৩. অনেকত্থৱগ্গ

৭৭৭. অনেকত্থে পৱক্খামি, গাথা’দ্ধপাদতো কমা;

এত্থ লিঙ্গৱিসেসত্থ, মেকস্স পুনৰুত্ততা.

৭৭৮. সমযো সমৱাযে চ, সমূহে কাৰণে খণে;

পটিৱেধে সিযা কালে, পহানে লাভ দিট্ঠিসু.

৭৭৯. ৱণ্ণো সণ্ঠান ৰূপেসু, জাতি,চ্ছৱীসু কাৰণে;

পমাণে চ পসংসাযং, অক্খৰে চ যসে গুণে.

৭৮০. উদ্দেসে পাতিমোক্খস্স, পণ্ণত্তিয মুপোসথো;

উপৱাসে চ অট্ঠঙ্গে, উপোসথদিনে সিযা.

৭৮১. ৰথঙ্গে লক্খণে ধম্মো, ৰচক্কে’স্ৱীৰিযাপথে;

চক্কং সম্পত্তিযং চক্ক, ৰতনে মণ্ডলে বলে.

৭৮২. কুলালভণ্ডে আণায, মাযুধে দান ৰাসিসু;

৭৮৩. দানস্মিং ব্ৰহ্মচৰিয, মপ্পমঞ্ঞাসু সাসনে;

মেথুনাৰতিযং ৱেয্যা, ৱচ্চে সদাৰতুট্ঠিযং;

পঞ্চসীলা’ৰিযমগ্গো, পোসথঙ্গ ধিতীসু [ঠিতীসু (ক.)] চ.

৭৮৪. ধম্মো সভাৱে পৰিযত্তিপঞ্ঞা,

ঞাযেসু সচ্চপ্পকতীসু পুঞ্ঞে;

ঞেয্যে গুণা’চাৰ সমাধিসূপি,

নিস্সত্ততা’পত্তিসু কাৰণাদো.

৭৮৫. অত্থো পযোজনে সদ্দা, ভিধেয্যে ৱুদ্ধিযং ধনে;

ৱত্থুম্হি কাৰণে নাসে, হিতে পচ্ছিমপব্বতে.

৭৮৬. যেভুয্যতা’ব্যামিস্সেসু, ৱিসংযোগে চ কেৱলং;

দড়্হত্থে’নতিৰেকে চা, নৱসেসম্হি তং তিসু.

৭৮৭. গুণো পটল ৰাসীসু, আনিসংসে চ বন্ধনে;

অপ্পধানে চ সীলাদো, সুক্কাদিম্হি জিযায চ.

৭৮৮. ৰুক্খাদো ৱিজ্জমানে চা, ৰহন্তে খন্ধপঞ্চকে;

ভূতো সত্ত মহাভূতা, মনুস্সেসু ন নাৰিযং.

৭৮৯. ৱাচ্চলিঙ্গো অতীতস্মিং, জাতে পত্তে সমে মতো;

৭৯০. সুন্দৰে দড়্হিকম্মে চা, যাচনে সম্পটিচ্ছনে;

সজ্জনে সম্পহংসাযং, সাধ্ৱা’ভিধেয্যলিঙ্গিকং.

৭৯১. অন্তো নিত্থী সমীপে চা, ৱসানে পদপূৰণে;

দেহাৱযৱে কোট্ঠাসে, নাস সীমাসু লামকে.

৭৯২. নিকাযে সন্ধি সামঞ্ঞ, প্পসূতীসু কুলে ভৱে;

ৱিসেসে সুমনাযঞ্চ, জাতি সঙ্খতলক্খণে.

৭৯৩. ভৱভেদে পতিট্ঠাযং, নিট্ঠা’জ্ঝাসযবুদ্ধিসু;

ৱাসট্ঠানে চ গমনে, ৱিসটত্তে [ৱিসৰত্ত ৱিসদত্তে] গতীৰিতা.

৭৯৪. ফলে ৱিপস্সনা দিব্ব, চক্খু সব্বঞ্ঞুতাসু চ;

পচ্চৱেক্খণঞাণম্হি, মগ্গে চ ঞাণদস্সনং.

৭৯৫. কম্মাৰুদ্ধন অঙ্গাৰ, কপল্ল দীপিকাসু চ;

সুৱণ্ণকাৰমূসাযং, উক্কা ৱেগে চ ৱাযুনো.

