১৪৬. ভৱতো ৱা ভোন্তোগ+যো+না+সে

ভৱন্তসদ্দস্স ভোন্তাদেসো ৱা হোতি গ+যো+না+সে. ন্তোআদেসো, ভোন্তো ভোন্তা ভৱন্তো ভৱন্তা. গে পন ভো ভোন্ত ভোন্তা ভৱ ভৱা ভৱং, ভোন্তো ভোন্তা ভৱন্তো ভৱন্তা. ভোন্তাদেসপক্খে ট+টা+অংআদেসা বহুলাধিকাৰা ন হোন্তি. ভৱং ভৱন্তং, ভোন্তে ভৱন্তে. ভোতা ভোন্তেন ভৱতা ভৱন্তেন, ভৱন্তেহি ভৱন্তেভি. ভোতো ভোন্তস্স ভৱতো ভৱস্স ভৱন্তস্স, ভৱতং ভৱন্তানং. ভৱতা ইচ্চাদি গচ্ছন্তসমং.

ভোইতি আমন্তণে নিপাতো, ‘‘কুতো নু আগচ্ছথ ভো তযো জনা’’তি বহুৱচনেপি দস্সনতো. এৱং ভন্তেতি. ভদ্দেতি ভদ্দসদ্দন্তৰেন সিদ্ধং. ভদ্দন্তইতি দস্স দ্ৱিভাৱেন.

সং সন্তো, সন্তো সন্তা. ভো স সা সং, সন্তো সন্তা. সং সন্তং ‘‘সংযোগাদিলোপোতি নস্স লোপে ‘‘যং যঞ্হি ৰাজ ভজতি, সন্তং ৱা যদি ৱা অসং’’, সন্তে. সতা সন্তেন.