৫,১. তিজ+মানেহি খ+সা খমা+ৱীমংসাসু

খন্তিযং তিজা, ৱীমংসাযং মানা চ খ+সপচ্চযা হোন্তি যথাক্কমং. তিজ=নিসানে, অকাৰস্সা+পযোগো. খে ‘‘লহুস্সুপন্তস্সা’’তি পত্তে+কাৰস্স ‘‘অঞ্ঞত্ৰাপী’’তি পটিসেধো. যকাৰৱজ্জিতব্যঞ্জনস্স ‘‘পৰৰূপ+মযকাৰে ব্যঞ্জনে’’তি পৰৰূপঞ্চ. ‘‘চতুত্থদুতিযা’’ দিনা পঠমক্খৰককাৰে চ ‘‘খছসান+মেকস্সৰো+দি দ্ৱে’’তি তিক্খ তিক্খ ইতি দ্ৱিভাৱে ‘‘লোপো+নাদিব্যঞ্জনস্সা’’তিআদিতো+ঞ্ঞস্স ব্যঞ্জনস্স লোপে চ কতে তিতিক্খাধাতুতো ত্যাদিপচ্চয+লৱিকৰণানি. তিতিক্খতি ইচ্চাদি পুৰিমসমং. কম্মে-তিতিক্খীযতি ইচ্চাদি. ইতো পৰং কম্মোদাহৰণং ন কৰিস্সাম.

মান=পূজাযং+তিমস্মা সপচ্চয, দ্ৱিত্তাদিম্হি কতে ‘‘মানস্স ৱী পৰস্স চ মং’’তি পুব্বমানস্স ৱী চ পৰমানস্স মঞ্চ হোতি. ৱীমংসধাতুতো তিপচ্চযাদিম্হি কতে ৱীমংসতি ইচ্চাদি. তিতিক্খিস্সতি, ৱীমংসিস্সতি ইচ্চাদি. এৱ+মুপৰিপি অজ্জতনাদীসুপি যোজেতব্বং. পযোজকত্তা ণি, ‘‘ণিণাপ্যাপীহি ৱা’’তি লৱিকৰণং, তেজযতি তেজেতি. তথা চুৰাদিত্তা ন লৱিকৰণং, মানযতি মানেতি.