৪৬. ইংস্স চ সিঞ

ইংস্স চ সিঞ ৱা হোতি ম্হাত্থানঞ্চ বহুলং. ইকাৰঞ্ঞকাৰা উচ্চাৰণআদ্যাৱযৱত্থা. অভৱসিত্থ ভৱসিত্থ, অভৱিত্থ ভৱিত্থ, অভৱত্থ ভৱত্থ, অভৱিসিং ভৱিসিং, অভৱসিং ভৱসিং, অভৱিং ভৱিং. উঞাগমে আস্স ৰস্সো. অভৱুম্হ ভৱুম্হ অভৱুম্হা ভৱুম্হা. সিঞাগমে অভৱসিম্হ ভৱসিম্হ অভৱসিম্হা ভৱসিম্হা অভৱিম্হ ভৱিম্হ অভৱিম্হা ভৱিম্হা অভৱম্হ ভৱম্হ অভৱম্হা ভৱম্হা. পৰচ্ছক্কে – ‘‘এয্যাথা’’দিনা ত্থে অভৱিত্থ ভৱিত্থ অভৱত্থ ভৱত্থ. ৰস্সে অভৱথ ভৱথ, অভৱা ভৱা, অভৱু ভৱু. অভৱিসে ভৱিসে, অভৱসে ভৱসে, অভৱিৱ্হং ভৱিৱ্হং অভৱৱ্হং ভৱৱ্হং, অস্স অ+মাদেসে অভৱং ভৱং অভৱ ভৱ, অভৱিম্হে ভৱিম্হে অভৱম্হে ভৱম্হে. কম্মে সুখং তযা অনুভূযিত্থো অন্ৱভূযত্থো অনুভূযত্থো অন্ৱভূসি অনুভূসী অন্ৱভূযী অনুভূযী, অন্ৱভূযিংসু অনুভূযিংসু অন্ৱভূযংসু অনুভূযংসু অন্ৱভূযুং অনুভূযুং ইচ্চাদি. ভাৱে-তেন অভূযিত্থো ভূযিত্থো অভূযত্থো ভূযত্থো অভূযি ভূযি অভূযী ভূযী. তেন অভূযত্থ ভূযত্থ অভূয ভূয অভূযা ভূযা.

সো অপচিত্থো পচিত্থো ইচ্চাদি কত্তুসমং. কম্মে-অপচীযিত্থো পচীযিত্থো অপচীযত্থো পচীযত্থো. চৱগ্গপুব্ব- ৰূপে অপচ্চিত্থো পচ্চিত্থো অপচ্চত্থো পচ্চত্থো অপচীযি পচীযি অপচীযী পচীযী অপচ্চি পচ্চি অপচ্চী পচ্চী, অপচীযিংসু পচীযিংসু অপচিংসু পচিংসু অপচীযংসু পচীযংসু অপচ্চংসু পচ্চংসু অপচীযুং পচীযুং অপচ্চুং পচ্চুং ইচ্চাদি কত্তুসমং, পুব্বৰূপোৱ ৱিসেসো.

সো গামং অগচ্ছিত্থো গচ্ছিত্থো ইচ্চাদি পুৰিমসমং.