৫. অনজ্জতনে আ ঊও ত্থ অ ম্হা ত্থ ত্থুং সে ৱ্হং ইং ম্হসে

অৱিজ্জমানজ্জতনে ভূতত্থে ৱত্তমানতো ক্ৰিযত্থা আআদযো হোন্তি ৱা. ‘‘এয্যাথা’’দিনা ত্থে ‘‘আ ঈ ঊ ম্হা’’ ইচ্চাদিনা ৰস্সে চ সো অভৱত্থ ভৱত্থ অভৱ ভৱ অভৱা ভৱা, তে অভৱু ভৱু অভৱূ ভৱূ. ও, ‘‘ওস্সা’’তিআদিনা অআদযো, অভৱ ভৱ অভৱি ভৱি অভৱত্থ ভৱত্থ অভৱত্থো ভৱত্থো, সিআদেসে অভৱসি ভৱসি অভৱো ভৱো. তুম্হে অভৱত্থ ভৱত্থ. অহং অভৱং ভৱং অভৱ ভৱ, মযং অভৱম্হ ভৱম্হ অভৱম্হা ভৱম্হা. সো অভৱত্থ ভৱত্থ. তে অভৱত্থুং ভৱত্থুং. ত্ৱং অভৱসে ভৱসে. তুম্হে অভৱৱ্হং ভৱৱ্হং. ‘‘ইস্স চ সিঞ’’তি সিং, অহং অভৱসিং ভৱসিং অভৱিং ভৱিং. মযং অভৱম্হসে ভৱম্হসে. কম্মে-ত্থে সুখং তযা অনুভূযিত্থ, ইঞাগমাভাৱে অনুভূযত্থ ইচ্চাদি. ভাৱে-অভূযত্থ ভূযত্থ ইচ্চাদি.

সো ওদনং অপচত্থ পচত্থ ইচ্চাদি কত্তুসমং. কম্মে-অপচীযত্থ পচীযত্থ অপচ্চত্থ পচ্চত্থ অপচীয পচীয অপচীযা পচীযা অপচ্চ পচ্চ অপচ্চা পচ্চা. অপচীযু পচীযু অপচীযূ পচীযূ অপচ্চু পচ্চু অপচ্চূ পচ্চূ ইচ্চাদি. ‘‘মাযোগে ঈ+আআদী’’তি মাযোগেপি আআদযো, মা ভৱং অপচ্চত্থ ইচ্চাদি.

তথা অগচ্ছত্থ গচ্ছত্থ ইচ্চাদি পুৰিমসমং. তথা অগমত্থ গমত্থ ইচ্চাদিপি অঘম্মত্থ ঘম্মত্থ ইচ্চাদিপি. (অনজ্জতনপচ্চযনযো).