি, তে চিমং সদ্ধম্মং ঠপেন্তীতি এৱমাদিনা চ ভন্তে ভগৱতা ভাসিতানি.

একপুগ্গলৱগ্গ

পুচ্ছা – একপুগ্গলৱগ্গে আৱুসো ভগৱতা কীদিসী ধম্মদেসনাযো দেসিতা.

ৱিস্সজ্জনা – একপুগ্গলৱগ্গে ভন্তে ভগৱতা একপুগ্গলো ভিক্খৱে লোকে উপ্পজ্জমানো উপ্পজ্জতি বহুজনহিতায বহুজনসুখায লোকানুকম্পায অত্থায হিতায সুখায দেৱমনুস্সানং. কতমো একপুগ্গলো, তথাগতো অৰহং সম্মাসম্বুদ্ধো, অযং খো ভিক্খৱে একপুগ্গলো লোকে উপ্পজ্জমানো উপ্পজ্জতি বহুজনহিতায বহুজনসুখায লোকানুকম্পায অত্থায হিতায সুখায দেৱমনুস্সানন্তি এৱমাদিকা ভগৱতা ধম্মদেসনাযো দেসিতা.

এতদগ্গৱগ্গ

অঞ্ঞাসিকোণ্ডঞ্ঞ ৱত্থু

পুচ্ছা – এতদৱগ্গে আৱুসো আগতেসু একচত্তালীসায থেৰেসু আযস্মা অঞ্ঞাসিকোণ্ডঞ্ঞত্থেৰো কথং ভগৱতা এতদগ্গট্ঠানে ঠপিতো.

ৱিস্সজ্জনা – এতদগ্গৱগ্গে ভন্তে আগতেসু একচত্তালীসায মহাথেৰেসু ‘‘এতদগ্গং ভিক্খৱে মম সাৱকানং ভিক্খূনং ৰত্তঞ্ঞূনং যদিদং অঞ্ঞাসিকোণ্ডঞ্ঞো’’তি, এৱং খো ভন্তে আযস্মা অঞ্ঞাসিকোণ্ডঞ্ঞত্থেৰো ভগৱতা এতদগ্গট্ঠানে ঠপিতো.

অগ্গসাৱকৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা চ সাৰিপুত্তত্থেৰো ধম্মসেনাপতি পঠমো অগ্গসাৱকো আযস্মা চ মহামোগ্গল্লানত্থেৰো দুতিযো অগ্গসাৱকো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে সাৰিপুত্তত্থেৰো ধম্মসেনাপতি ‘‘এতদগ্গং ভিক্খৱে মম সাৱকানং ভিক্খূনং মহাপঞ্ঞানং যদিদং সাৰিপুত্তো’’তি. আযস্মা পন মহামোগ্গল্লানত্থেৰো ‘‘এতদগ্গং ভিক্খৱে মম সাৱকানং ভিক্খূনং ইদ্ধিমন্তানং যদিদং মহামোগ্গল্লানো’’তি. এৱং খো ভন্তে ভগৱতা এতদগ্গট্ঠানে ঠপিতো.

ইদং তে আসনং ৱীৰ, পঞ্ঞত্তং তৱনুচ্ছৱিং;

মম চিত্তং পসাদেন্তো, নিসীদ পুপ্ফমাসনে.

যে ৱত লোকে অৰহন্তো ৱা অৰহত্তমগ্গং ৱা সমাপন্না, অযং তেসং ভিক্খু অঞ্ঞতৰো.

যংনূনাহং ইমং ভিক্খুং উপসঙ্কমিত্ৱা পঞ্হং পুচ্ছেয্যং.

যে ধম্মা হেতুপ্পভৱা,

তেসং হেতুং তথাগতো;

আহ তেসঞ্চ যো নিৰোধো,

এৱংৱাদী মহাসমণো –

লভেয্যাম মযং ভন্তে ভগৱতো সন্তিকে পব্বজ্জং, লভেয্যাম উপসম্পদং.

এতদগ্গং ভিক্খৱে মম সাৱকানং ভিক্খূনং মহাপঞ্ঞানং যদিদং সাৰিপুত্তো.

এতদগ্গং ভিক্খৱে মম সাৱকানং ভিক্খূনং ইদ্ধিমন্তানং যদিদং মহামোগ্গল্লানো.

মহাকস্সপৱত্থু

পুচ্ছা – আযস্মা পন আৱুসো মহাকস্সপত্থেৰো পঠমমহাসংগীতিকালে পামোক্খসঙ্ঘনাযকভূতো ভগৱতা কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে মহাকস্সপত্থেৰো পঠমমহাসংগীতিকালে সঙ্ঘপামোক্খভূতো ‘‘এতদগ্গং ভিক্খৱে মম সাৱকানং ভিক্খূনং ধুতৱাদানং যদিদং মহাকস্সপো’’তি. এৱং খো ভন্তে ভগৱতা এতদগ্গট্ঠানে ঠপিতো.

