২০০. কি+মংসিসু সহ নপুংসকে

অংসিসু সহ তেহি কিং সদ্দস্স কিংহোতি নপুংসকে. কাদেসস্স সামঞ্ঞত্তা ‘‘ৱিসেসৱিহিতা ৱিধযো সামঞ্ঞৱিধযো নিসেধেন্তী’’তি ঞাযা কিংআদেসেন কাদেসনিৱুত্তি. কিং, কানি. কিং, কে কানি. কেনে+চ্চাদি পুব্বেৱ.

একসদ্দো সংখ্যা+তুল্য+ঞ্ঞ+সহাযৱচনো. যদা সংখ্যাৱচনো, তদা একৱচনন্তো, অত্ৰ একসদ্দো সংখ্যেয্যৱাপী. অঞ্ঞত্ৰ তুল্যাদীসু বহুৱচনন্তোপি. একো, একে. একা, একা একাযো. একং, একানি+চ্চাদি সব্বসমং তিলিঙ্গে.

তুল্যে একো ৱিলাসো দ্ৱিন্নং কুমাৰানং, একে ৱণ্ণসদ্দা দ্ৱিন্নং কুমাৰানং. অঞ্ঞত্থে একো আচৰিযো এৱ+মাহ, একে আচৰিযা এৱ+মাহংসু. অসহাযতে একোৱ অৰঞ্ঞং পৱিসিত্ৱা.

একো, একে. একা, একা একাযো. একং একানি+চ্চাদি সব্বসমং তিলিঙ্গে. স্সা+স্সংসু পন ‘‘স্স’’মাদিনা ই, একিস্সা একায, একিস্সং একাযং একায.

ইধ অত্তপৰগাৰৱৱসেন একস্সাপি ‘‘অম্হাকং ৰঞ্ঞো’’তিপি ‘‘একে আচৰিযা’’তিপি বহুৱচনস্স লোকেন ইচ্ছিতত্তা বহুলৱিধানা বহুৱচনেনেৱ সিজ্ঝতি.

তুম্হ+অম্হসদ্দা অলিঙ্গা, তথা উভ+কতি+দ্ৱিসদ্দা, পঞ্চাদযো অট্ঠাৰসন্তা চ. তুম্হ সি, অম্হ সি.