৭৯৬. কেসোহাৰণ, জীৱিত, ৱুত্তিসু ৱপনে চ ৱাপসমকৰণে;

কথনে পমুত্তভাৱ, জ্ঝেনাদো [জ্ঝেসনাদো (সী.)] ৱুত্ত মপি তীসু.

৭৯৭. গমনে ৱিস্সুতে চা’ৱ, ধাৰিতো’পচিতেসু চ;

অনুযোগে কিলিন্নে চ, সুতো’ ভিধেয্যলিঙ্গিকো.

৭৯৮. সোতৱিঞ্ঞেয্য সত্থেসু, সুতং পুত্তে সুতো সিযা;

৭৯৯. কপ্পো কালে যুগে লেসে, পঞ্ঞত্তি পৰমাযুসু;

সদিসে তীসু সমণ, ৱোহাৰ কপ্পবিন্দুসু;

সমন্তত্থে’ন্তৰকপ্পা, দিকে তক্কে ৱিধিম্হি চ.

৮০০. নিব্বান মগ্গ ৱিৰতি, সপথে সচ্চভাসিতে;

তচ্ছে চা’ৰিযসচ্চম্হি, দিট্ঠিযং সচ্চ মীৰিতং.

৮০১. সঞ্জাতিদেসে হেতুম্হি, ৱাসট্ঠানা’কৰেসু চ;

সমোসৰণট্ঠানে চা, যতনং পদপূৰণে.

৮০২. অন্তৰং মজ্ঝ ৱত্থ’ঞ্ঞ, খণো’কাসো’ধি হেতুসু;

ব্যৱধানে ৱিনট্ঠে চ, ভেদে ছিদ্দে মনস্য’পি.

৮০৩. আৰোগ্যে কুসলং ইট্ঠ, ৱিপাকে কুসলো তথা;

অনৱজ্জম্হি ছেকে চ, কথিতো ৱাচ্চলিঙ্গিকো.

৮০৪. দ্ৰৱা’চাৰেসু ৱীৰিযে, মধুৰাদীসু পাৰদে;

সিঙ্গাৰাদো ধাতুভেদে, কিচ্চে সম্পত্তিযং ৰসো.

৮০৫. বোধি সব্বঞ্ঞুতঞ্ঞাণে, ৰিযমগ্গে চ নাৰিযং;

পঞ্ঞত্তিযং পুমে’ স্সত্থ, ৰুক্খম্হি পুৰিসিত্থিযং.

৮০৬. সেৱিতো যেন যো নিচ্চং, তত্থাপি ৱিসযো সিযা;

ৰূপাদিকে জনপদে, তথা দেসে চ গোচৰে.

৮০৭. ভাৱো পদত্থে সত্তায, মধিপ্পায ক্ৰিযাসু চ;

সভাৱস্মিঞ্চ লীলাযং, পুৰিসি’ত্থিন্দ্ৰিযেসু চ.

৮০৮. সো বন্ধৱে’ত্তনি চ সং, সো ধনস্মি মনিত্থিযং;

সা পুমে সুনখে ৱুত্তো, ত্তনিযে সো তিলিঙ্গিকো.

৮০৯. সুৱণ্ণং কনকে ৱুত্তং, সুৱণ্ণো গৰুড়ে তথা;

পঞ্চধৰণমত্তে চ, ছৱি সম্পত্তিযম্পি চ.

৮১০. ৱৰো দেৱাদিকা [দেৱাদিতো (সী.)] ইট্ঠে, জামাতৰি পতিম্হি চ,

উত্তমে ৱাচ্চলিঙ্গো সো, ৱৰং মন্দপ্পিযে ব্যযং.

৮১. ১.

মকুলে ধনৰাসিম্হি, সিযা কোস মনিত্থিযং;

নেত্তিংসাদি পিধানে চ, ধনুপঞ্চসতেপি চ.

৮১২. পিতামহে জিনে সেট্ঠে, ব্ৰাহ্মণে চ পিতূস্ৱপি;

ব্ৰহ্মা ৱুত্তো তথা ব্ৰহ্মং, ৱেদে তপসি ৱুচ্চতে.

৮১৩. হত্থীনং মজ্ঝবন্ধে চ, পকোট্ঠে কচ্ছবন্ধনে;

মেখলাযং মতা কচ্ছা, কচ্ছো ৱুত্তো লতায চ.

