৭. য্যোদো ৱা+তিপত্তিযং স্সা স্সংসু স্সে স্সথ স্সং স্সম্হা স্সথ স্সিংসুস্সসেস্সৱ্হেস্সিং স্সাম্হসে.

এয্যাদো ৱিসযে ক্ৰিযাতিপত্তিযং স্সাদযো হোন্তি. ৱিধুৰপচ্চযোপনিপাততো কাৰণৱেকল্লতো ৱা ক্ৰিযাতিপতন+মনিপ্ফত্তি ক্ৰিযাতিপত্তি. এতে চ স্সাদযো সামত্থিযা অতীতানাগতেস্ৱেৱ হোন্তি, ন ৱত্তমানে, তত্ৰ ক্ৰিযাতিপত্যসম্ভৱা. ইঞাগমে স্সাস্স ৱা ৰস্সে চ সচে সো পঠমৱযে পব্বজ্জং অলভিস্স, অৰহা অভৱিস্স ভৱিস্স অভৱিস্সা ভৱিস্সা ৱা, তে চ তং অলভিস্সংসু, অৰহন্তো অভৱিস্সংসু ভৱিস্সংসু. ‘‘এয্যাথা’’দিনা স্সেস্স ৱা অকাৰে ত্ৱং অভৱিস্স ভৱিস্সে. তুম্হে অভৱিস্সথ. অহং অভৱিস্সং. ৰস্সে মযং অভৱিস্সম্হ ভৱিস্সম্হ অভৱিস্সম্হা ভৱিস্সম্হা. পৰচ্ছক্কে-সো অভৱিস্সথ, অভৱিস্সিংসু. অভৱিস্সসে, অভৱিস্সৱ্হে. অভৱিস্সিং, অভৱিস্সাম্হসে.

কম্মে-তেন সুখং অন্ৱভৱিস্স, অন্ৱভৱিস্সংসু ক্যলোপো. অন্ৱভূযিস্স অন্ৱভূযিস্সা ইচ্চাদি. ভাৱে-তেন অভূযিস্স ভূযিস্স অভূযিস্সা ভূযিস্সা. অভূযিস্সথ ভূযিস্সথ.

এৱং তণ্ডুলাদিসাধনং অলভিস্স, ওদনং অপচিস্স পচিস্স ইচ্চাদি. কম্মে-তেন ওদনো অপচিস্স পচিস্স অপচিস্সা পচিস্সা অপচীযিস্স পচীযিস্স অপচীযিস্সা পচীযিস্সা অপচ্চিস্স পচ্চিস্স অপচ্চিস্সা পচ্চিস্সা ইচ্চাদি.

সো অগচ্ছিস্স গচ্ছিস্স অগচ্ছিস্সা গচ্ছিস্সা ইচ্চাদি. চ্ছাদেসা+ভাৱে অগমিস্স গমিস্স অগমিস্সা গমিস্সা ইচ্চাদি. কম্মে-অগচ্ছিস্স গচ্ছিস্স অগচ্ছীযিস্স ইচ্চাদি. অগমিস্স গমিস্স অগমীযিস্স ইচ্চাদি. তথা অঘম্মিস্স ইচ্চাদি. (ক্ৰিযাতিপত্তিপচ্চযনযো).