১. ভূমিৱগ্গ

১৮০. ৱগ্গা ভূমি, পুৰী, মচ্চ, চতুব্বণ্ণ, ৱনাদিহি;

পাতালেন চ ৱুচ্চন্তে, সঙ্গো’পঙ্গেহি’ধ’ক্কমা.

১৮১. ৱসুন্ধৰা ছমা ভূমি, পথৱী মেদনী মহী;

উব্বী ৱসুমতী গো কু, ৱসুধা ধৰণী ধৰা;

পুথৱী জগতী ভূৰী, ভূ চ ভূতধৰা’ ৱনী.

১৮২. খাৰা তু মত্তিকা ঊসো, ঊসৱা তূসৰো তিসু;

থলং থলীত্থী ভূভাগে, থদ্ধলূখম্হি জঙ্গলো.

১৮৩. পুব্বৱিদেহো চাপৰ, গোযানং জম্বুদীপো চ;

উত্তৰকুৰু চেতি সিযুং, চত্তাৰোমে মহাদীপা.

১৮৪. পুম্বহুত্তে কুৰূ সক্কা, কোসলা মগধা সিৱী;

কলিঙ্গা’ৱন্তি পঞ্চালা, ৱজ্জী গন্ধাৰ চেতযো.

১৮৫. ৱঙ্গা ৱিদেহা কম্বোজা, মদ্দা ভগ্গ’ঙ্গ সীহড়া;

কস্মীৰা কাসি পণ্ডৱাদী, সিযুং জনপদন্তৰা.

১৮৬. লোকো চ ভুৱনং ৱুত্তং, দেসো তু ৱিসযো প্যথ;

মিলক্খদেসো পচ্চন্তো, মজ্ঝদেসো তু মজ্ঝিমো.

১৮৭. অনূপো সলিলপ্পাযো, কচ্ছং পুম নপুংসকে;

সদ্দলো হৰিতে দেসে, তিণেনা, ভিনৱেন হি.

১৮৮. নদ্যম্বুজীৱনো দেসো, ৱুট্ঠিনিপ্পজ্জসস্সকো;

যো নদীমাতিকো দেৱ,

মাতিকো চ কমেন সো.

১৮৯. তীস্ৱনূপাদ্যথো চন্দ, সূৰাদো সস্সতীৰিতো;

ৰট্ঠং তু ৱিজিতঞ্চাথ, পুৰিসে সেতু আলিযং.

১৯০. উপান্তভূ পৰিসৰো, গোট্ঠং তু গোকুলং ৱজো;

মগ্গো পন্থো পথো অদ্ধা, অঞ্জসং ৱটুমং তথা.

১৯১. পজ্জো [পজ্জা…. (ক.)], যনঞ্চ পদৱী, ৱত্তনী পদ্ধতিত্থিযং;

তব্ভেদা জঙ্ঘ, সকট, মগ্গা তে চ মহদ্ধনি.

১৯২. একপদ্যেকপদিকে, কন্তাৰো তু চ দুগ্গমে;

১৯৩. পটিমগ্গো পটিপথো, অদ্ধানং দীঘ মঞ্জসং;

সুপ্পথো তু সুপন্থো চ, উপ্পথং ত্ৱপথং ভৱে.

১৯৪. ছত্তিংসপৰমাণূন, মেকো ণু চ ছত্তিংস তে;

তজ্জাৰী তাপি ছত্তিংস, ৰথৰেণু ছত্তিংস তে.

১৯৫. লিক্খাতা সত্ত ঊকা তা, ধঞ্ঞমাসোতি সত্ত তে;

সত্ত ঙ্গুল’ মমু দ্ৱিচ্ছ, ৱিদত্থি তা দুৱে সিযুং.

১৯৬. ৰতনং তানি সত্তেৱ, যট্ঠি তা ৱীসতূ সভং;

গাৱুত মুসভাসীতি, যোজনং চতুগাৱুতং.

১৯৭. ধনুপঞ্চসতং কোসো, কৰীসং চতুৰম্বণং;

অব্ভন্তৰং তু হত্থান, মট্ঠৱীস পমাণতো.

ভূমিৱগ্গো নিট্ঠিতো.