২৯. তেন কতং কীতং বদ্ধ+মভিসঙ্খতং সংসট্ঠং হতং হন্তি জিতং জযতি দিব্বতি খনতি তৰতি চৰতি ৱহতি জীৱতিতি

কতাদীস্ৱ+ত্থেসু ণিকো. কাযেন কতং কাযিকং, ৱাচসিকং, মানসিকংতি সকাগমো. ৱাতেন কতো আবাধো ৱাতিতো, সেম্হিকো, পিত্তিকো. সতেন কীতং সাতিকং, সাহস্সিকং, ৱত্থেন কীতং ৱত্থিকং, কুম্ভিকং, সোৱণ্ণিকং, ঘাতিকং. মূলতোৱ পচ্চযো, অমূলৱাচিত্তা দেৱদত্তেন কীতোতি ন হোতি, তদত্থাপ্পতীতিযা. ৱৰত্থায বদ্ধো ৱাৰত্তিকো, আযসিকো, পাসিকো, সুত্তিকো. ঘতেন অভিসঙ্খতং সংসট্ঠং ৱা ঘাতিকং, গোড়িকং, দধিকং, মাৰীচিকং. জালেন হতো হন্তীতি ৱা জালিকো, বালিসিকো. অক্খেহি জিতং অক্খিকং ধনং, সালাকিকং, তিন্দুকিকো, অম্বফলিকো. অক্খেহি জযতি দিব্বতি ৱা অক্খিকো. খণিত্তিযা খনতীতি খাণিত্তিকো, কুদ্দালিকো. দেৱদত্তেন জিতং, অঙ্গুল্যা খনতীতি ন হোতি, তদত্থানৱগমা. উড়ুম্পেন তৰতীতি ওড়ুম্পিকো, উড়ুম্পিকোতি ইকো. কুল্লিকো, গোপুচ্ছিকো, নাৱিকো. সকটেন চৰতীতি সাকটিকো, ৰথিকো. পৰপ্পিকোতি ইকো. খন্ধেন ৱহতীতি খন্ধিকো. অংসিকো, সীসিকোতি ইকো. ৱেতনেন জীৱতীতি ৱেতনিকো, ভতিকো, কযিকো, ৱিক্কযিকো, কযৱিক্কযিকোতি ইকো.