২৫. কণ+ণেয্য+ণেয্যক+যি+যাতি

ভৱত্থে কণআদযো হোন্তি. কণ-কুসিনাৰাযং ভৱো কোসিনাৰকো, মাগধকো, আৰঞ্ঞকো ৱিহাৰো, ৰাজগহকো, কোসম্বকো, ইন্দপত্তকো, কাপিলকো, ভাৰুকচ্ছকো, নাগৰকো. অঙ্গেসু জাতো অঙ্গকো, কোসলকো, ৱেদেহকো, কম্বোজকো, গন্ধাৰকো, সোৱীৰকো, সিন্ধৱকো, অস্সকো ইচ্চাদি. ণেয্য-গঙ্গেয্যো, পব্বতেয্যো, ৱানেয্যো. ণেয্যক-কোসলেয্যকো, বাৰাণসেয্যকো, চম্পেয্যকো, সিলায জাতং সেলেয্যকং, মিথিলেয্যকো. বাৰাণসেয্যকোত্যাদীসু ‘‘দিস্সন্ত+ঞ্ঞেপি পচ্চযা’’তি এয্যকো, এৱং উপৰি সুত্তে দস্সিতপচ্চযতো ৱিসুং পচ্চযে দস্সিতে ইমিনা সুত্তেনাতি দট্ঠব্বং. য-গম্মো, যম্হি অকাৰলোপে পুব্বৰূপং ৰস্সো চ. দিব্বো. ইয-উদৰিযো, দিৱিযো, পঞ্চালিযো, বোধিপক্খিযো, লোকিযো.