২১. গুণে

পৰঙ্গভূতে হেতুম্হি পঞ্চমী হোতি ৱা. জড়ত্তা বদ্ধো, জড়ত্তেনৱা, পঞ্ঞায মুত্তো, হুত্ৱা অভাৱতো অনিচ্চা, সঙ্খাৰনিৰোধা ৱিঞ্ঞাণনিৰোধো. বহুলংৱিধানা সত্তম্যত্থেহিপি, তেন সমযেন, কালেন ধম্মসাকচ্ছা, পুৰত্থিমেন ধতৰট্ঠো, দক্খিণেন ৱিৰূড়্হকো, উত্তৰেন কপিলৱত্থু, যেন ভগৱা, তেনুপসঙ্কমি, সো ৱো মম+চ্চযেন সত্থাতি. মাসেন ভুঞ্জতি, একাহেনেৱ বাৰাণসিং পাৱিসি, নৱহি মাসেহি ৱিহাৰং কাৰাপেসি, কহাপণেন ঊনো, ধনেন ৱিকলো, অসিনা কলহো, আচাৰেন নিপুণো, গুড়েন মিস্সকং, ৱাচায সখিলো, মণিনা অত্থো, ধনেন অত্থো, যোজনেন গচ্ছতি ইচ্চাদি হেতুম্হি কৰণে ৱা ততিযা. অত্তনাৱ অত্তানং সম্মন্নতীতি পচ্চত্তে বহুলংৱিধানা কত্তৰি ততিযা. এৱং তিলেহি খেত্তে ৱপতীতি কম্মত্থে, সুমুত্তা মযং তেন মহাসমণেনাতি পঞ্চম্যত্থে চ.