৪৯. ক্যস্স স্সে

ক্যস্স ৱা লোপো হোতি স্সে. সুখং তযা অনুভৱিস্সতি, অনুভৱিস্সন্তি. অনুভৱিস্সসি, অনুভৱিস্সথ. অনুভৱিস্সামি, অনুভৱিস্সাম. অঞ্ঞত্ৰ অনুভূযিস্সতি, অনুভূযিস্সন্তি ইচ্চাদি. এৱং পৰচ্ছক্কে. ভাৱে-ভূযিস্সতি ভূযিস্সতে.

কত্তৰি-পচিস্সতি, পচিস্সন্তি ইচ্চাদি. কম্মে-পচিস্সতি ওদনো দেৱদত্তেন, পচীযিস্সতি, পচ্চিস্সতি. পচ্চিস্সন্তি ওদনা পচীযিস্সন্তি, পচীযিস্সৰে, পচ্চিস্সৰে, পচ্চিস্সন্তি.

গমিতো কত্তৰি-সো গচ্ছিস্সতি, তে গচ্ছিস্সন্তি. ত্ৱং গচ্ছিস্সসি, তুম্হে গচ্ছিস্সথ. অহং গচ্ছিস্সামি, মযং গচ্ছিস্সাম. গচ্ছিস্সতে, গচ্ছিস্সন্তে. গচ্ছিস্সসে, গচ্ছিস্সৱ্হে. গচ্ছিস্সং, গচ্ছিস্সাম্হে. সগ্গং গমিস্সতি, গমিস্সন্তি. গমিস্সসি, গমিস্সথ. গমিস্সামি, গমিস্সাম ইচ্চাদি. কম্মে-গচ্ছিযিস্সতি, গচ্ছিযিস্সন্তি ইচ্চাদি. ক্যলোপে গমিস্সতি, গমিস্সন্তি ইচ্চাদি. তথা ঘম্মিস্সতি ঘম্মীযিস্সতি, ঘম্মিস্সন্তি, ঘম্মীযিস্সন্তি ইচ্চাদি.