৮১৪. তথেৱ বাহুমূলম্হি, অনূপম্হি তিণেপি চ;

৮১৫. পমাণং হেতু সত্থেসু, মানে চ সচ্চৱাদিনি;

পমাতৰি চ নিচ্চম্হি, মৰিযাদায মুচ্চতে.

৮১৬. সত্তং দব্ব’ত্তভাৱেসু, পাণেসু চ বলে, সিযা [বলে সক্কা (টী.)];

সত্তাযঞ্চ, জনেসত্তো, আসত্তে সো তিলিঙ্গিকো.

৮১৭. সেম্হাদো ৰসৰত্তাদো, মহাভূতে পভাদিকে;

ধাতু দ্ৱীস্ৱ’ট্ঠিচক্খা’দি, ভ্ৱা’দীসু গেৰিকাদিসু.

৮১৮. অমচ্চাদো সভাৱে চ, যোনিযং পকতী’ৰিতা;

সত্ৱাদিসাম্যা’ৱত্থাযং, পচ্চযা পঠমেপি চ.

৮১৯. পদং ঠানে পৰিত্তাণে, নিব্বানম্হি চ কাৰণে;

সদ্দে ৱত্থুম্হি কোট্ঠাসে, পাদে তল্লঞ্ছনে মতং.

৮২০. লোহমুগ্গৰ মেঘেসু, ঘনো, তালাদিকে ঘনং,;

নিৰন্তৰে চ কঠিনে, ৱাচ্চলিঙ্গিক মুচ্চতে.

৮২১. খুদ্দা চ মক্খিকাভেদে, মধুম্হি খুদ্দ, মপ্পকে;

অধমে কপণে চাপি, বহুম্হি চতূসু ত্তিসু.

৮২২. তক্কে মৰণলিঙ্গে চ, অৰিট্ঠং অসুভে সুভে,;

অৰিট্ঠো আসৱে কাকে, নিম্বে চ ফেনিলদ্দুমে.

৮২৩. মানভণ্ডে পলসতে, সদিসত্তে তুলা তথা;

গেহানং দাৰুবন্ধত্থ, পীঠিকাযঞ্চ দিস্সতি.

৮২৪. মিত্তকাৰে লঞ্জদানে, বলে ৰাসি ৱিপত্তিসু [বলৰাসি ৱিপত্তিসু (ক.)];

যুদ্ধে চেৱ পটিঞ্ঞাযং, সঙ্গৰো সম্পকাসিতো.

৮২৫. খন্ধে ভৱে নিমিত্তম্হি, ৰূপং ৱণ্ণে চ পচ্চযে;

সভাৱ সদ্দ সণ্ঠান, ৰূপজ্ঝান ৱপূসু চ.

৮২৬. ৱত্থু কিলেস কামেসু, ইচ্ছাযং মদনে ৰতে;

কামো, কামং নিকামে, চা, নুঞ্ঞাযং কাম মব্যযং.

৮২৭. পোক্খৰং পদুমে দেহে, ৱজ্জভণ্ডমুখেপি চ;

সুন্দৰত্তে চ সলিলে, মাতঙ্গকৰকোটিযং.

৮২৮. ৰাসিনিচ্চল মাযাসু, দম্ভা’সচ্চেস্ৱ’যোঘনে;

গিৰিসিঙ্গম্হি সীৰঙ্গে, যন্তে কূট মনিত্থিযং.

৮২৯. ৱুদ্ধিযং জননে কাম, ধাত্ৱাদীম্হি চ পত্তিযং;

সত্তাযঞ্চেৱ সংসাৰে, ভৱো সস্সতদিট্ঠিযং.

৮৩০. পটিৱাক্যো’ত্তৰাসঙ্গে, সু’ত্তৰং উত্তৰো তিসু;

সেট্ঠে দিসাদিভেদে চ, পৰস্মি মুপৰী’ৰিতো.

৮৩১. নেক্খম্মং পঠমজ্ঝানে, পব্বজ্জাযং ৱিমুত্তিযং;

ৱিপস্সনায নিস্সেস, কুসলম্হি চ দিস্সতি.

৮৩২. সঙ্খাৰো সঙ্খতে পুঞ্ঞা, ভিসঙ্খাৰাদিকেপি চ;

পযোগে কাযসঙ্খাৰা, দ্য’ভিসঙ্খৰণেসু চ.

