২১. গুণে

উপাধি ৱিসেসনং, পৰাঙ্গভূতেতি পৰস্স বন্ধত্তা(দিনো) ৱিধানা যাঙ্গভূতে জড়ত্তাদিহেতুম্হীতি অত্থো, ইমিনা গুণসদ্দো যমপ্পধানৱচনোতি ৱদতি, যঞ্চাপ্পধানং তম্পৰাঙ্গভূতন্তি গুণেতীমস্স ‘পৰাঙ্গভূতে’তি অত্থমাহ, যঞ্হি পৰত্থমুপাদীযতে তদপ্পধানমনু ৱাদৰূপেনোপাদীযমানত্তা, যথা ‘জড়ত্তা বদ্ধো, ৰুক্খো যং সীস পত্তা, অগ্গি এত্থ ধুমত্তে’চ্চাদি, তেনেৱাহ-‘পৰত্থৰূপাপন্ন’ন্তি, ৱাৱিধানন্তি ‘‘ৱিভাসা গুণে-থিযং’’ন্তি (২-৩-২৫) এৱং ৱিধানং, ইত্থিযন্তিআদিনা পঞ্চমীৰূপস্সপি অভিমতভাৱং দস্সেতি, তেনেৱাহ-‘উভযত্থা’তিআদি, ননু ‘তো পঞ্চম্যা’’তি (৪-৯৫) সুত্তেন তদ্ধিতপচ্চযন্তস্স কথং পঞ্চম্যন্ততা ত্যাসঙ্কিযাহ-‘পঞ্চমিনিদ্দেসে’ ইচ্চাদি, ইমিনা সুত্তেন পঞ্চমিযা ৱিনাতি যোজনা, ৱা পঞ্চমিযা ৱিধানতো ততিযাৰূপেনপি ভৱিতব্বন্তি চোদনমনসি নিধায পঞ্চম্যু দাহৰণেযেৱ কাৰণং ততিযোদাহৰণস্স চ পঠমোদাহৰণানুসাৰেনানু মন্তব্বতঞ্চদস্সেন্তো আহ ‘পঞ্চম্যাযেৱি’চ্চাদি, অভাৱেন সঙ্খাৰনিৰোধেনাতি ততিযন্তৰূপানি.