অনুৰুদ্ধত্থেৰৱত্থু

পুচ্ছা – তেনাৱুসো…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা অনুৰুদ্ধত্থেৰো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে অনুৰুদ্ধত্থেৰো ‘‘এতদগ্গং ভিক্খৱে মম সাৱকানং ভিক্খূনং দিব্বচক্খুকানং যদিদং অনুৰুদ্ধো’’তি এৱং খো ভন্তে ভগৱতা এতদগ্গট্ঠানে ঠপিতো.

সীৱলিৱত্থু

পুচ্ছা – আযস্মা পন আৱুসো সীৱলিত্থেৰো ভগৱতা কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে সীৱলিত্থেৰো ‘‘এতদগ্গং ভিক্খৱে মম সাৱকানং ভিক্খূনং লাভীনং যদিদং সীৱলী’’তি এৱং খো ভন্তে ভগৱতা এতদগ্গট্ঠানে ঠপিতো.

সম্মাসম্বুদ্ধো ৱত সো ভগৱা, যো ইমস্স এৱৰূপস্স দুক্খস্স পহানায ধম্মং দেসেতি.

সুপ্পটিপন্নো ৱত তস্স ভগৱতো সাৱকসঙ্ঘো, যো ইমস্স এৱৰূপস্স দুক্খস্স পহানায পটিপন্নো.

সুসুখং ৱত নিব্বানং, যত্থিদং এৱৰূপং দুক্খং ন সংৱিজ্জতি –

‘‘এতদগ্গং ভিক্খৱে মম সাৱকানং ভিক্খূনং লাভীনং যদিদং সীৱলি’’ হু –

আনন্দাথেৰৱত্থু

পুচ্ছা – আযস্মা পন আৱুসো আনন্দত্থেৰো ধম্মভণ্ডাগাৰিকো পঠমমহাসংগীতিকালে ধম্মৱিস্সজ্জকথেৰভূতো কথং ভগৱতা এতদগ্গট্ঠানে ঠপিতো.

ৱিস্সজ্জনা – আযস্মা ভন্তে আনন্দত্থেৰো ধম্মভণ্ডাগাৰিকো পঠমমহাসংগীতিকালে ধম্মৱিস্সজ্জকভূতো ‘‘এতদগ্গং ভিক্খৱে মম সাৱকানং ভিক্খূনং বহুস্সুতানং যদিদং আনন্দো. এতদগ্গং ভিক্খৱে মম সাৱকানং ভিক্খূনং সতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং গতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং ধিতিমন্তানং যদিদং আনন্দো. এতদগ্গং ভিক্খৱে মম সাৱকানং ভিক্খূনং উপট্ঠাকানং যদিদং আনন্দো’’তি এৱং খো ভন্তে ভগৱতা পঞ্চসু এতদগ্গট্ঠানেসু ঠপিতো.

সতসহস্সেন মে কীতং,

সতসহস্সেন মাপিতং;

সোভনং নাম উয্যানং;

পটিগ্গণ্হ মহামুনি –

‘‘এতদগ্গং ভিক্খৱে মম সাৱকানং ভিক্খূনং বহুস্সুতানং. সতিমন্তানং. গতিমন্তানং. ধিতিমন্তানং. উপট্ঠাকানং যদিদং আনন্দো’’ –

উপালিৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতেসু একচত্তালীসায মহাথেৰেসু আযস্মা উপালিত্থেৰো পঠমমহাসংগীতিকালে ৱিনযৱিস্সজ্জকভূতো কথং এতদগ্গট্ঠানে ঠপিতো.

ৱিস্সজ্জনা – আযস্মা ভন্তে উপালিত্থেৰো পঠমমহাসংগীতিকালে ৱিনযৱিস্সজ্জকভূতো ‘‘এতদগ্গং ভিক্খৱে মম সাৱকানং ভিক্খূনং ৱিনযধৰানং যদিদং উপালী’’তি এৱং খো ভন্তে ভগৱতা এতদগ্গট্ঠানে ঠপিতো.

ৱিনযো ৱাসযো ময্হং,

ৱিনযো ঠানচঙ্কমং;

কপ্পেমি ৱিনযে ৱাসং,

ৱিনযো মম গোচৰো.

মহাপজাপতিগোতমীথেৰীৱত্থু

পুচ্ছা – এতদগ্গৱগ্গে আৱুসো আগতাসু তেৰসসু থেৰীসু মহাপজাপতি গোতমীথেৰী কথং ভগৱতা এতদগ্গট্ঠানে ঠপিতা.