৮৩৩. আৰম্মণে চ সংসট্ঠে, ৱোকিণ্ণে নিস্সযে তথা;

তব্ভাৱে চাপ্যভিধেয্য, লিঙ্গো সহগতো ভৱে.

৮৩৪. তীসু ছন্নং পতিৰূপে, ছাদিতে চ নিগূহিতে;

নিৱাসন পাৰুপনে, ৰহো পঞ্ঞত্তিযং পুমে.

৮৩৫. বুদ্ধসমন্তচক্খূসু, চক্খু পঞ্ঞায মীৰিতং;

ধম্মচক্খুম্হি চ মংস, দিব্বচক্খুদ্ৱযেসু চ.

৮৩৬. ৱাচ্চলিঙ্গো অভিক্কন্তো, সুন্দৰম্হি অভিক্কমে;

অভিৰূপে খযে ৱুত্তো, তথেৱ’ব্ভনুমোদনে.

৮৩৭. কাৰণে দেসনাযঞ্চ, ৱাৰে ৱেৱচনেপি চ;

পাকাৰস্মিং [পকাৰস্মিং (ক.)] অৱসৰে, পৰিযাযো কথীযতি.

৮৩৮. ৱিঞ্ঞাণে চিত্তকম্মে চ, ৱিচিত্তে চিত্ত মুচ্চতে;

পঞ্ঞত্তি চিত্তমাসেসু, চিত্তো, তাৰন্তৰে থিযং.

৮৩৯. সামং ৱেদন্তৰে সান্ত্ৱে, তং পীতে সামলে তিসু;

সযমত্থে ব্যযং সামং, সামা চ সাৰিৱাযপি.

৮৪০. পুমে আচৰিযাদিম্হি, গৰু [গুৰু (ক. টী.)] মাতাপিতূস্ৱপি;

গৰু তীসু মহন্তে চ, দুজ্জৰা’লহুকেসু চ.

৮৪১. অচ্চিতে ৱিজ্জমানে চ, পসত্থে সচ্চ সাধুসু;

খিন্নে চ সমিতে চেৱ, সন্তোভিধেয্যলিঙ্গিকোতি.

ইতি গাথাঅনেকত্থৱগ্গো.

৮৪২. দেৱো ৱিসুদ্ধিদেৱা’দো, মেঘ মচ্চু নভেসু চ;

অথোপি তৰুণে সত্তে, চোৰেপি মাণৱো ভৱে.

৮৪৩. আদি কোট্ঠাস কোটীসু, পুৰতো’গ্গংৱৰে তীসু;

পচ্চনীকো’ত্তমেস্ৱ’ঞ্ঞে, পচ্ছাভাগে পৰো তিসু.

৮৪৪. যোনি কাম সিৰি’স্সৰে, ধম্মু’য্যাম যসে ভগং;

উড়াৰো তীসু ৱিপুলে, সেট্ঠে চ মধুৰে সিযা.

৮৪৫. সম্পন্নো তীসু সম্পুণ্ণে, মধুৰে চ সমঙ্গিনি;

সঙ্খা তু ঞাণে কোট্ঠাস, পঞ্ঞত্তি গণনেসু চ.

৮৪৬. ঠানং ইস্সৰিযো’কাস, হেতূসু ঠিতিযম্পি চ;

অথো মানে পকাৰেচ, কোট্ঠাসেচ ৱিধো দ্ৱিসু.

৮৪৭. পঞ্ঞো’পৱাস খন্তীসু, দমো ইন্দ্ৰিযসংৱৰে;

ঞাণে চ সোমনস্সেচ, ৱেদো ছন্দসি চো’চ্চতে.

৮৪৮. খন্ধকোট্ঠাস, পস্সাৱ, মগ্গ, হেতূসু যোনি সা [যোনি সো (টী.)];

কালে তু কূলে সীমাযং, ৱেলা ৰাসিম্হি ভাসিতা.

৮৪৯. ৱোহাৰো সদ্দ পণ্ণত্তি, ৱণিজ্জা চেতনাসু চ;

নাগো তু’ৰগ হত্থীসু, নাগৰুক্খে তথু’ত্তমে.

৮৫০. সেট্ঠা’সহায সঙ্খ্যা’ঞ্ঞ,