১২৭. কোসজ্জা+জ্জৱ+পাৰিসজ্জ+সোহজ্জ+মদ্দৱা+ৰিস্সা+সভা+জঞ্ঞ+থেয্য+ বাহুসচ্চা

এতে সদ্দা নিপচ্চন্তে ণানুবন্ধে. কুসীতস্স ভাৱোতি ভাৱে ণ্যো হোতি, ইমিনা ঈস্স অকাৰে চ তস্স জে চ কতে যস্স পুব্বৰূপং, কোসজ্জং. উজুনো ভাৱে অজ্জৱংতি ণো, ইমিনা উস্স অত্তং, ‘‘উৱণ্ণস্সা+ৱঙ সৰে’’তি অৱঙআদেসে জস্স দ্ৱিত্তং. পৰিসাসু সাধূতি ৱাক্যে ‘‘ণ্যো তত্থ সাধূ’’তি ণ্যো, ইমিনা জাগমো চ, ‘‘ব্যঞ্জনে দীঘৰস্সা’’তি আস্স ৰস্সে চ কতে জস্স পুব্বৰূপং, পাৰিসজ্জো. ইমিনা কমেন ৱাক্যেনেৱ সদ্দসিদ্ধি ৱেদিতব্বা. সুহদযোৱ সুহজ্জো, তস্স ভাৱো সোহজ্জং, ইমিনা অযলোপো. মুদুনো ভাৱো মদ্দৱং, ইমিনা উস্স অত্তং. ইসিনো ইদং ভাৱো ৱা আৰিস্সং, ণ্যপচ্চযে ইমিনা আৰঞাগমে ‘‘লোপো+ৱণ্ণি+ৱণ্ণানং’’তি অন্তইকাৰলোপো চ. উসভস্স ইদং ভাৱো ৱা আসভং, ইমিনা উস্স আ. আজানীযস্স ভাৱো আজঞ্ঞং, ইমিনা যলোপে ‘‘লোপো+ৱণ্ণি+ৱণ্ণানং’’তি ঈকাৰলোপো. থেনস্স ভাৱো থেয্যং, ইমিনা নস্স যকাৰো. বহুস্সুতস্স ভাৱো বাহুসচ্চং, ইমিনা উস্স অকাৰো সংযোগাদিলোপো. (ভাৱতদ্ধিতং).