২০৪. নম্হি

ননু যথাক্কমং নংৱিভত্তিক্কমেনাপি সম্ভৱতি, তথাসতি ‘দ্ৱিন্নং সদ্দানং দ্ৱেআদেসা কমেনে’চ্চেৱ কস্মা ৱুত্তং ত্যাসঙ্কিযাহ ‘ন নংৱিভত্তিক্কমেনাপী’তি. কাৰণমাহ- ‘তস্সানপেক্খিতত্তা’তি, ইমিনা নিস্সযকৰণমেকা সত্থিযা যুত্তীতি দস্সেতি, অপেক্খিতে কথং ভৱেয্যা ত্যাহ- ‘যদি হি’চ্চাদি, অপেক্খিতি যথাক্কমং, এৱমঞ্ঞতে ‘‘কিঞ্চাপি জাতিনিদ্দেসেন দ্ৱেপি নং ৰূপানি গয্হন্তি, তথাপি ‘তিচতুন্ন’ন্তি ৱিয ব্যত্তিনিদ্দেসোৱ যথাক্কমোপকাৰীযমানান, মনুদেসস্স তথা ৱিঞ্ঞযমানত্তাতি নংসুইচ্চেৱ ৱদেয্য, ন তথা ৱুত্তং, ততো-ৱসীযতে ‘ন যথাক্কমমেত্থাপেক্খিত’ন্তি.