৩৫. ছট্ঠী চা+নাদৰে

যস্স ভাৱো ভাৱন্তৰস্স লক্খণং ভৱতি, ততো ছট্ঠী হোতি সত্তমী চা+নাদৰে গম্যমানে. অকামকানং মাতাপিতূনং ৰুদন্তানং পব্বজি, মাতাপিতূসু ৰুদন্তেসু ৱা. ‘‘আকোটযন্তো সো নেতি, সিৱিৰাজস্স পেক্খতে’’, ‘‘মচ্চু আদায গচ্ছতি, পেক্খমানে মহাজনে’’.

গুন্নং সামীতি সম্বন্ধে ছট্ঠী, গোসু সামীতি ৱিসযসত্তমী. এৱং গুন্নমিস্সৰো, গোস্ৱি+স্সৰো, গুন্নং অধিপতি, গোসু অধিপতি, গুন্নং দাযাদো, গোসু দাযাদো, গুন্নং সক্খী, গোসু সক্খী, গুন্নং পতিভূ, গোসু পতিভূ, গুন্নং পসুতো, গোসু পসুতো, কুসলা নচ্চগীতস্স, কুসলা নচ্চগীতে, আযুত্তো কটকৰণস্স, আযুত্তো কটকৰণে. তথা আধাৰৱচনিচ্ছাযং সত্তমী, ভিক্খূসু অভিৱাদেন্তি, মুদ্ধনি চুম্বিত্ৱা, বাহাসু গহেত্ৱা, হত্থেসু পিণ্ডায চৰন্তি, কদলীসু গজে ৰক্খন্তি, ঞাণস্মিং পসন্নো, ঞাণস্মিং উস্সুক্কোতি ৱিসযসত্তমী.