৫,৪. তুংস্মা লোপো চি+চ্ছাযং তে

তুমন্ততো ইচ্ছায+মত্থে তে খ+স+ছা হোন্তি বহুলং, তুংপচ্চযস্স লোপো চ হোতি, সুতত্তা. ভুজ=পালন+জ্ঝোহাৰেসু. ভোজনাযাতি ৱিগ্গয্হ ‘‘তুং+তাযে’’চ্চাদিনা তুংপচ্চযে ‘‘লহুস্সুপন্তস্সা’’তি ওকাৰে পৰৰূপে চ কতে ভোত্তু+মিচ্ছতীতি ৱিগ্গয্হ ইমিনা খপচ্চযে তুংপচ্চযস্স ইমিনা চ লোপে ‘‘নিমিত্তাভাৱে নেমিত্তিকস্সাপি চ অভাৱো’’তি ঞাযা পৰৰূপওকাৰানং অভাৱে খস্স পৰৰূপ+খকাৰাদিম্হি চ কতে ভুক্খ ভুক্খ ইতি দ্ৱিত্তে ততিযবকাৰো হোতি, বুভুক্খধাতুতো ত্যাদযো হোন্তি, বুভুক্খতি, বুভুক্খন্তি ইচ্চাদি.

জি=জযে, জযনায ইতি ৱিগ্গয্হ পুৰে ৱিয তুমাদিম্হি কতে জেতু+মিচ্ছতীতি ৱিগ্গয্হ সপ্পচ্চযে জিস জিস ইতি দ্ৱিত্তে অনাদিব্যঞ্জনলোপে দ্ৱিত্তে পৰস্স জিস্স ‘‘জিহৰানং গিং’’তি গিং. জিগিংসধাতুতো ত্যাদীসু জিগিংসতি, জিগিংসন্তি ইচ্চাদি.

ঘস=অদনে, ঘসিতু+মিচ্ছতি ছপ্পচ্চযাদিম্হি পুৰে ৱিয কতে ঘস্স ‘‘কৱগ্গহা’’দিনা ঝে ঝস্স ‘‘চতুত্থদুতিযা’’ দিনা জকাৰে ‘‘খছসেস্ৱস্সী’’তি ইকাৰে চ কতে জিঘচ্ছধাতুতো ত্যাদযো হোন্তি. জিঘচ্ছতি, জিঘচ্ছন্তি+চ্চাদি.