৬৩. পুব্বে+ককত্তুকানং

একো কত্তা যেসং ব্যাপাৰানং, তেসু যো পুব্বো, তদত্থতো ক্ৰিযত্থা তুনাদযো হোন্তি ভাৱে. ‘‘তুংতুনা’’ দিনা কৰস্স আ, সো কাতুন কম্মং গচ্ছতি, অকাতুন পুঞ্ঞং কিলিস্সন্তি. ৰলোপে কম্মং কত্ৱান ভদ্ৰকং, পুঞ্ঞানি কত্ৱা সগ্গং গচ্ছতি. অভিসঙ্খৰণং কত্ৱা অভিসঙ্খৰিত্ৱা কৰিত্ৱা ৱা. তথা সিব্বিত্ৱা ছাদযিত্ৱা জানিত্ৱা ধম্মং সুত্ৱা সুত্ৱান ধম্মং মোদতি, সুণিত্ৱা, পত্ৱা পাপুণিত্ৱা, কিনিত্ৱা, জেত্ৱা জিনিত্ৱা জিত্ৱা, চোৰেত্ৱা চোৰযিত্ৱা, পূজেত্ৱা পূজযিত্ৱা, তথা মেত্তং ভাৱেত্ৱা ভাৱযিত্ৱা, ৱিহাৰং কাৰেত্ৱা কাৰযিত্ৱা কাৰাপেত্ৱা কাৰাপযিত্ৱা সগ্গং গমিস্সন্তি+চ্চাদি. পুব্বেতি কিং, ভুঞ্জতি চ পচতি চ. ‘‘অপত্ৱা নদিং পব্বতো, অতিক্কম্ম পব্বতং নদী’’তিআদীসু ভূধাতুস্স সম্ভৱা এককত্তুকতা পুব্বকালতা চ গম্যতে. ‘‘ভুত্ৱা ভুত্ৱা গচ্ছতী’’তি ইমিনাৱ সিদ্ধং, আভিক্খঞ্ঞন্তু দ্ৱিব্বচনাৱ গম্যতে. কথং ‘‘জীৱগ্গাহং অগাহযি, কাযপ্পচালকং গচ্ছতী’’তি, ঘণন্তেন ক্ৰিযাৱিসেসনেন সিদ্ধং, যথা ওদনপাকং সযতীতি.