ৱিস্সজ্জনা – এতদগ্গৱগ্গে ভন্তে আগতাসু তেৰসসু থেৰীসু মহাপজাপতিগোতমীথেৰী ‘‘এতদগ্গং ভিক্খৱে মম সাৱিকানং ভিক্খুনীনং ৰত্তঞ্ঞূনং যদিদং মহাপজাপতি গোতমী’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং ভিক্খুনীনং ৰত্তঞ্ঞূনং যদিদং মহাপজাপতিগোতমী’’ –

পুচ্ছা – খেমাথেৰী পন আৱুসো অগ্গসাৱিকা ভগৱতা কথং এতদগ্গট্ঠানে ঠপিতা.

ৱিস্সজ্জনা – খেমাথেৰী ভন্তে পঠমা অগ্গসাৱিকা ‘‘এতদগ্গং ভিক্খৱে মম সাৱিকানং ভিক্খুনীনং মহাপঞ্ঞানং যদিদং খেমা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘যে ৰাগৰত্তানুপতন্তি সোতং,

সযংকতং মক্কটোৱ জালং,

এতম্পি ছেত্ৱান ৱজন্তি ধীৰা;

অনপেক্খিনো সব্বদুক্খং পহায’’ –

‘‘এতদগ্গং ভিক্খৱে মম সাৱিকানং ভিক্খুনীনং মহাপঞ্ঞানং যদিদং খেমা’’ –

পুচ্ছা – উপ্পলৱণ্ণা পন আৱুসো থেৰী দুতিযঅগ্গসাৱিকা ভগৱতা কথং এতদগ্গট্ঠানে ঠপিতা.

ৱিস্সজ্জনা – উপ্পলৱণ্ণা ভন্তে থেৰী দুতিযঅগ্গসাৱিকা ‘‘এতদগ্গং ভিক্খৱে মম সাৱিকানং ভিক্খুনীনং ইদ্ধিমন্তীনং যদিদং উপ্পলৱণ্ণা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘এতদগ্গং ভিক্খৱে মম সাৱিকানং ভিক্খুনীনং ইদ্ধিমন্তীনং যদিদং উপ্পলৱণ্ণা’’ –

পটাচাৰাথেৰীভিক্খুনীমৱত্থু

পুচ্ছা – তেনাৱুসো ভগৱতা…পে… সম্মাসম্বুদ্ধেন অঙ্গুত্তৰনিকাযে এককনিপাতে এতদগ্গৱগ্গে আগতাসু তেৰসসু থেৰীসু পটাচাৰানাম থেৰী কথং এতদগ্গট্ঠানে ঠপিতা.

ৱিস্সজ্জনা – এতদগ্গৱগ্গে ভন্তে আগতাসু তেৰসসু থেৰিকাসু পটাচাৰা থেৰী ‘‘এতদগ্গং ভিক্খৱে মম সাৱিকানং ভিক্খুনীনং ৱিনযধৰানং যদিদং পটাচাৰা’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘উভো পুত্তা কালঙ্কতা,

পন্থে ময্হং পতী মতো;

মাতাপিতা চ ভাতা চ,

একচিতকস্মিং ডয্হৰে’’ –

‘‘চতূসু সমুদ্দেসু জলং পৰিত্তকং,

ততো বহুং অস্সুজলং অনপ্পকং;

দুক্খেন ফুট্ঠস্স নৰস্স সোচনা,

কিং কাৰণা অম্ম তুৱং পমজ্জসি’’ –

‘‘ন সন্তি পুত্তা তাণায,

ন পিতা নাপি বন্ধৱা;

অন্তকেনাধিপন্নস্স,

নত্থি ঞাতীসু তাণতা;

এতমত্থৱসং ঞত্ৱা, পণ্ডিতো সীলসংৱুতো;

নিব্বানগমনং মগ্গং, খিপ্পমেৱ ৱিসোধযে’’ –

‘‘যো চ ৱস্সসতং জীৱে,

অপস্সং উদযব্বযং;

একাহং জীৱিতং সেয্যো,

পস্সতো উদযব্বযং’’ –

‘‘এতদগ্গং ভিক্খৱে মম সাৱিকানং ভিক্খুনীনং ৱিনযধৰানং যদিদং পটাচাৰা’’ –

ধম্মদিন্নাথেৰীভিক্খুনীমৱত্থু

পুচ্ছা – ধম্মদিন্না পন আৱুসো থেৰী ভগৱতা কথং এতদগ্গট্ঠানে ঠপিতা.

ৱিস্সজ্জনা – ধম্মদিন্না ভন্তে থেৰী ‘‘এতদগ্গং ভিক্খৱে মম সাৱিকানং ভিক্খুনীনং ধম্মকথিকানং যদিদং ধম্মদিন্না’’তি এৱং খো ভন্তে ভগৱতা এতদগ্গট্ঠানে ঠপিতা.

‘‘যস্স পুৰে চ পচ্ছা চ,

মজ্ঝেচ নত্থি কিঞ্চনং;

অকিঞ্চনং অনাদানং,

তমহং ব্ৰূমি ব্ৰাহ্মণং’’ –