৮৮. যোলোপ+নিসু দীঘো

যোনং লোপেনিসু চ দীঘো হোতি. মুনি. মুনযোতি এত্থ যোলোপো কিমত্থং ন হোতি, অক্কেন ঝত্তস্স নাসিতত্তা. কিন্তি পঠমং ন হোতি, অন্তৰঙ্গত্তা ঝত্তস্স. ভো মুনি মুনী, মুনযো মুনী. মুনিং, মুনযো মুনী. মুনিনা, মুনীহি মুনীভি. ‘‘যোলোপনিসু’’ ‘‘ৱীমন্তুৱন্তূন’’ মিচ্চাদিঞাপকা ইকাৰুকাৰানং সুনংহিসু দীঘস্সা+নিচ্চত্তা মুনিহি মুনিনং মুনিসু ইতিপি হোতি. ‘‘ঝলা সস্স নো’’তি নো, মুনিনো মুনিস্স, মুনীনং. ‘‘নাস্মাস্সা’’তি না, মুনিনা মুনিম্হা মুনিস্মা. মুনিম্হি মুনিস্মিং, মুনীসু. ‘‘ইতো ক্ৱচি সস্স টানুবন্ধো’’ (গণসুত্ত)তি ব্ৰহ্মাদীসু পাঠা ‘‘যো চ সিস্সো মহামুনে’’তি এত্থ ‘‘ঘ+ব্ৰহ্মাদিতে’’তি সস্স এট.

এৱং –

জোতি পাণি গণ্ঠি মুট্ঠি, কুচ্ছি ৱত্থি সালি ৱীহি;

ব্যাধি ওধি বোধি সন্ধি, ৰাসি কেসি সাতি দীপি.

ইসি গিনি মণি ধনি, গিৰি ৰৱি কৱি কপি;

অসি মসি নিধি ৱিধি, অহি কিমি পতি হৰি.

অৰি তিমি কলি বলি, জলধি চ গহপতি;

উৰমিতি ৱৰমতি, নিৰুপধি অধিপতি;

অঞ্জলি সাৰথি অতিথি, সমাধি উদধিপ্পভুতযো.

অগ্গি+ইসীনং অযং ৱিসেসো –