৪৬. ইংস্স চ সিঞ

ইমিচ্চস্স সিঞ হোতি ম্হাত্থানঞ্চ বহুলং. ঞাকাৰো আখ্যাৱযৱত্থো (উকাৰো) ইকাৰো উচ্চাৰণত্থো. ‘‘অঈস্সা’’ দিনা ইঞাগমে তুম্হে অহোসিত্থ, অহোসি. পৰস্সৰলোপে ৰস্সে চ অহুং, অহোসিম্হ, অহুম্হ, ৰস্সো. ভাৱে-অভৱি, আস্সত্থাদেসো, অভৱিত্থ. অনজ্জতনে আঊআদিপচ্চযে কতে ‘‘যুৱণ্ণান+মিয ঙুৱঙ সৰে’’তি উৱঙাদেসে অহুৱা, অহুৱু, অহুৱো, অহুৱত্থ. অস্স অমাদেসে অহুং অহুৱং, অহুম্হ ইচ্চাদি. ভাৱে-তেন অহুযি অহুযিত্থ. অহৱিস্সা, অহৱিস্সংসু ইচ্চাদি. ভাৱে-অহুযিস্স, অহুযিস্সথ. পুব্বস্সৰলোপো, হেয্য, হেয্যুং ইচ্চাদি. ভাৱে-হূযেয্য, হূযেথ. হোতু, হোন্তু ইচ্চাদি. ভাৱে-হূযতু, হূযতং. অনুপুব্বে অনুভোতি ইচ্চাদি সব্বৱাৰেসু যোজেতব্বং. ভাৱে ৰূপাভাৱা. কম্মে-অনুভূযতি ইচ্চাদি ৱিসেসো.

সি=সযে, লস্স লোপো ৱুদ্ধি, সেতি. অযাদেসে সযতি, সেন্তি সযন্তি ইচ্চাদি. কম্মে-অতিপুব্বো, ক্যে ‘‘দীঘো সৰস্সা’’তি ইস্স দীঘে চ কতে তেন অতিসীযতি, অতিসীযন্তি ইচ্চাদি. ভাৱে-তেন সীযতি, সীযতে. তথা ভৱিস্সতিআদীসু.

নী=পাপনে, দ্ৱিকম্মকো+যং, অজং গামং নেতি নযতি, নেন্তি নযন্তি ইচ্চাদি. কম্মে-নীযতে গামং অজো দেৱদত্তেন ইচ্চাদি. তথা সেসেসুপি যোজেতব্বং.

ঠা=গতিনিৱত্তিযং –