১৯৭. ইমে

আদেসো কথনং, অন্ৱাদেসো-নুকথনমিচ্চাহ-‘অন্ৱাদেসো কথিতানুকথন’মীতি, কথিতস্সানুকথনং কথিতানুকথনং, অনেন চ নেহ পচ্ছা উচ্চাৰণমত্তমন্ৱাদেসো, কিঞ্চৰহি একস্সাভিধেয্যস্স পুব্বসদ্দেন পটিপাদিতস্স দুতিযম্পতিপাদনমন্ৱাদেসোতি ৱদতি, তেনেহ ন ভৱতি ‘দেৱদত্তং ভোজয, ইমঞ্চ যঞ্ঞদত্ত’ন্তি, কেনচি ৱিসেসন্তৰযোগেন কথিতস্সানুকথনং অন্ৱাদেসোতি সম্বন্ধো. কথম্পন ৱিসেসন্তৰযোগো গম্যতেচ্চাহ- ‘সামত্থিযা’তি, কেনচি ৱিসেসেনাযোগে ৱুত্তস্সেৱ পুনব্বচনানুপপজ্জনং সামত্থিযং, তেনেৱাহ- ‘অঞ্ঞথে’চ্চাদি.