১৬৭. নজ্জা ধযাস্ৱাম

যোসু নদীসদ্দস্স আম ৱা হোতি. সুঞ+নক+আম ইত্যাদি ঞ্ঞকাৰ+ককাৰ+মকাৰা আগমলিঙ্গা. স চ ‘‘মানুবন্ধো সৰান+মন্তা পৰো’’তি মানুবন্ধত্তা সৰান+মন্তা পৰো হোতীতি ঈকাৰা পৰো. ‘‘যৱা সৰে’’তি যে দস্স জো, যস্স চ পুব্বৰূপং, নজ্জাযো. ৱা প-লোপ+যোলোপেসু নজ্জো নদী নদিযো ইচ্চাদি.

ঈকাৰন্তং.

যাগু, যাগূ যাগুযো. ভো যাগু, যাগূ যাগুযো. যাগুং, যাগূ যাগুযো. যাগুযা, যাগূহি যাগূভি. যাগুযা, যাগূনং. যাগুযং যাগুযা, যাগূসু. এৱং ধাতু+ধেনু+কাসু+দদ্দু+কণ্ডু+কচ্ছু+ৰজ্জু+কৰেণু+সস্সু+পিযঙ্গু আদযো.

এত্থ ধাতুসদ্দো ‘‘মনোধাতুনা’’তি অভিধম্মাৱতাৰে ৱুত্তত্তা পুল্লিঙ্গেপি দিস্সতি, তং সক্কটমতেন ৱুত্তন্তি কেচি.

মাতা, মাতৰো. ভো মাত মাতা, মাতৰো. মাতৰং, মাতৰে মাতৰো. মাতৰা, নাস্স যাদেসে ‘‘যে পস্সা’’তি যোগৱিভাগা পলোপো, অনুঞ্ঞাতো অহং মত্যা, অঞ্ঞত্ৰ মাতুযা, মাতৰেহি মাতৰেভি মাতূহি মাতূভি. সলোপে মাতু, পসঞ্ঞত্তা ‘নো’ ন হোতি, মত্যা মাতুযা, মাতৰানং মাতানং মাতূনং. ছট্ঠিৱিসযে ‘‘মাতুস্স সৰতী’’তিপি দিস্সতি. মাতৰি, মাতৰেসু মাতূসু. ৱিসেসা+ঞ্ঞত্ৰ পিতুসমং. এৱং ধীতু+দুহিতুসদ্দা.

উকাৰন্তং.

ৰস্সনিসেধে সিলোপে চ কতে জম্বূ. ‘‘জন্ত্ৱা’’দিনা যোলোপে, জম্বূ জম্বুযো. ‘‘গে ৱা’’তি ৰস্সে ভো জম্বু, জম্বূ জম্বুযো. জম্বুং, জম্বূ জম্বুযো. জম্বুযা, জম্বূহি জম্বূভি. জম্বুযা, জম্বূনং. জম্বুযং জম্বুযা, জম্বূসু.

এৱং ৱধূ চ সৰভূ, সৰবূ সুতনূ চমূ;

ৱামূৰূ নাগনাসুৰূ, সমানা খলু জম্বুযা.

ঊকাৰন্তং.

গো, গাৱো গৱো ইচ্চাদি পুল্লিঙ্গসমং.

ইত্থিলিঙ্গং.

নপুংসক, সি –